Башкы Жаңылыктар 13 жергиликтүү кеңештин депутаттарын шайлоодо добуш берүү аяктады

13 жергиликтүү кеңештин депутаттарын шайлоодо добуш берүү аяктады

19-Май, 2019

Шайлоо участокторунун жабылуу убактысына – саат 20.00гө карата 25 229 шайлоочу добуш берди, бул тизмеге кирген жалпы шайлоочулардын 46,05 пайызын түзөт. 13 жергиликтүү кеңешке шайлоодо шайлоочулардын тизмесине бардыгы 54 782 шайлоочу киргизилген.

Чүй облусу боюнча:

- Кызыл-Дыйкан айылдык кеңешинде 2321 шайлоочунун 856 шайлоочу добуш берди, бул 36,88%ды түзөт;

- Байтик айылдык кеңешинде 5705 шайлоочунун 3021 добуш берди, бул 52,95 %ды түзөт.

Нарын облусу боюнча:

- Көк-Ой айылдык кеңешинде 1825 шайлоочунун 929 добуш берди, бул 50,90 %ды түзөт.

Талас облусу боюнча:

- Шекер айылдык кеңешинде 2968 шайлоочунун 1609 добуш берди, бул 54,21 %ды түзөт;

- Бейшеке айылдык кеңешинде 3267 шайлоочунун 1855 добуш берди, бул 56,78%ды түзөт;

- Бакыян айылдык кеңешинде 2171 шайлоочунун 1252 добуш берди, бул 57,67 %ды түзөт.

Ош облусу боюнча:

- Кеңеш айылдык кеңешинде 1890 шайлоочунун 905 добуш берди, бул 47,88 %ды түзөт;

- Кабылан-Көл айылдык кеңешинде 1620 шайлоочунун 706 добуш берди, бул 43,58 %ды түзөт;

- Отуз -Адыр айылдык кеңешинде 10 236 шайлоочунун 4222 добуш берди, бул 41,25 %ды түзөт;

- Н. Исанов айылдык кеңешинде 9057 шайлоочунун 4207 добуш берди, бул 46,45 %ды түзөт.

Баткен облусу боюнча:

- Самаркандек айылдык кеңешинде 6411 шайлоочунун 2292 добуш берди, бул 35,75 %ды түзөт;

- Ак-Татыр айылдык кеңешинде 3460 шайлоочунун 1589 добуш берди, бул 45,92 %ды түзөт;

- Ак-Сай айылдык кеңешинде 3851 шайлоочунун 1786 добуш берди, бул 46,38%ды түзөт.

Добуш берүү аяктагандан кийин ошол замат бардык байкоочулар автоматтык урналардан добуш берүүнүн алдын ала жыйынтыктары тууралуу отчётту колдоруна алышат, ал отчёттор, ошондой эле дароо автоматтык режимде http://ess.shailoo.gov.kg/ServiceJSP.do?ifxService=ESS_V_PG001&ifxResultPage=ESS_V_PU001 шайлоо сайтына түшөт жана ага кирип, участоктор, округдар боюнча шайлоо жөнүндө бүт маалыматты көрүү үчүн ачык болот.

Бардык байкоочуларга, ошондой эле участокто шайлоочуларды иденттештирүү жөнүндө отчёттор берилет.

Бардык участоктордо добуштарды кол менен эсептөө башталды. Шайлоочулардын добуштарын эсептөө шайлоочулардын добуш берүүсү өткөрүлгөн жайда добуш берүү аяктаары менен башталат жана добуш берүүнүн жыйынтыктары белгиленгенге чейин үзгүлтүксүз жүргүзүлөт (“Жергиликтүү кеңештердин депутаттарын шайлоо жөнүндө” КР Мыйзамынын 36-беренеси).

Кол менен эсептөө аяктагандан кийин кол менен эсептөөнүн протоколдорунун көчүрмөлөрү бардык байкоочуларга берилет, протоколдун өзү сканерден өткөрүлүп, графикалык көчүрмө түрүндө (иденттештирүү жөнүндө отчёттор менен бирге) шайлоо сайтына жөнөтүлөт, ал эми кол менен эсептөөнүн маалыматтары протоколдор шаарлардагы жана райондордогу аймактык шайлоо комиссияларына жеткизилгенден кийин сайтка чыгарылат.

Добуш берүүнүн жүрүшүндө даттануулар жана арыздар түшкөн жок. Ар бир участок боюнча добуш берүүнүн жыйынтыктарын төмөнкү шилтеме боюнча көрүүгө болот: http://ess.shailoo.gov.kg/ServiceJSP.do?ifxService=ESS_V_PG001&ifxResultPage=ESS_V_PU001

КР БШК аппаратынын маалыматтык бөлүмү

Башка жаңылыктар

Бардык жаңылыктар
КР БШК өкүлдөрү Чүй облусунун мамлекеттик органдарынын жана жергиликтүү өз алдынча башкаруу органдарынын жетекчилери менен Президенттик шайлоого даярдык маселелерин талкуулашты
20-Ноя, 2026

КР БШК өкүлдөрү Чүй облусунун мамлекеттик органдарынын жана жергиликтүү өз алдынча башкаруу органдарынын жетекчилери менен Президенттик шайлоого даярдык маселелерин талкуулашты

2026-жылдын 19-ноябрында Кыргыз Республикасынын Президентинин Чүй облусундагы ыйгарым укуктуу өкүлүнүн аппаратында 2027-жылдын 27-январына дайындалган Кыргыз Республикасынын Президентин шайлоого даярдык көрүү маселелери боюнча жумушчу жолугушуу болуп өттү.Жолугушууга КР БШК төрагаларынын орун басарлары Л. Лурова жана Р. Жакышов, БШКнын мүчөсү М. Темирбаева, ошондой эле Кыргыз Республикасынын Президентинин Чүй облусундагы ыйгарым укуктуу өкүлүнүн орун басары Г. Кыштобаева катышып, иш-чараны биргеликте өткөрүштү.Жолугушууга жергиликтүү өз алдынча башкаруу органдарынын жетекчилери, укук коргоо органдарынын өкүлдөрү жана облустагы шайлоо комиссияларынын мүчөлөрү да катышты.Л. Лурова катышуучуларга облуста шайлоого даярдык көрүүнүн жүрүшү тууралуу маалымат берди. Ал календардык планда белгиленген иш-чараларды өз мөөнөтүндө аткарууга, шайлоо мыйзамдарынын талаптарын так сактоого, ошондой эле шайлоо комиссияларынын мамлекеттик органдар жана жергиликтүү өз алдынча башкаруу органдары менен натыйжалуу кызматташуусуна өзгөчө көңүл бурду.Р. Жакышов шайлоо мыйзамдарындагы өзгөртүүлөр, жарандардын Кыргыз Республикасынын Президентин шайлоого катышуусунун жаңы мүмкүнчүлүктөрү жана жаңыланган шайлоо технологиялары тууралуу маалымат берди.Ал эми майыптыгы бар шайлоочулардын жана жарандардын айрым категорияларынын шайлоо укуктарын өркүндөтүү жана ишке ашыруу боюнча жумушчу топтун жетекчиси М. Темирбаева шайлоо участкаларынын жеткиликтүүлүгүн камсыз кылуу боюнча көрүлүп жаткан чараларды тааныштырды.
Кененирээк билүү >>
КР БШК Кыргыз Республикасынын Президентин шайлоодо чет өлкөлөрдө алгачкы 74 шайлоо участогун түздү
20-Ноя, 2026

КР БШК Кыргыз Республикасынын Президентин шайлоодо чет өлкөлөрдө алгачкы 74 шайлоо участогун түздү

Кыргыз Республикасынын Шайлоо жана референдум өткөрүү боюнча борбордук комиссиясы чет мамлекеттердин аймагында 74 шайлоо участогун түзүү жөнүндө чечим кабыл алды. Учурда шайлоо участокторун ачуу боюнча иштер улантылууда.Мындай чечим 2027-жылдын 27-январына белгиленген Кыргыз Республикасынын Президентин кезектеги шайлоодо чет өлкөлөрдө жашап же жүргөн Кыргыз Республикасынын жарандарынын шайлоо укуктарын камсыз кылуу максатында кабыл алынды.Азыркы учурда алардын эң көбү - 20 шайлоо участогу Россия Федерациясында түзүлдү. Түркия жана Казакстанда 6дан, АКШда 5 шайлоо участогу ачылды.Корея Республикасында жана Италияда 3төн шайлоо участогу иштейт. Өзбекстанда, Германияда, Кытайда жана Бириккен Араб Эмираттарында 2ден шайлоо участогу түзүлдү.Калган 23 шайлоо участогу башка өлкөлөрдө, анын ичинде Австрияда, Чехияда, Словакияда, Польшада, Улуу Британияда, Беларуссияда, Литвада, Венгрияда, Бельгияда, Францияда, Швейцарияда, Сауд Арабиясында, Кувейтте, Катарда, Египетте, Азербайжанда, Тажикстанда, Түркмөнстанда, Малайзияда, Пакистанда, Индияда, Японияда жана Монголияда уюштурулду.Ошентип, бүгүнкү күнгө карата 33 мамлекетте шайлоо участоктору түзүлдү.Добуш берүү күнүнө чейин чет өлкөлөрдө кошумча шайлоо участокторун ачуу пландаштырылууда. Алардын саны жана даректери тууралуу маалымат кошумча жарыяланат.Түзүлгөн шайлоо участокторунун актуалдуу тизмеси жана алардын даректери менен бул жерден таанышууга болот:
Кененирээк билүү >>
КР БШКсы Президенттин кызмат ордуна талапкердин ыйгарым укуктуу өкүлүн каттады
20-Ноя, 2026

КР БШКсы Президенттин кызмат ордуна талапкердин ыйгарым укуктуу өкүлүн каттады

Кыргыз Республикасынын Шайлоо жана референдум өткөрүү боюнча борбордук комиссиясы бүгүнкү жыйынында Кыргыз Республикасынын Президентинин кызмат ордуна талапкер Масалиев Исхак Абсаматовичтин ыйгарым укуктуу өкүлүн каттады.Айдакеева Бегимай Кувандыковна Масалиев Исхак Абсаматовичтин финансылык маселелер боюнча ыйгарым укуктуу өкүлү болуп катталды.Белгилей кетсек, талапкердин ыйгарым укуктуу өкүлүнө белгиленген үлгүдөгү каттоо күбөлүгү берилет.
Кененирээк билүү >>
КР БШКсы "Сезим" фондунан коомдук байкоочуну каттады
20-Ноя, 2026

КР БШКсы "Сезим" фондунан коомдук байкоочуну каттады

Кыргыз Республикасынын Борбордук шайлоо комиссиясы бүгүн, 20-ноябрда «Сезим» майыптыгы бар адамдардын коомдук фондунан коомдук байкоочуну каттоо жөнүндө чечим кабыл алды.Борбордук шайлоо комиссиясына «Сезим» майыптыгы бар адамдардын коомдук фондунан 2026-жылдын 16-ноябрында келип түшкөн билдирүүнүн негизинде Майнаев Камилжан Кыргыз Республикасынын Президентин шайлоого даярдык көрүү жана өткөрүү мезгилинде Ош облусунун аймагындагы бардык шайлоо комиссияларында коомдук байкоочу болуп катталды.Катталган коомдук байкоочуга белгиленген үлгүдөгү күбөлүк берилет.
Кененирээк билүү >>