Шайлоо мыйзамдарынын ченемдерине ылайык Каракол аймактык шайлоо комиссиясынын курамы жана резерви 2018-жылы мартта түзүлгөн.

“Кыргыз Республикасынын шайлоо жана референдум өткөрүү боюнча шайлоо комиссиялары жөнүндө” Кыргыз Республикасынын Мыйзамына өзгөртүүлөрдү киргизүү тууралуу” Кыргыз Республикасынын 2019-жылдын 5-ноябрындагы №121 Мыйзамына ылайык участоктук шайлоо комиссияларынын курамы беш жыл мөөнөткө түзүлөт.

2019-жылы 12-ноябрда Кыргыз Республикасынын Шайлоо жана референдум өткөрүү боюнча борбордук комиссиясы (мындан ары – КР БШК) жарандарга, саясий партияларга, коомдук бирикмелерге жана жергиликтүү өз алдынча башкаруунун өкүлчүлүктүү органдарына (жергиликтүү кеңештерге) аймактык шайлоо комиссияларынын резервине талапкерлерди көрсөтүү жөнүндө кайрылган.

2020-жылы 21-январда Жумушчу топтун жыйналышында саясый партиялардан жана жергиликтүү өз алдынча башкаруунун өкүлчүлүктүү органдарынан талапкерлердин Каракол аймактык шайлоо комиссиясына (мындан ары – АШК) түшкөн бардык документтеринин “Кыргыз Республикасынын шайлоо жана референдум өткөрүү боюнча шайлоо комиссиялары жөнүндө” Кыргыз Республикасынын Мыйзамынын ченемдерине ылайыктуулугу каралып чыкты.

Каракол АШКсына талапкерлерден бардыгы 26 документ келип түшкөн.

Каракол АШКсына төмөнкү саясый партиялардан 5 талапкерге документтер берилди:

“Мекеним Кыргызстан” саясий партиясы,

 “Мекен Ынтымагы” саясий партиясы,

“Кыргызстан” саясий партиясы,

“Бүтүн Кыргызстан” саясий партиясы,

 “Замандаш” саясий партиясы, ал эми жергиликтүү өз алдынча башкаруунун өкүлчүлүктүү органдарынан 21 талапкер көрсөтүлдү.

Көрсөтүлгөн бардык талапкерлерге карата “Түндүк” ведомстволор аралык электрондук өз ара аракеттешүү тутуму аркылуу соттолгондугу/ соттолбогондугу жөнүндө маалыматтар, ошондой эле ээлеген кызмат ордуна айкалышуусу текшерилди.

Каракол АШКсынын курамы жана резерви “Кыргыз Республикасынын шайлоо жана референдум өткөрүү боюнча шайлоо комиссиялары жөнүндө” Кыргыз Республикасынын Мыйзамынын ченемдерин сактоо менен түзүлдү.

КР БШК аппаратынын маалыматтык бөлүмү