Башкы Жаңылыктар Шайлоолор. Апрель -2020: Жергиликтүү кеңештерге шайлоолого шайлоочулардын контролдук …

Шайлоолор. Апрель -2020: Жергиликтүү кеңештерге шайлоолого шайлоочулардын контролдук тизмеси жарыяланды

11-Мар, 2020

2020-жылдын 12-апрелинде айрым жергиликтүү кеңештерде кезектеги шайлоолорду даярдоонун жана ѳткѳрүүнүн календардык планына ылайык Кыргыз Республикасынын Шайлоо жана референдум ѳткѳрүү боюнча борбордук комиссиясы «Тизме» мамлекеттик порталында шайлоочулардын контролдук тизмесин жарыялады.

Шайлоо мыйзамдарына ылайык контролдук тизме добуш берүү күнүнѳ чейин 35 календардык күн калганча жаңыртылып турат. 2020-жылдын  13-мартында контролдук тизме шайлоо комиссияларында илинет.

КР БШКнын маалыматына ылайык 13-февралга карата алдын ала тизмеде шайлоочулардын жалпы саны 340 479 шайлоочуну түзгѳн. 2020-жылдын 8-мартына карата контролдук тизмедеги шайлоочулардын саны 342 545 шайлоочуну түзгѳт. БШК билдиргендей, 2 066 шайлоочуга кѳбѳйгѳн.

Үстүбүздѳгү жылдын 28-мартына чейин ар бир  шайлоочу  жергиликтүү кеңештердин депутаттарын шайлоого катышуу үчүн ѳздѳрүн шайлоочулардын тизмесинен тактап алса болот. Шайлоо участкасына келип же болбосо www.tizme.gov.kg  шилтемеси боюнча «Тизме» порталынан, ошондой эле 119 номерине коңгуроо чалуу аркылуу шайлоочулардын тизмесинен ѳздѳрүн тактап алса болот (чалуу акысыз).

Эгерде кандай гана болбосун каталар же так эместиктер табылса, ошондой эле алдын ала, контролдук тизмеде жок болуп чыкса, жаран 2020-жылдын 28-мартына чейин шайлоочулардын тизмесине ѳзгѳртүү киргизүү же ѳзүн киргизүү жѳнүндѳ  арыз менен, паспортун (ID-карт) кѳрсѳтүп, анын кѳчүрмѳсүн арызына тиркѳѳ аркылуу  тийиштүү шайлоо участкасына кайрылууга укуктуу (1-форма боюнча бланк). Мындай учурда шайлоочу биометрикалык идентификациядан ѳтѳт.

БШК жашаган жери боюнча Мамлекеттик каттоо кызматынын органдарынан биометрикалык каттоодон ѳтсѳ боло тургандгын эскертет.

«Жергиликтүү кеңештердин депутаттарын шайлоо жѳнүндѳ» Кыргыз Республикасынын Мыйзамына ылайык жергиликтүү шайлоолорго шайлоочулардын тизмесине добуш берген күнү активдүү шайлоо укугуна ээ, жергиликтүү коомдоштуктун мүчѳсү болуп саналган жана биометрикалык каттодон ѳткѳн Кыргыз Республикасынын жараны киргизилет.

Мыйзамга ылайык жергиликтүү коомдоштукка жарандын таандуулугу Кыргыз Республикасынын жаранынын паспортундагы тийиштүү белги менен тастыкталууга тийиш.

Мыйзамдын ушул талаптарына ылайык, пропискасын ѳзгѳрткѳн, бирок паспортуна белги коюлбаган  жаран жергиликтүү шайлоолордо тийиштүү тизмеге киргизилбейт.

Мындай учурда, мурда белгиленгендей, укук коргоо орандары 12-апрелде жергиликтүү кеңештерде шайлоолор ѳтүүчү шаарларда жарандардын жапырт прописка жасоосун текшерүү боюнча иштерди жүргүзѳт.

Текшерүү (сотко чейинки аракеттер, кызматтык териштирүүлѳр)  жүргүзүлүүчү жарандардын категориялары жана/же жапырт каттоо жүргүзүү даректери ѳзүнчѳ бѳлүнүп каралат. Шайлоочулардын тизмесине байланыштуу булар боюнча андан аркы аракеттер текшерүү аяктаганга жана укуктук баа берилгенге чейин токтотулган.

Шайлоочулардын контролдук тизмесин төмөндөгү шилтемеден тапса болот:

список

Башка жаңылыктар

Бардык жаңылыктар
КР БШК өкүлдөрү Чүй облусунун мамлекеттик органдарынын жана жергиликтүү өз алдынча башкаруу органдарынын жетекчилери менен Президенттик шайлоого даярдык маселелерин талкуулашты
20-Ноя, 2026

КР БШК өкүлдөрү Чүй облусунун мамлекеттик органдарынын жана жергиликтүү өз алдынча башкаруу органдарынын жетекчилери менен Президенттик шайлоого даярдык маселелерин талкуулашты

2026-жылдын 19-ноябрында Кыргыз Республикасынын Президентинин Чүй облусундагы ыйгарым укуктуу өкүлүнүн аппаратында 2027-жылдын 27-январына дайындалган Кыргыз Республикасынын Президентин шайлоого даярдык көрүү маселелери боюнча жумушчу жолугушуу болуп өттү.Жолугушууга КР БШК төрагаларынын орун басарлары Л. Лурова жана Р. Жакышов, БШКнын мүчөсү М. Темирбаева, ошондой эле Кыргыз Республикасынын Президентинин Чүй облусундагы ыйгарым укуктуу өкүлүнүн орун басары Г. Кыштобаева катышып, иш-чараны биргеликте өткөрүштү.Жолугушууга жергиликтүү өз алдынча башкаруу органдарынын жетекчилери, укук коргоо органдарынын өкүлдөрү жана облустагы шайлоо комиссияларынын мүчөлөрү да катышты.Л. Лурова катышуучуларга облуста шайлоого даярдык көрүүнүн жүрүшү тууралуу маалымат берди. Ал календардык планда белгиленген иш-чараларды өз мөөнөтүндө аткарууга, шайлоо мыйзамдарынын талаптарын так сактоого, ошондой эле шайлоо комиссияларынын мамлекеттик органдар жана жергиликтүү өз алдынча башкаруу органдары менен натыйжалуу кызматташуусуна өзгөчө көңүл бурду.Р. Жакышов шайлоо мыйзамдарындагы өзгөртүүлөр, жарандардын Кыргыз Республикасынын Президентин шайлоого катышуусунун жаңы мүмкүнчүлүктөрү жана жаңыланган шайлоо технологиялары тууралуу маалымат берди.Ал эми майыптыгы бар шайлоочулардын жана жарандардын айрым категорияларынын шайлоо укуктарын өркүндөтүү жана ишке ашыруу боюнча жумушчу топтун жетекчиси М. Темирбаева шайлоо участкаларынын жеткиликтүүлүгүн камсыз кылуу боюнча көрүлүп жаткан чараларды тааныштырды.
Кененирээк билүү >>
КР БШК Кыргыз Республикасынын Президентин шайлоодо чет өлкөлөрдө алгачкы 74 шайлоо участогун түздү
20-Ноя, 2026

КР БШК Кыргыз Республикасынын Президентин шайлоодо чет өлкөлөрдө алгачкы 74 шайлоо участогун түздү

Кыргыз Республикасынын Шайлоо жана референдум өткөрүү боюнча борбордук комиссиясы чет мамлекеттердин аймагында 74 шайлоо участогун түзүү жөнүндө чечим кабыл алды. Учурда шайлоо участокторун ачуу боюнча иштер улантылууда.Мындай чечим 2027-жылдын 27-январына белгиленген Кыргыз Республикасынын Президентин кезектеги шайлоодо чет өлкөлөрдө жашап же жүргөн Кыргыз Республикасынын жарандарынын шайлоо укуктарын камсыз кылуу максатында кабыл алынды.Азыркы учурда алардын эң көбү - 20 шайлоо участогу Россия Федерациясында түзүлдү. Түркия жана Казакстанда 6дан, АКШда 5 шайлоо участогу ачылды.Корея Республикасында жана Италияда 3төн шайлоо участогу иштейт. Өзбекстанда, Германияда, Кытайда жана Бириккен Араб Эмираттарында 2ден шайлоо участогу түзүлдү.Калган 23 шайлоо участогу башка өлкөлөрдө, анын ичинде Австрияда, Чехияда, Словакияда, Польшада, Улуу Британияда, Беларуссияда, Литвада, Венгрияда, Бельгияда, Францияда, Швейцарияда, Сауд Арабиясында, Кувейтте, Катарда, Египетте, Азербайжанда, Тажикстанда, Түркмөнстанда, Малайзияда, Пакистанда, Индияда, Японияда жана Монголияда уюштурулду.Ошентип, бүгүнкү күнгө карата 33 мамлекетте шайлоо участоктору түзүлдү.Добуш берүү күнүнө чейин чет өлкөлөрдө кошумча шайлоо участокторун ачуу пландаштырылууда. Алардын саны жана даректери тууралуу маалымат кошумча жарыяланат.Түзүлгөн шайлоо участокторунун актуалдуу тизмеси жана алардын даректери менен бул жерден таанышууга болот:
Кененирээк билүү >>
КР БШКсы Президенттин кызмат ордуна талапкердин ыйгарым укуктуу өкүлүн каттады
20-Ноя, 2026

КР БШКсы Президенттин кызмат ордуна талапкердин ыйгарым укуктуу өкүлүн каттады

Кыргыз Республикасынын Шайлоо жана референдум өткөрүү боюнча борбордук комиссиясы бүгүнкү жыйынында Кыргыз Республикасынын Президентинин кызмат ордуна талапкер Масалиев Исхак Абсаматовичтин ыйгарым укуктуу өкүлүн каттады.Айдакеева Бегимай Кувандыковна Масалиев Исхак Абсаматовичтин финансылык маселелер боюнча ыйгарым укуктуу өкүлү болуп катталды.Белгилей кетсек, талапкердин ыйгарым укуктуу өкүлүнө белгиленген үлгүдөгү каттоо күбөлүгү берилет.
Кененирээк билүү >>
КР БШКсы "Сезим" фондунан коомдук байкоочуну каттады
20-Ноя, 2026

КР БШКсы "Сезим" фондунан коомдук байкоочуну каттады

Кыргыз Республикасынын Борбордук шайлоо комиссиясы бүгүн, 20-ноябрда «Сезим» майыптыгы бар адамдардын коомдук фондунан коомдук байкоочуну каттоо жөнүндө чечим кабыл алды.Борбордук шайлоо комиссиясына «Сезим» майыптыгы бар адамдардын коомдук фондунан 2026-жылдын 16-ноябрында келип түшкөн билдирүүнүн негизинде Майнаев Камилжан Кыргыз Республикасынын Президентин шайлоого даярдык көрүү жана өткөрүү мезгилинде Ош облусунун аймагындагы бардык шайлоо комиссияларында коомдук байкоочу болуп катталды.Катталган коомдук байкоочуга белгиленген үлгүдөгү күбөлүк берилет.
Кененирээк билүү >>