КР БШКнын маалыматтык-коммуникациялык технологиялар башкармалыгынын кызматкерлери украиналык кесиптештерине шайлоо процессине маалыматтык технологияны киргизүү боюнча кыргызстандыктардын тажрыйбасы жѳнүндѳ айтып беришти.
2020-жылдын 26-майында алар Украина БШКнын жалпы мамлекеттик жана жергиликтүү шайлоо процесстерине жаңы маалыматтык технологияларды киргизүү боюнча жумушчу топтун жыйынына онлайн катышуу үчүн чакырылган.
Видеоконференция форматында ѳткѳрүлгѳн иш-чарага Украина БШКнын ѳкүлдѳрү, Украинанын эл депутаттары, ошондой эле IFES, UNDP эл аралык уюмдарынын, шайлоо укугу жана санариптик технологиялар маселелери боюнча Европа Бирлигинин ѳкүлдѳрү катышты.
КР БШК маалыматтык-коммуникациялык технологиялар башкармалыгынын кызматкерлери шайлоо процессине маалыматтык технолгияларды киргизүү тажырыйбасы, пайдаланылып жаткан системанын коопсуздугу жана шайлоочулардын тизмеси, добуштарды саноо ж.б. боюнча электрондук башкаруу системасынын ишин нормативдик жѳнгѳ салуу тууралуу айтып беришти.
Автоматтык эсептѳѳчү урналардан жана биометрикалык параметрлер боюнча шайлоочуларды идентификациялоо жабдуусунан турган шайлоо жабдууларынын комплекттери кѳрсѳтүлүп, андан ары добуш берген күнү техниканын иштѳѳсү жана добуш берүүнүн натыйжаларынын чагылдырган системанын иштеши кѳрсѳтүлдү.
Жабдууларды кѳрсѳтүү учурунда видеоконференцияга катышып жаткандардан киргизилген системаны пайдалануу, мүмкүн болуучу тобокелчиликтер жана шайлоонун жыйынтыгын эсептѳѳдѳ жарандык кѳзѳмѳлдүн ѳбѳлгѳлѳрү, реформалоонун этаптары жана шайлоо процессине технолгоияларды киргизүү тууралуу суроолор түшүп турду.
КР БШК маалыматтык-коммуникациялык технологиялар башкармалыгынын кызматкерлери тарабынан шайлоочулардын катышуусу, добуш берүүнү эсептѳѳ жана анын жыйынтыгын чыгарууда анык, ачык-айкындыкка жетишүүдѳ технологиялардын оң таасир этип жаткандыгы, бул атаандыштык шайлоолор үчүн мыкты негиз болуп саналары жѳнүндѳ кеңири маалыматтар берилди.
