Башкы Жаңылыктар БШКнын тѳрагасынын орун басары Абдыжапар Бекматов ЖМКда шайлоо …

БШКнын тѳрагасынын орун басары Абдыжапар Бекматов ЖМКда шайлоо процессин чагылдыруунун ѳзгѳчѳлүктѳрү жѳнүндѳ айтып берди

12-Мар, 2020

Борбордук шайлоо комиссиясынын тѳрагасынын орун басары  Абдыжапар Бекматов мамлекеттик органдардын, ЖМК жана жарандык коомдун ѳкүлдүрү менен болгон координациялык жолугушууга катышты.

            ОБСЕнин программалык офисинин колдоосунда Кыргыз Респуликасынын Маданият, маалымат жана туризм министрлигине караштуу Маалымат жана массалык коммуникация  департаменти тарабынан уюштурулган иш-чарага бийликтин мамлекеттик жана жергиликтүү органдарынын, аймактык ЖМКнын жана эл аралык уюмдардын 40тан ашык ѳкүлдѳрү катышты.

            Борбордук шайлоо комиссиясынын тѳрагасынын орун басары Абдыжапар Бекматов  журналисттерге Кыргыз Республикасынын шайлоо мыйзамдарындагы жаңылыктар, ЖМКда шайлоо процессин чагылдыруунун ѳзгѳчѳлүктѳрү жѳнүндѳ айтып берди.

            Жолугушууга ошондой эле КР ИИМ СПЭНМ киберэкстремизмге каршы аракеттенүү боюнча бѳлүмүнүн башчысы, милициянын полковниги Ратбек Турусбеков, КР Дин боюнча мамлекеттик комиссиясынын директору Зайырбек Эргешов, Factcheck.Kg порталынын башкы редактору Болот Темиров катышты.

            Зайырбек Эргешов диний чѳйрѳдѳ жүргүзүлүп жаткан   Кыргыз Республикасынын мамлекеттик программасынын  алкагында радикализмдин жана экстремизмдин алдын алуу темасында ЖМК ѳкүлдѳрүнѳ маалымат берди.

            Ратбек Турусбеков Кыргызстанда киберэкстремизмдин жайылтылышына  жана интернет айдыңында диний каршылашууга каршы аракеттенүү жана душмандашып жаатташунун жайылышына жол бербѳѳ темасында катышуучуларга баяндама жасады.

            Өз кезегинде Болот Темиров чогулгандарга шайлоо алдындагы мезгилде башка ѳлкѳлѳрдүн тажырбасы тууралуу баяндоо менен, «Фактылардын жана маалыматтардын верификациясынын онлайн-ѳбѳлгѳсү» темасында журналисттер үчүн интерактивдүү тренинг ѳткѳрдү.

            Иш-чаранын жыйынтыгы боюнча бийликтин мамлекеттик жана жергиликтүү органдарынын, жалпыга маалымдоо каражаттарынын жана жарандык сектордун бирге кызматташуусу боюнча макулдашууга жетишилди.

            Кыргызстанда 2020-жылдын 12-апрелинде  Чүй, Ысык-Кѳл, Ош, Баткен, Нарын жана Жалал-Абад облустарынын 25 айылдык кеңештеринин жана 5 шаардык кеңештердин (Ош, Майлуу-Суу, Балыкчы, Каракол, Токмок) депутаттарын шайлоо ѳткѳрүлѳрүн белгилейбиз.

КР БШК аппаратынын маалыматтык бөлүмү

Башка жаңылыктар

Бардык жаңылыктар
КР БШК өкүлдөрү Чүй облусунун мамлекеттик органдарынын жана жергиликтүү өз алдынча башкаруу органдарынын жетекчилери менен Президенттик шайлоого даярдык маселелерин талкуулашты
20-Ноя, 2026

КР БШК өкүлдөрү Чүй облусунун мамлекеттик органдарынын жана жергиликтүү өз алдынча башкаруу органдарынын жетекчилери менен Президенттик шайлоого даярдык маселелерин талкуулашты

2026-жылдын 19-ноябрында Кыргыз Республикасынын Президентинин Чүй облусундагы ыйгарым укуктуу өкүлүнүн аппаратында 2027-жылдын 27-январына дайындалган Кыргыз Республикасынын Президентин шайлоого даярдык көрүү маселелери боюнча жумушчу жолугушуу болуп өттү.Жолугушууга КР БШК төрагаларынын орун басарлары Л. Лурова жана Р. Жакышов, БШКнын мүчөсү М. Темирбаева, ошондой эле Кыргыз Республикасынын Президентинин Чүй облусундагы ыйгарым укуктуу өкүлүнүн орун басары Г. Кыштобаева катышып, иш-чараны биргеликте өткөрүштү.Жолугушууга жергиликтүү өз алдынча башкаруу органдарынын жетекчилери, укук коргоо органдарынын өкүлдөрү жана облустагы шайлоо комиссияларынын мүчөлөрү да катышты.Л. Лурова катышуучуларга облуста шайлоого даярдык көрүүнүн жүрүшү тууралуу маалымат берди. Ал календардык планда белгиленген иш-чараларды өз мөөнөтүндө аткарууга, шайлоо мыйзамдарынын талаптарын так сактоого, ошондой эле шайлоо комиссияларынын мамлекеттик органдар жана жергиликтүү өз алдынча башкаруу органдары менен натыйжалуу кызматташуусуна өзгөчө көңүл бурду.Р. Жакышов шайлоо мыйзамдарындагы өзгөртүүлөр, жарандардын Кыргыз Республикасынын Президентин шайлоого катышуусунун жаңы мүмкүнчүлүктөрү жана жаңыланган шайлоо технологиялары тууралуу маалымат берди.Ал эми майыптыгы бар шайлоочулардын жана жарандардын айрым категорияларынын шайлоо укуктарын өркүндөтүү жана ишке ашыруу боюнча жумушчу топтун жетекчиси М. Темирбаева шайлоо участкаларынын жеткиликтүүлүгүн камсыз кылуу боюнча көрүлүп жаткан чараларды тааныштырды.
Кененирээк билүү >>
КР БШК Кыргыз Республикасынын Президентин шайлоодо чет өлкөлөрдө алгачкы 74 шайлоо участогун түздү
20-Ноя, 2026

КР БШК Кыргыз Республикасынын Президентин шайлоодо чет өлкөлөрдө алгачкы 74 шайлоо участогун түздү

Кыргыз Республикасынын Шайлоо жана референдум өткөрүү боюнча борбордук комиссиясы чет мамлекеттердин аймагында 74 шайлоо участогун түзүү жөнүндө чечим кабыл алды. Учурда шайлоо участокторун ачуу боюнча иштер улантылууда.Мындай чечим 2027-жылдын 27-январына белгиленген Кыргыз Республикасынын Президентин кезектеги шайлоодо чет өлкөлөрдө жашап же жүргөн Кыргыз Республикасынын жарандарынын шайлоо укуктарын камсыз кылуу максатында кабыл алынды.Азыркы учурда алардын эң көбү - 20 шайлоо участогу Россия Федерациясында түзүлдү. Түркия жана Казакстанда 6дан, АКШда 5 шайлоо участогу ачылды.Корея Республикасында жана Италияда 3төн шайлоо участогу иштейт. Өзбекстанда, Германияда, Кытайда жана Бириккен Араб Эмираттарында 2ден шайлоо участогу түзүлдү.Калган 23 шайлоо участогу башка өлкөлөрдө, анын ичинде Австрияда, Чехияда, Словакияда, Польшада, Улуу Британияда, Беларуссияда, Литвада, Венгрияда, Бельгияда, Францияда, Швейцарияда, Сауд Арабиясында, Кувейтте, Катарда, Египетте, Азербайжанда, Тажикстанда, Түркмөнстанда, Малайзияда, Пакистанда, Индияда, Японияда жана Монголияда уюштурулду.Ошентип, бүгүнкү күнгө карата 33 мамлекетте шайлоо участоктору түзүлдү.Добуш берүү күнүнө чейин чет өлкөлөрдө кошумча шайлоо участокторун ачуу пландаштырылууда. Алардын саны жана даректери тууралуу маалымат кошумча жарыяланат.Түзүлгөн шайлоо участокторунун актуалдуу тизмеси жана алардын даректери менен бул жерден таанышууга болот:
Кененирээк билүү >>
КР БШКсы Президенттин кызмат ордуна талапкердин ыйгарым укуктуу өкүлүн каттады
20-Ноя, 2026

КР БШКсы Президенттин кызмат ордуна талапкердин ыйгарым укуктуу өкүлүн каттады

Кыргыз Республикасынын Шайлоо жана референдум өткөрүү боюнча борбордук комиссиясы бүгүнкү жыйынында Кыргыз Республикасынын Президентинин кызмат ордуна талапкер Масалиев Исхак Абсаматовичтин ыйгарым укуктуу өкүлүн каттады.Айдакеева Бегимай Кувандыковна Масалиев Исхак Абсаматовичтин финансылык маселелер боюнча ыйгарым укуктуу өкүлү болуп катталды.Белгилей кетсек, талапкердин ыйгарым укуктуу өкүлүнө белгиленген үлгүдөгү каттоо күбөлүгү берилет.
Кененирээк билүү >>
КР БШКсы "Сезим" фондунан коомдук байкоочуну каттады
20-Ноя, 2026

КР БШКсы "Сезим" фондунан коомдук байкоочуну каттады

Кыргыз Республикасынын Борбордук шайлоо комиссиясы бүгүн, 20-ноябрда «Сезим» майыптыгы бар адамдардын коомдук фондунан коомдук байкоочуну каттоо жөнүндө чечим кабыл алды.Борбордук шайлоо комиссиясына «Сезим» майыптыгы бар адамдардын коомдук фондунан 2026-жылдын 16-ноябрында келип түшкөн билдирүүнүн негизинде Майнаев Камилжан Кыргыз Республикасынын Президентин шайлоого даярдык көрүү жана өткөрүү мезгилинде Ош облусунун аймагындагы бардык шайлоо комиссияларында коомдук байкоочу болуп катталды.Катталган коомдук байкоочуга белгиленген үлгүдөгү күбөлүк берилет.
Кененирээк билүү >>