2020-жылы 13-мартта айрым кеңештерге шайлоону даярдоо жана өткөрүү боюнча Календардык планга ылайык добуш берүү күнүнө чейин 30 күн мурда шаардык кеңештердин депутаттарын шайлоого катышуу үчүн партияларды каттоо аяктады.

Ош, Майлуу-Суу, Токмок, Балыкчы жана Каракол шаардык кеңештеринде шайлоо өтөт.

22 партия беш шаардагы шайлоого катышуу ниетин билдирди.

Ош шаардык кеңешке катышуу үчүн 9 партия – “Биримдик” (“Единство”) демократиялык партиясы, “Мекеним Кыргызстан”, “Бирик”, “Бир-Бол”, “Улуу-Журт”, “КЛДП”, “Кыргызстан”, “Эмгек”, “Өнүгүү-Прогресс” партиялары катталды.

Ош шаардык кеңештеги мандаттардын жалпы саны – 45, катталган талапкерлердин саны – 710, анын ичинде 239у же 33,66%ы – аялдар.

Балыкчы шаардык кеңешке катышуу үчүн 11 партия – “Биримдик” (“Единство”) демократиялык партиясы, “Улуу-Журт”, “Өнүгүү-Прогресс”, “Ата-Журт”, “Табылга”, “Замандаш”, "Социал-Демократтар”, “Мекеним Кыргызстан”, “Мекен-Ынтымагы”, “Эмгек” жана “Кыргызстан”, партиялары катталды.

Балыкчы шаардык кеңештеги мандаттардын жалпы саны – 31, катталган талапкерлердин саны – 518, анын ичинде 213 талапкер же 41,12%ы – аялдар.

Каракол шаардык кеңешке катышуу үчүн 14 партия – “Кыргызстандын жашылдар партиясы”, “Өнүгүү-Прогресс”,  “Мекен-Ынтымагы”, “Ак Шумкар”, “Улуу Кыргызстан”, “КЛДП”, “Биримдик” (“Единство”) демократиялык партиясы, “Кыргызстан”, “Замандаш”, “Табылга”, “Бирик”, “Мекеним Кыргызстан”, “Улуу-Журт”, “Республика” партиялары катталды.

Каракол шаардык кеңештеги мандаттардын жалпы саны – 31, катталган талапкерлердин саны – 702, анын ичинде 321 талапкер же 45,73%ы – аялдар.

Токмок шаардык кеңешке катышуу үчүн 9 партия – “Биримдик” (“Единство”) демократиялык партиясы, “Мекеним Кыргызстан”, “Эмгек”,  “Афганистандагы согуштун ардагерлеринин жана башка локалдык согуш конфликттеринин катышуучуларынын саясий партиясы”, “КЛДП”, “Өнүгүү-Прогресс”,  “Ата-Мекен”, “Эл биримдиги”, “Кыргызстан” партиялары катталды.

Токмок шаардык кеңештеги мандаттардын жалпы саны – 31, катталган талапкерлердин саны – 491, анын ичинде 188 талапкер же 38,29%ы – аялдар.

Майлуу-Суу шаардык кеңешке катышуу үчүн 7 партия – “Мекеним Кыргызстан”, “Ата-Мекен”, “Замандаш”, “Элмурас”, “Кыргызстан” “Биримдик” (“Единство”) демократиялык партиясы, “Өнүгүү-Прогресс” партиялары катталды.

Майлуу-Суу шаардык кеңештеги мандаттардын жалпы саны – 31, катталган талапкерлердин саны – 582, анын ичинде 212 талапкер же 36,43%ы – аялдар.

БШКнын маалыматы боюнча төрт партия беш кеңешке катышууда. Бул – “Мекеним Кыргызстан”, “Өнүгүү-Прогресс”, “Биримдик” жана “Кыргызстан”.

 Төрт партия – “Улуу-Журт”,  “КЛДП”, “Эмгек”, “Замандаш” үч шаардагы шайлоого катышат.

Эки шаардагы шайлоого “Бирик”, “Ата-Мекен”, “Табылга”, “Мекен-Ынтымагы” партиялары катышат.

Дагы 10 партия бир гана шаардагы шайлоого катышат.

Мандаттардын жалпы саны – 169. Талапкерлердин жалпы саны – 3 003 адам. Анын ичинде 1 173ү же 39,06%ы – аялдар.

Бүгүнтөн тартып шайлоо үгүтүнүн мезгили башталат.

Шаардык кеңештерге шайлоо 2020-жылы 12-апрелде өтөт.

тизме

КР БШК аппаратынын маалыматтык бөлүмү