Токмок, Балыкчы, Каракол, Ош жана Майлуу-Суу шаардык кеңештерине шайлоолорго катталган 22 саясий партия мыйзамдуу жана таза шайлоолорду ѳткѳрүү жѳнүндѳ Меморандумга кол коюшту.
Ошто 14-мартта меморандумга 9 партия: "Биримдик" (Единство) демократиялык партиясы, "Мекеним Кыргызстан", "Бирик", "Бир-Бол", "Улуу-Журт", "КЛДП", "Кыргызстан", "Эмгек", "Өнугуу-Прогресс" партиялары кол коюшту.
Токмокто 2020-жылдын 16-мартында меморандумга 9 партия: «Биримдик" (Единство) демократиялык партиясы, "Мекеним Кыргызстан", "Эмгек", "Афганнистандагы согуштун ардагерлеринин жана башка локалдык аскердик чыр-чатактардын катышуучуларынын саясий партиясы», "КЛДП", "Өнүгүү Прогресс", "Ата-Мекен", "Эл биримдиги", "Кыргызстан" партиялары кол коюшту.
Караколдо 2020-жылдын 17-мартында меморандумга 14 партий: "Кыргызстандын жашылдар партиясы", "Өнүгүү-Прогресс", "Мекен Ынтымагы", "Ак Шумкар", "Улуу Кыргызстан", "КЛДП", «Биримдик" (Единство) демократиялык партиясы, "Кыргызстан", "Замандаш", "Табылга", "Бирик", "Мекеним Кыргызстан", "УлууЖурт", "Республика" партиялары кол коюшту.
Балыкчыда 2020-жылдын 17-мартында меморандумга 11 партий: Биримдик" (Единство) демократиялык партиясы, "Улуу-Журт", "Өнүгүү-Прогресс", "Ата-Журт", "Табылга", "Замандаш", "Социал-Демократтар","Мекеним Кыргызстан", "Мекен-Ынтымагы", "Эмгек" жана "Кыргызстан" партиялары кол коюшту.
Майлуу-Сууда 2020-жылдын 19-мартында меморандумга 7 партий: "Мекеним Кыргызстан", "Ата-Мекен", "Замандаш", "Элмурас", "Кыргызстан", «Биримдик" (Единство) демократиялык партиясы, "Өнүгүү-Прогресс" партиялары кол коюшту.
Меморандумда жарандардын байгерчилигин жана шаарлардын социалдык-экономикалык ѳнүгүүсүн жогорлатууга кѳмѳктѳшүүгѳ партиялардын багыт алышы баса белгиленди.
Партиялар шайлоолордо бардык катышуучулар үчүн жарандардын кызыкчылыгы артыкчылыктуу болууга тийиш экендиги, ал эми элдин колдоосуна реалдуу иштери менен жетишүүгѳ боло тургандыгы тууралуу билдиришти.
Меморандумда партиялар тынчтыкты, турукутуулукту жана келечекте гүлдѳп ѳнүгүүнү колдоо менен КР Конституциясына жана мыйзамдарына ылайык таза жана акыйкат шайлоолорду ѳткѳрүү үчүн чыгып жатышкандыктарын билдиришти.
Ошону менен бирге партиялар шайлоо реформасын ѳткѳрүүнүн жүрүшүндѳ жетишилген шайлоолордун жыйынтыктарынын аныктыгы жана ачык-айкындыгы реалдуу атаандаштыкка жакшы негиз болуп санала тургандыгын таанышууда.
Меморандумга ылайык партиялар тѳмѳндѳгүлѳргѳ милдеттеништи:
- Кыргыз Республикасынын Конституциясынын жана мыйзамдарынын, анын ичинде шайлоо мыйзамдарынын кыйшаюусуз сактоого;
- партиялар жана шайлоо процессинин башка катышуучлары менен конструктивдүү сүйлѳшүүлѳрдү жүргүзүүгѳ, саясий оппоненттер менен талаш-тартыштарды мыйзамдын негизинде ачык, эл алдында талкуулоо менен чечүүгѳ;
- шайлоо кампанияларын ачык айкын, бирин бири урматтоо, жарандардын кызыкчылыктарынын жана уктарынын артыкчылыгы, мыйзамдын улуктугу принциптеринде жүргүзүүгѳ;
- этикалык жана моралдык нормаларды сактоого, бири бирине карата таза болуу менен «ыпылас технологияларды» пайдаланбай үгүт иштерин жүргүзүүгѳ;
- башкалардын ар-намысына, кадыр-баркына жана ишкердик аброюна доо келтирген кѳз кѳрүнѳѳ жалган маалыматтарга негизделген материалдары жайылтпоого;
- добуш берүү күнүнѳ чейин жана добуш берген күнү шайлоочулардын добуштарын сатып алууга багытталган аракеттерге ѳздѳрүнүн, ѳздѳрүнүн ѳкүлдѳрүнүн, ишенимдүү адамдарынын, партиялаштарынын, үгүтчүлѳрүнүн, туугандарынын, досторунун, тааныштарынын жана башка адамдардын катышуусуна жол бербѳѳгѳ, шайлоочулардын добуштарын сатып алууга каршы бардык чаралар менен күрѳшүүгѳ, анын ичинде укук коргоо органдарына кѳмѳктѳшүүгѳ;
- ѳздѳрүнүн максаттарына жетишүү үчүн административдик ресурстарды пайдаланууну, анын ичинде кызматтык же кызмат абалынын артыкчылыктарын пайдаланууну жокко чыгарууга;
- ушак-айыңдар, күч колдонуу менен коркутуу же соцалдык араздашууга, душмандашууга кѳкүтүү камтылган маалыматтарды, үгүт жана маалыматтык материалдарды интернет жана башка ресурстар аркылуу расмий же жашырын басып чыгарбоого жана жайылтпоого;
- ачык-айкын жана шайлоо процессинин бардык катышуучларын урматтоо принциптеринде таза жана акыйкат шайлоолорду ѳткѳрүүгѳ ар тараптан кѳмѳктѳшүүгѳ, шайлоо комиссияларына жана укук коргоо органдарына алардын иштеринде кѳмѳк кѳрсѳтүүгѳ;
- шайлоо алдындагы мезгилде жана шайлоодон кийин ыңгайлуу жана тынч кырдаалга кѳмѳктѳшѳ алгыдай шайлоо кампаниясын уштурууга жана ѳткѳрүүгѳ.
Партиялар шайлоо комиссияларынын мүчѳлѳрүн ѳз ара аркеттенүү үчүн ачык жана калыс болууга, ал эми жалпыга маалымдоо каражаттарын таза жана объективдүү болууга, бурмалоолорго жана манипуляцияларга жол бербѳѳгѳ чакырды.
Шайлоолорго катышкан партиялар жѳнүндѳ жарандарга маалымдоо үчүн http://talapker.shailoo.gov.kg/ электрондук ресустун бет ачары болду, ага ар бир партия, талапкерлердин тизмеси, партиялардын программалары жѳнүндѳ жалпы маалыматтар жана шайлоо фонддорундагы каржы булактары жана алардын чыгымдалышы тууралуу маалыматтар жайгаштырылган.
Ошондой эле ѳлкѳдѳгү коронавирус боюнча кырдаалга байланыштуу жарандардын коопсуздугу үчүн үгүт иштерин массалык чогулуштарды ѳткѳрбѳй ЖМК, социалдык тармактар жана басма ресурстары, анын ичинде БШКнын сайтынын платформасы аркылуу уюштуруу мүмкүнчүлүгү талкууланды.
БШКнын маалымат бѳлүмү
Шилтемелер:
Токмок ш. – Меморандум
Каракол ш. – Меморандум
Балыкчы ш.– Меморандум
Майлуу-Суу ш. – Меморандум
