Башкы Жаңылыктар Шайлоо талаш-тартыштарын чечүү – шайлоо процессинин маанилүү бөлүгү

Шайлоо талаш-тартыштарын чечүү – шайлоо процессинин маанилүү бөлүгү

03-Июл, 2019

2019-жылы 27-28-июнда Братислава шаарында КР БШК мүчөсү А.Т.Асаналиевдин, КР Президентинин Аппаратынын жана сот тутумунун өкүлдөрүнүн катышуусунда “Шайлоого байланыштуу талаш-тартыштарды чечүү” деген темада шайлоолорду уюштурууга жооптуу органдардын 16 Европа конференциясы болуп өттү.

Конференциянын катышуучулары шайлоо талаш-тартыштарын натыйжалуу чечүү үчүн көз карандысыз сот тутуму, соттук коргоонун натыйжалуу каражаттары жана тийиштүү укуктук жол-жоболорду сактоо менен сотто адилет териштирүү сыяктуу негизги укуктарга жана стандарттарга таянуу зарыл экенин белгилешти.

Конференциянын жыйынтыгында шайлоолорду уюштурууга жооптуу органдарга ашкере татаалдашууга жол бербеш үчүн даттанууларды жана апелляцияларды берүүнүн так, ырааттуу жол-жоболорун аткаруу сунушталган тыянактар чыгарылды. Шайлоо комиссиялары менен соттордун ортосундагы юрисдикциялардын кагылышуусунан жана бирдей даттанууларды берүүнүн кош ыкмаларынан оолак болуу керек.

КР БШК 2017-жылы Венеция комиссиясынын эксперттик колдоосу менен шайлоо талаш-тартыштарын чечүү үчүн ченемдик базаны жана талаш-тартыштарды  даттануунун практикасын иштеп чыккан. Даттанууларды берүүнүн жөнөкөй жана түшүнүктүү механизми иштелип чыкты, ошондой эле судьялар, шайлоо комиссияларынын, укук коргоо органдарынын кызматкерлери үчүн окутуу семинарлары өткөрүлдү.

БШКда түзүлгөн жана сайтта иштелип чыккан даттануулардын электрондук реестри бардык даттанууларды жана алар боюнча  БШКнын жана соттордун чечимдерин камтыйт. Бул реестр шайлоо процессине талдоо жүргүзүп, анын солгун жактарын ачууга мүмкүнчүлүк берет. Учурда маалыматтарды сайтта чагылдырууну жакшыртуу боюнча иштер аткарылып жатат. Санариптештирүү алкагында маалыматтардын блоктору көрсөтмөлүү болсун үчүн реестрге өзгөртүүлөр киргизилмекчи.

Бул механизм Кыргызстандын тарыхында шайлоо талаш-тартыштарын жөнгө салуу маселелери боюнча жаңылык болуп саналат.

Европа конференциясынын корутунду документинде шайлоо талаш-тартыштарын чечүү техникалык маселедей көрүнгөнү менен анда саясий эрк жана мыйзамды талаптагыдай колдонуу айкындуулук, мыйзамдуулук жана   шайлоого ишеним үчүн чечүүчү мааниге ээ экени белгиленет.

КР БШКнын аппаратынын маалымат бөлүмү

 

Башка жаңылыктар

Бардык жаңылыктар
КР БШК өкүлдөрү Чүй облусунун мамлекеттик органдарынын жана жергиликтүү өз алдынча башкаруу органдарынын жетекчилери менен Президенттик шайлоого даярдык маселелерин талкуулашты
20-Ноя, 2026

КР БШК өкүлдөрү Чүй облусунун мамлекеттик органдарынын жана жергиликтүү өз алдынча башкаруу органдарынын жетекчилери менен Президенттик шайлоого даярдык маселелерин талкуулашты

2026-жылдын 19-ноябрында Кыргыз Республикасынын Президентинин Чүй облусундагы ыйгарым укуктуу өкүлүнүн аппаратында 2027-жылдын 27-январына дайындалган Кыргыз Республикасынын Президентин шайлоого даярдык көрүү маселелери боюнча жумушчу жолугушуу болуп өттү.Жолугушууга КР БШК төрагаларынын орун басарлары Л. Лурова жана Р. Жакышов, БШКнын мүчөсү М. Темирбаева, ошондой эле Кыргыз Республикасынын Президентинин Чүй облусундагы ыйгарым укуктуу өкүлүнүн орун басары Г. Кыштобаева катышып, иш-чараны биргеликте өткөрүштү.Жолугушууга жергиликтүү өз алдынча башкаруу органдарынын жетекчилери, укук коргоо органдарынын өкүлдөрү жана облустагы шайлоо комиссияларынын мүчөлөрү да катышты.Л. Лурова катышуучуларга облуста шайлоого даярдык көрүүнүн жүрүшү тууралуу маалымат берди. Ал календардык планда белгиленген иш-чараларды өз мөөнөтүндө аткарууга, шайлоо мыйзамдарынын талаптарын так сактоого, ошондой эле шайлоо комиссияларынын мамлекеттик органдар жана жергиликтүү өз алдынча башкаруу органдары менен натыйжалуу кызматташуусуна өзгөчө көңүл бурду.Р. Жакышов шайлоо мыйзамдарындагы өзгөртүүлөр, жарандардын Кыргыз Республикасынын Президентин шайлоого катышуусунун жаңы мүмкүнчүлүктөрү жана жаңыланган шайлоо технологиялары тууралуу маалымат берди.Ал эми майыптыгы бар шайлоочулардын жана жарандардын айрым категорияларынын шайлоо укуктарын өркүндөтүү жана ишке ашыруу боюнча жумушчу топтун жетекчиси М. Темирбаева шайлоо участкаларынын жеткиликтүүлүгүн камсыз кылуу боюнча көрүлүп жаткан чараларды тааныштырды.
Кененирээк билүү >>
КР БШК Кыргыз Республикасынын Президентин шайлоодо чет өлкөлөрдө алгачкы 74 шайлоо участогун түздү
20-Ноя, 2026

КР БШК Кыргыз Республикасынын Президентин шайлоодо чет өлкөлөрдө алгачкы 74 шайлоо участогун түздү

Кыргыз Республикасынын Шайлоо жана референдум өткөрүү боюнча борбордук комиссиясы чет мамлекеттердин аймагында 74 шайлоо участогун түзүү жөнүндө чечим кабыл алды. Учурда шайлоо участокторун ачуу боюнча иштер улантылууда.Мындай чечим 2027-жылдын 27-январына белгиленген Кыргыз Республикасынын Президентин кезектеги шайлоодо чет өлкөлөрдө жашап же жүргөн Кыргыз Республикасынын жарандарынын шайлоо укуктарын камсыз кылуу максатында кабыл алынды.Азыркы учурда алардын эң көбү - 20 шайлоо участогу Россия Федерациясында түзүлдү. Түркия жана Казакстанда 6дан, АКШда 5 шайлоо участогу ачылды.Корея Республикасында жана Италияда 3төн шайлоо участогу иштейт. Өзбекстанда, Германияда, Кытайда жана Бириккен Араб Эмираттарында 2ден шайлоо участогу түзүлдү.Калган 23 шайлоо участогу башка өлкөлөрдө, анын ичинде Австрияда, Чехияда, Словакияда, Польшада, Улуу Британияда, Беларуссияда, Литвада, Венгрияда, Бельгияда, Францияда, Швейцарияда, Сауд Арабиясында, Кувейтте, Катарда, Египетте, Азербайжанда, Тажикстанда, Түркмөнстанда, Малайзияда, Пакистанда, Индияда, Японияда жана Монголияда уюштурулду.Ошентип, бүгүнкү күнгө карата 33 мамлекетте шайлоо участоктору түзүлдү.Добуш берүү күнүнө чейин чет өлкөлөрдө кошумча шайлоо участокторун ачуу пландаштырылууда. Алардын саны жана даректери тууралуу маалымат кошумча жарыяланат.Түзүлгөн шайлоо участокторунун актуалдуу тизмеси жана алардын даректери менен бул жерден таанышууга болот:
Кененирээк билүү >>
КР БШКсы Президенттин кызмат ордуна талапкердин ыйгарым укуктуу өкүлүн каттады
20-Ноя, 2026

КР БШКсы Президенттин кызмат ордуна талапкердин ыйгарым укуктуу өкүлүн каттады

Кыргыз Республикасынын Шайлоо жана референдум өткөрүү боюнча борбордук комиссиясы бүгүнкү жыйынында Кыргыз Республикасынын Президентинин кызмат ордуна талапкер Масалиев Исхак Абсаматовичтин ыйгарым укуктуу өкүлүн каттады.Айдакеева Бегимай Кувандыковна Масалиев Исхак Абсаматовичтин финансылык маселелер боюнча ыйгарым укуктуу өкүлү болуп катталды.Белгилей кетсек, талапкердин ыйгарым укуктуу өкүлүнө белгиленген үлгүдөгү каттоо күбөлүгү берилет.
Кененирээк билүү >>
КР БШКсы "Сезим" фондунан коомдук байкоочуну каттады
20-Ноя, 2026

КР БШКсы "Сезим" фондунан коомдук байкоочуну каттады

Кыргыз Республикасынын Борбордук шайлоо комиссиясы бүгүн, 20-ноябрда «Сезим» майыптыгы бар адамдардын коомдук фондунан коомдук байкоочуну каттоо жөнүндө чечим кабыл алды.Борбордук шайлоо комиссиясына «Сезим» майыптыгы бар адамдардын коомдук фондунан 2026-жылдын 16-ноябрында келип түшкөн билдирүүнүн негизинде Майнаев Камилжан Кыргыз Республикасынын Президентин шайлоого даярдык көрүү жана өткөрүү мезгилинде Ош облусунун аймагындагы бардык шайлоо комиссияларында коомдук байкоочу болуп катталды.Катталган коомдук байкоочуга белгиленген үлгүдөгү күбөлүк берилет.
Кененирээк билүү >>