Башкы Жаңылыктар БШК “Бүткүл дүйнөлүк шайлоолор күнүнө” карата студенттер үчүн …

БШК “Бүткүл дүйнөлүк шайлоолор күнүнө” карата студенттер үчүн ачык эшиктер күнүн өткөрдү

01-Фев, 2018

Кыргыз Республикасынын Шайлоо жана референдум өткөрүү боюнча борбордук комиссиясында Бишкектин бир нече ЖОЖнун студенттери үчүн “Шайлоолор – бул эмене, жана алар эмне үчүн маанилүү?” темасында ачык эшиктер күнү өткөрүлдү. Студенттер үчүн БШКнын имаратына экскурсия өткөрүлүп, анын жүрүшүндө меймандар БШКнын аппаратынын иши менен таанышты. КР БШКнын төрагасынын орун басары А.Бекматов куттуктоо сөзү менен чыгып сүйлөп, төмөндөгүлөрдү айтты: Бүткүл дүйнөлүк шайлоолор күнү Будапешт шаарында (Венгрия) 2005-жылдын 14-17-сентябрында өткөн Шайлоо уюштуруучулардын Глобалдуу конференциясында белгиленген. Кыргыз Республикасынын Шайлоо жана референдум өткөрүү боюнча борбордук комиссиясы Бүткүл дүйнөлүк шайлоолор күнүн 2014-жылдын 6-февралынан бери белгилеп келүүдө. Шайлоолор элдик суверенитетти ишке ашыруунун, коомдук пикирди түзүүнүн жана билдирүүнүн, мамлекеттик механизмдин иштөөсүнүн натыйжалуулугун жана туруктуулугун камсыз кылуунун негизги куралы болуп эсептелет.

КР БШКнын төрагасы А.Бекматов, КР БШК мүчөлөрү К.Осмоналиев жана Е.Джилкичиевалар менен жолугушуунун жүрүшүндө студенттер шайлоо укуктары боюнча өздөрүн кызыктырган суроолорго жооп алышты. Суроолорго жооп берип жатып, А.Бекматов белгилегендей, шайлоочулардын укуктарын ишке ашыруу, шайлоочуларды алардын өздөрү жөнүндө маалыматтар менен тааныштырууда, жана добуш берүүнү өткөрүүдө ар бир шайлоо участкасы боюнча шайлоочулардын тизмеси түзүлөт. Шайлоочулардын тизмесине добуш берүү күнүнө шайлоо укугуна ээ болгон, мыйзамдарда белгиленген тартипте биометрикалык каттоодон өткөн Кыргыз Республикасынын жарандары киргизилет. КР БШК мүчөсү К.Осмоналиев шайлоолорду сапаттуу өткөрүүнүн маанилүүлүгү жөнүндө айтып, демократияны чыңдоо процессинде шайлоолор гана бийликти жаңылоону камсыз кылаарын белгиледи. КР БШК мүчөсү Е.Джилкичиева өз сөзүн жыйынтыктап жатып, жаштарды саясий партиялардын жана талапкерлердин шайлоо программаларын окуп үйрөнүүгө, дебаттардын жүрүшүнө байкоо жүргүзүүгө, жана шайлоо процессинин бардык процедураларына кызыгууга чакырды.

Бул иш-чаранын акырында студенттерге эстелик белектер тапшырылды. Ошондой эле автоматтык эсептөөчү үкөктөрдүн (АСУ) иштөөсүн көрсөткөн интерактивдүү презентация өткөрүлдү, анын жүрүшүндө БШКнын кызматкерлери катышуучулар үчүн тесттик добуш берүү өткөрүп, добуш берүү процессин даана көрсөтүп беришти. АСУ шайлоо бюллетендерин кантип кабыл алат жана эсептейт, шайлоо күнү 20:00дөн кийин, добуш берүү бүткөндө модем кантип маалыматтарды БШКнын серверине берээрин көрсөтүштү. Боршайкомдун серверинде АСУлардын маалыматтарын чогултуу жана сактоо жүргүзүлүп, андан кийин маалыматтар http://ess.shailoo.gov.kg. расмий порталына чыгарылат. Мындан тышкары шайлоочулардын тизмесине кантип түшөт, добуш берүү процедурасы, өз добушуңду сатпа жана добуш берүүнүн жашыруундугу тууралуу маалымат роликтери көрсөтүлдү. Бүткүл дүйнөлүк шайлоолор күнүнүн алкагында БШК төрагасынын орун басары А.Бекматов “ЭЛТР” телеканалынын “Күн маек” программасында жана “Марал” радиосунун “Күн чекит” программасында чыгып сүйлөп, шайлоолорду уюштуруу жана өткөрүү, шайлоочулардын укуктук маданиятын жогорулатуу, мурдагы добуш берүүлөрдөн азыркы шайлоолорду айырмалап турган жаңычылдыктар жөнүндө айтып берди.
Ошондой эле БШК мүчөсү К.Осмоналиев КТРКнын “Социум” программасында жана “Биринчи радио” радиостанциясынын “Күндүн темасы” программасында чыгып сүйлөдү. Ал КР БШК шайлоо системасын өркүндөтүүдө такай иштеп жаткандыгын жана мыйзам чыгаруу базасын өркүндөтүү боюнча сунуштарды киргизип жаткандыгын белгиледи. 2018-жылдын 1-февралында Бүткүл дүйнөлүк шайлоолор күнүн белгилөө боюнча иш-чаралар планынын алкагында, аймактык шайлоо комиссияларындагы КР БШКнын атайын өкүлдөрү, аймактык шайлоо комиссияларынын төрагалары жана катчылары жарандар үчүн маалыматтык чогулуштарды өткөрүштү. Алар чогулуштарда катышуучуларды маалымат плакаттары менен тааныштырып, Бүткүл дүйнөлүк шайлоолор күнүн белгилөө тарыхы, 2006-жылдан тарта Кыргыз Республикасынын Шайлоо жана референдум өткөрүү боюнча борбордук шайлоо комиссиясы Европа өлкөлөрүнүн Шайлоо уюштуруучуларынын Ассоциациясына (АОВСЕ), ошондой эле Азиянын шайлоо органдарынын Ассоциациясына (АИОА) мүчө болгондугу жөнүндө айтып беришти. 2013-жылдын октябрында Шайлоо уюштуруучулардын Бүткүл дүйнөлүк ассоциациясына (А-WEB) мүчө болуп кирдик. Бул иш-чаранын максаты жаш шайлоочуларды өткөрүлүп жаткан шайлоо реформалары, ар бир жарандын шайлоо процесстерине катышуусунун жана өз тандоосу үчүн жоопкерчилигинин маанилүүлүгү жөнүндө айтып берүү.

КР БШКнын аппаратынын маалымат бөлүмү

Башка жаңылыктар

Бардык жаңылыктар
Кыргызстанда шайлоо системасы жалпы республикалык тестирлөөдөн өтүүдө
18-Ноя, 2026

Кыргызстанда шайлоо системасы жалпы республикалык тестирлөөдөн өтүүдө

Бүгүн, 18-ноябрда, өлкө боюнча Кыргыз Республикасынын Президентин шайлоого даярдыктын алкагында шайлоо инфраструктурасын жалпы республикалык тестирлөө жүргүзүлүүдө. Президенттик шайлоо 2027-жылдын 27-январына белгиленген.Тестирлөө өлкө боюнча 2 492 шайлоо участогун, ошондой эле Бишкек шаарындагы «Дордой Плаза» соода борборунда жайгашкан аралыктан добуш берүү участогун камтыйт.Кыргыз Республикасынын Шайлоо жана референдум өткөрүү боюнча борбордук комиссиясынын төрагасы Тынчтык Шайназаров аталган участокко барып, аралыктан добуш берүү тартибин көрсөтүп, журналисттердин суроолоруна жооп берди.Тестирлөөнүн негизги максаты — шайлоо инфраструктурасынын жана техникалык жабдуулардын алдыдагы президенттик шайлоого даярдыгын текшерүү.
Кененирээк билүү >>
КР БШКсы Rise Up Kyrgyzstan жаштар демилгелүү тобу менен кызматташуу жөнүндө меморандумга кол койду
17-Ноя, 2026

КР БШКсы Rise Up Kyrgyzstan жаштар демилгелүү тобу менен кызматташуу жөнүндө меморандумга кол койду

17-ноябрда Кыргыз Республикасынын Шайлоо жана референдум өткөрүү боюнча борбордук комиссиясында БШКнын алдындагы Жарандык билим берүү жана шайлоо технологиялары борбору (ЖБШТБ) менен Rise Up Kyrgyzstan жаштар демилгелүү тобунун ортосунда кызматташуу жөнүндө меморандумга кол коюлду. Кызматташтык «Жаштардын тандоосу - келечек биздин колубузда» аттуу билим берүү демилгесин ишке ашырууга багытталган.Программа студенттердин жарандык жана шайлоо сабаттуулугун жогорулатууга, сынчыл ой жүгүртүүсүн жана медиасабаттуулугун өнүктүрүүгө багытталган. Ал 2026-жылдын 18-ноябрынан 18-декабрына чейин Бишкек шаарында өткөрүлүп, борбор калаадагы сегиз жогорку окуу жайынан 40 студентти камтыйт.Катышуучуларды шайлоо мыйзамдары, шайлоо укуктары жана добуш берүү жол-жоболору боюнча лекциялар, семинарлар жана практикалык сабактар, ошондой эле медиасабаттуулук жана жалган маалыматтарга каршы аракеттенүү боюнча тренингдер күтөт. Программанын жыйынтыгында университеттер аралык сынак өткөрүлүп, анда студенттерден түзүлгөн сегиз команда өз демилгелерин сунуштайт.Бул жаштар демилгесинин автору жана демилгечиси - Rise Up Kyrgyzstan тобу. Анын өкүлдөрү демилгенин концепциясын иштеп чыгып, иш-чаралардын календардык планын даярдап, кызматташуу сунушу менен КР БШКга кайрылышкан.Меморандумга БШКнын алдындагы ЖБШТБнын директору Анара Бейшембаева жана Rise Up Kyrgyzstan тобунун жетекчиси Нурмира Мурзакматова кол коюшту.«Жаштардын шайлоо процесси тууралуу билимин кеңейтүүгө болгон умтулуусун кубаттайбыз. Бул демилгенин өзгөчөлүгү - аны жаштардын өздөрү иштеп чыгышкан. Борбор зарыл болгон эксперттик жана усулдук колдоо көрсөтүүгө даяр», - деп белгиледи А. Бейшембаева.«Жаштар ишенимдүү маалымат алып, өздөрүнүн жарандык укуктары менен милдеттерин билип, коомдук турмушка аң-сезимдүү катышуусу биз үчүн маанилүү. Биздин демилгебиз колдоо тапканына кубанычтабыз», - деп баса белгиледи Н. Мурзакматова.2026-жылдын ноябрь айында Rise Up Kyrgyzstan тобу аталган демилгени Берлин шаарында өткөн Germany & Central Asia 2027 эл аралык форумунда да тааныштырган. Германиянын Copernicus Berlin уюму демилгеге кызыгуу билдирип, аны эл аралык аудиторияга чыгарууга сунуштаган.Тараптардын кызматташтыгы Кыргыз Республикасынын мыйзамдарына ылайык, ыктыярдуулук, өз ара урматтоо, ачыктык жана саясий бейтараптуулук принциптеринин негизинде жүргүзүлөт. Демилге билим берүү мүнөзүнө ээ.
Кененирээк билүү >>
Кыргыз Республикасынын Президентинин кызмат ордуна талапкерлерди көрсөтүү мөөнөтү аяктады
13-Ноя, 2026

Кыргыз Республикасынын Президентинин кызмат ордуна талапкерлерди көрсөтүү мөөнөтү аяктады

Бүгүн, 13-ноябрда, Кыргыз Республикасынын Президентинин кызмат ордуна талапкерлерди көрсөтүү үчүн белгиленген мөөнөт аяктады. Алдын ала жыйынтыктар боюнча, президенттик шайлоого катышууга 11 адам ат салышууда.Учурда талапкерлерди колдоо максатында шайлоочулардын электрондук кол тамгаларын чогултуу уланууда. Бул этап 2026-жылдын 8-декабрына чейин созулат. Мыйзамдарга ылайык, каттоодон өтүү үчүн ар бир талапкер кеминде 30 миң шайлоочунун кол тамгасын чогултууга тийиш.Каттоодон өтүү үчүн зарыл болгон документтерди кабыл алуу 2026-жылдын 13-декабрына чейин уланат. Талапкерлер жана алардын ыйгарым укуктуу өкүлдөрү жетишпеген документтерди белгиленген тартипте тапшыра алышат.Кыргыз Республикасынын Президентинин кызмат ордуна талапкерлерди каттоо 2026-жылдын 23-декабрына чейин жүргүзүлөт.Эскерте кетсек, Кыргыз Республикасынын Президентин шайлоо 2027-жылдын 27-январына белгиленген. 
Кененирээк билүү >>
КР БШКсы Президенттин кызмат ордуна талапкерлердин ыйгарым укуктуу өкүлдөрүн каттады
12-Ноя, 2026

КР БШКсы Президенттин кызмат ордуна талапкерлердин ыйгарым укуктуу өкүлдөрүн каттады

Кыргыз Республикасынын Шайлоо жана референдум өткөрүү боюнча борбордук комиссиясы бүгүн, 12-ноябрдагы жыйынында Кыргыз Республикасынын Президентинин кызмат ордуна талапкерлер Адылов Бакытбек Адыловичтин жана Сооронкулова Клара Сыргакбековнанын ыйгарым укуктуу өкүлдөрүн каттады.Адылов Бакытбек Адыловичтин шайлоо маселелери боюнча ыйгарым укуктуу өкүлү - Исматуллаев Эркин Эргашходжаевич.Сооронкулова Клара Сыргакбековнанын шайлоо маселелери боюнча ыйгарым укуктуу өкүлү - Джурабаева Гульнар Курашбековна, каржы маселелери боюнча ыйгарым укуктуу өкүлү - Суранова Перизаткан Юлдашалиевна.Талапкерлердин ыйгарым укуктуу өкүлдөрүнө белгиленген үлгүдөгү каттоо күбөлүктөрү берилет.
Кененирээк билүү >>