Башкы Жаңылыктар БШК жана Ош, Жалал-Абад жана Баткен облустарынын укук …

БШК жана Ош, Жалал-Абад жана Баткен облустарынын укук коргоо органдары менен шайлоо мезгилинде мыйзамдуулукту камсыздоо боюнча өз ара аракеттешүүнү талкуулады

27-Фев, 2020

Борбордук шайлоо комиссиясы “Жарандык платформа” коомдук фонду менен биргеликте ЕККУнун колдоосу алдында Ош шаарында Ош, Жалал-Абад жана Баткен облустарынын укук коргоо органдары менен шайлоо мезгилинде мыйзамдуулукту камсыздоо жана бузууларга каршы  аракеттенүү боюнча тренинг-кеңешме өткөрдү.

Катышуучулар шайлоонун жүрүшүндө бузууларды квалификациялоо маселелерин, шайлоо мыйзамдарын бузгандык үчүн укуктук жоопкерчиликтин түрлөрүн талкуулады. Маселен, шайлоо мыйзамдарында бузуулар үчүн эскертүү, каттоону жокко чыгаруу түрүндө конституциялык-укуктук жоопкерчилик каралган. Бузуулар жөнүндө кодексте талапкерлер, ЖМК тарабынан үгүт эрежелерин айрым бузуулар, үгүт материалдарын зыянга учураткандык, жасалма материалдарды тараткандык үчүн штраф, түзөтүү жумуштары,  белгилүү бир кызмат орундарын ээлөөгө тыюу салуу түрүндө жоопкерчилик каралган. Андай бузуулар шайлоо комиссиялары тарабынан каралат.

Жоруктар жөнүндө кодексте жана Жазык кодексинде добуштарды сатып алуу, жарандардын укугун эркин жүзөгө ашырууга тоскоолдук кылуу,  шайлоо документтерин бурмалоо жана шайлоо мыйзамдарын башка бузуулар үчүн жоопкерчилик каралган. Бул кодекстердин алкагындагы иштер ички иштер органдары тарабынан каралат.

БШК добуштарды сатып алууга натыйжалуу каршы аракеттенүүгө багытталып, депутаттардын демилгеси менен кодекстерге киргизилген өзгөртүүлөр тууралуу укук коргоо органдарына маалымат берди. Маселен, добуштарды сатып алуу үчүн жазык жоопкерчилигине тартылуучу субъектилердин чөйрөсү кеңейтилди. Андан тышкары, добушун акча каражаттарына алмашкан жарандардын жоопкерчилиги сунушталууда. Администрациялык ресурсту кыянат пайдалангандык үчүн дагы санкциялар киргизилүүдө.

Тренинг-кеңешменин жүрүшүндө шайлоо комиссиялары менен укук коргоо органдарынын мыйзамдуулукту камсыздоо боюнча биргелешкен чаралары талкууланды. Ыкчам чара көрүүчү координациялык топтордун алкагында өз ара аракеттешүү схемасы каралды. Комиссиялар менен укук коргоо органдарынын, ошондой эле прокуратура органдарынын өкүлдөрүнөн турган мындай топтор шайлоо комиссияларынын борбордук жана аймактык деңгээлдеринде түзүлүүгө тийиш. Топтордун милдети – өз ара аракеттешүү менен бузуулар боюнча ыкчам чараларды көрүү жана ал тууралуу коомчулукка маалымат берип туруу.

ИИМ менен Башкы прокуратуранын катышып олтурган өкүлдөрү тарабынан мүмкүн болуучу практикалык жайгдайлар каралып, укук коргоо органдарынын иш-аракеттеринин алгоритми, ошондой эле алардын өз ара аракеттешүүсү иштелип чыкты.

Ошондой эле шайлоо процессинин төмөнкү маанилүү өңүттөрү талкууланды: шайлоочулардын тизмесин түзүү процессинде,  үгүт иши процессинде мыйзамдуулукту камсыздоо, добуш берүү күнү түздөн-түз шайлоо участокторунда коопсуздукту жана укук тартибин камсыздоо.

Шайлоо алдындагы мезгилде шаарларда жапырт каттоого байланыштуу жагдай жана зарыл чаралар козголду. Жарандарды каттоо процессин автоматташтыруу деңгээли күнөөлүү адамдарды жоопкерчиликке тартуу боюнча натыйжалуу териштирүү жүргүзүү жана чара көрүү үчүн толук маалымат берери белгиленди.

30 жергиликтүү кеңешке депутаттарды шайлоо 2020-жылдын 12-апрелине дайындалды.

 

КР БШК аппаратынын маалымат бөлүмү

Башка жаңылыктар

Бардык жаңылыктар
КР БШК өкүлдөрү Чүй облусунун мамлекеттик органдарынын жана жергиликтүү өз алдынча башкаруу органдарынын жетекчилери менен Президенттик шайлоого даярдык маселелерин талкуулашты
20-Ноя, 2026

КР БШК өкүлдөрү Чүй облусунун мамлекеттик органдарынын жана жергиликтүү өз алдынча башкаруу органдарынын жетекчилери менен Президенттик шайлоого даярдык маселелерин талкуулашты

2026-жылдын 19-ноябрында Кыргыз Республикасынын Президентинин Чүй облусундагы ыйгарым укуктуу өкүлүнүн аппаратында 2027-жылдын 27-январына дайындалган Кыргыз Республикасынын Президентин шайлоого даярдык көрүү маселелери боюнча жумушчу жолугушуу болуп өттү.Жолугушууга КР БШК төрагаларынын орун басарлары Л. Лурова жана Р. Жакышов, БШКнын мүчөсү М. Темирбаева, ошондой эле Кыргыз Республикасынын Президентинин Чүй облусундагы ыйгарым укуктуу өкүлүнүн орун басары Г. Кыштобаева катышып, иш-чараны биргеликте өткөрүштү.Жолугушууга жергиликтүү өз алдынча башкаруу органдарынын жетекчилери, укук коргоо органдарынын өкүлдөрү жана облустагы шайлоо комиссияларынын мүчөлөрү да катышты.Л. Лурова катышуучуларга облуста шайлоого даярдык көрүүнүн жүрүшү тууралуу маалымат берди. Ал календардык планда белгиленген иш-чараларды өз мөөнөтүндө аткарууга, шайлоо мыйзамдарынын талаптарын так сактоого, ошондой эле шайлоо комиссияларынын мамлекеттик органдар жана жергиликтүү өз алдынча башкаруу органдары менен натыйжалуу кызматташуусуна өзгөчө көңүл бурду.Р. Жакышов шайлоо мыйзамдарындагы өзгөртүүлөр, жарандардын Кыргыз Республикасынын Президентин шайлоого катышуусунун жаңы мүмкүнчүлүктөрү жана жаңыланган шайлоо технологиялары тууралуу маалымат берди.Ал эми майыптыгы бар шайлоочулардын жана жарандардын айрым категорияларынын шайлоо укуктарын өркүндөтүү жана ишке ашыруу боюнча жумушчу топтун жетекчиси М. Темирбаева шайлоо участкаларынын жеткиликтүүлүгүн камсыз кылуу боюнча көрүлүп жаткан чараларды тааныштырды.
Кененирээк билүү >>
КР БШК Кыргыз Республикасынын Президентин шайлоодо чет өлкөлөрдө алгачкы 74 шайлоо участогун түздү
20-Ноя, 2026

КР БШК Кыргыз Республикасынын Президентин шайлоодо чет өлкөлөрдө алгачкы 74 шайлоо участогун түздү

Кыргыз Республикасынын Шайлоо жана референдум өткөрүү боюнча борбордук комиссиясы чет мамлекеттердин аймагында 74 шайлоо участогун түзүү жөнүндө чечим кабыл алды. Учурда шайлоо участокторун ачуу боюнча иштер улантылууда.Мындай чечим 2027-жылдын 27-январына белгиленген Кыргыз Республикасынын Президентин кезектеги шайлоодо чет өлкөлөрдө жашап же жүргөн Кыргыз Республикасынын жарандарынын шайлоо укуктарын камсыз кылуу максатында кабыл алынды.Азыркы учурда алардын эң көбү - 20 шайлоо участогу Россия Федерациясында түзүлдү. Түркия жана Казакстанда 6дан, АКШда 5 шайлоо участогу ачылды.Корея Республикасында жана Италияда 3төн шайлоо участогу иштейт. Өзбекстанда, Германияда, Кытайда жана Бириккен Араб Эмираттарында 2ден шайлоо участогу түзүлдү.Калган 23 шайлоо участогу башка өлкөлөрдө, анын ичинде Австрияда, Чехияда, Словакияда, Польшада, Улуу Британияда, Беларуссияда, Литвада, Венгрияда, Бельгияда, Францияда, Швейцарияда, Сауд Арабиясында, Кувейтте, Катарда, Египетте, Азербайжанда, Тажикстанда, Түркмөнстанда, Малайзияда, Пакистанда, Индияда, Японияда жана Монголияда уюштурулду.Ошентип, бүгүнкү күнгө карата 33 мамлекетте шайлоо участоктору түзүлдү.Добуш берүү күнүнө чейин чет өлкөлөрдө кошумча шайлоо участокторун ачуу пландаштырылууда. Алардын саны жана даректери тууралуу маалымат кошумча жарыяланат.Түзүлгөн шайлоо участокторунун актуалдуу тизмеси жана алардын даректери менен бул жерден таанышууга болот:
Кененирээк билүү >>
КР БШКсы Президенттин кызмат ордуна талапкердин ыйгарым укуктуу өкүлүн каттады
20-Ноя, 2026

КР БШКсы Президенттин кызмат ордуна талапкердин ыйгарым укуктуу өкүлүн каттады

Кыргыз Республикасынын Шайлоо жана референдум өткөрүү боюнча борбордук комиссиясы бүгүнкү жыйынында Кыргыз Республикасынын Президентинин кызмат ордуна талапкер Масалиев Исхак Абсаматовичтин ыйгарым укуктуу өкүлүн каттады.Айдакеева Бегимай Кувандыковна Масалиев Исхак Абсаматовичтин финансылык маселелер боюнча ыйгарым укуктуу өкүлү болуп катталды.Белгилей кетсек, талапкердин ыйгарым укуктуу өкүлүнө белгиленген үлгүдөгү каттоо күбөлүгү берилет.
Кененирээк билүү >>
КР БШКсы "Сезим" фондунан коомдук байкоочуну каттады
20-Ноя, 2026

КР БШКсы "Сезим" фондунан коомдук байкоочуну каттады

Кыргыз Республикасынын Борбордук шайлоо комиссиясы бүгүн, 20-ноябрда «Сезим» майыптыгы бар адамдардын коомдук фондунан коомдук байкоочуну каттоо жөнүндө чечим кабыл алды.Борбордук шайлоо комиссиясына «Сезим» майыптыгы бар адамдардын коомдук фондунан 2026-жылдын 16-ноябрында келип түшкөн билдирүүнүн негизинде Майнаев Камилжан Кыргыз Республикасынын Президентин шайлоого даярдык көрүү жана өткөрүү мезгилинде Ош облусунун аймагындагы бардык шайлоо комиссияларында коомдук байкоочу болуп катталды.Катталган коомдук байкоочуга белгиленген үлгүдөгү күбөлүк берилет.
Кененирээк билүү >>