Жергиликтүү кеңештерине депутаттарды шайлоолордо саат 20.00гө карата 47 784 шайлоочу добуш берди, бул тизмеге кирген шайлоочулардын 54,84 пайызын түзөт. 11 жергиликтүү кеңештерге шайлоолордун тизмесине бардыгы болуп 87 132 шайлоочу киргизилген.

Ушуну менен бирге, шайлоочулардын эң көп активдүүлүгү Араван районундагы Юсупова айылдык кеңешине депутаттарды шайлоодо белгиленди, ал жерде саат 20.00гө 8 737 шайлоочу добуш берип, бул шайлоочулардын 63,38 пайзын түздү, ошондой эле Кара-Балта шаардык кеңешине шайлоодо 14 722 шайлоочу добуш берди, бул шайлоочулардын тизмесиндегилердин 60,39 пайзын түзөт.

Шаардык кеңешке мөөнөтүнөн мурда шайлоо өтүп жаткан Таш-Көмүр шаарында саат 20.00гө 10 561 шайлоочу добуш берип, бул Таш-Көмүр шаарындагы шайлоочулардын тизмесиндегилердин 53,72% түздү.

Ошондой эле Кара-Суу районундагы Ак-Таш айылдык кеңешине шайлоодо 2 624 шайлоочу добуш берди, ал эми Аксы районундагы Кара-Жыгач айылдык кеңешине депутаттарды шайлоодо 1 975 шайлоочу добуш берип, пайыздык көрсөткүчү 56,8% жана 53,49 пайызды түздү.

Кемин районундагы Кой-Ойрок айылдык кеңештерине депутаттарды шайлоодо 1 462 шайлоочу добуш берди, жана Жаңы-Алыш айылдык кеңешине шайлоодо 815 шайлоочу добуш берип, бул пайыздык көрсөткүчтө тизмедеги шайлоочулардын 50,99% жана 49, 1 пайызын түзөт.

Нарын облусунун Ак-Талаа районундагы Тоголок-Молдо айылдык кеңешине шайлоодо 978 шайлоочу катышып, шайлоочулардын тизмесинин 47,41 пайызын түздү.

Чүй облусунун Москва районундагы Александровка айылдык кеңешинде 4 082 шайлоочу катышып, бул шайлоочулардын 41,93% пайызын түздү.

Ысык-Көл облусунун Тоң районундагы Кажы-Сай айылдык кеңешине депутаттарды шайлоодо 1 063 шайлоочу добуш берип, шайлоочулардын тизмесинин 40,33 пайызын түздү.

Шайлоочулардын эң төмөнкү активдүүлүгү Кемин районундагы Кара-Булак айылдык кеңешинде байкалып, 765 шайлоочу катышып, шайлоочулардын тизмесинин 37,82 пайызын түздү.

Шайлоолор тынч абалда өтүп жатат, арыз жана даттануулар катталган жок.

Кээ бир жергиликтүү кеңештерге депутаттарды шайлоого шайлоочулардын келүүсү жөнүндө кененирээк маалымат менен төмөнкү дарек боюнча тааныша аласыздар: http://ess.shailoo.gov.kg/ServiceJSP.do?ifxService=ESS_V_PG001&ifxResultPage=ESS_V_PU001
Эсиңерге сала кетсек, бүгүн 2018-жылдын 28-январында 11 жергиликтүү кеңеште: 2 шаардык жана 9 айылдык кеңештерде шайлоолор болуп өттү.

КР БШКнын аппаратынын маалымат бөлүмү