Жалал-Абад облусунда жалпысынан 12 аймактык шайлоо комиссиялары бар: Жалал-Абад, Таш-Көмүр, Ала-Бука, Кара-Көл, Токтогул, Тогуз-Торо, Майлуу-Суу, Чаткал, Базар-Коргон, Ноокен, Аксы жана Сузак.

Бугүнкү күндө Жалал-Абад облусунун 12 АШК ичинен 9 аймактык шайлоо комиссиялары КР БШК протоколдорун өткөрүп берди. Алар: Таш-Көмүр, Ала-Бука, Кара-Көл, Жалал-Абад, Аксы, Токтогул, Тогуз-Торо, Майлуу-Суу жана Чаткал аймактык шайлоо комиссиялары.

Борбордук шайлоо комиссиясы Базар-Коргон, Ноокен жана Сузак аймактык шайлоо комиссияларынан протоколдорду кабыл алууну улантууда.

Сузак АШК тарабынан Сузак районундагы 4 участкалык шайлоо комиссияларындагы (2118, 2119, 2120 жана 2126) шайлоонун жыйынтыгы жараксыз деп табылды. Ага аталган УШК шайлоого катышып идентификациядан өткөн шайлоочулардын саны менен жыйынтыгында көрсөтүлгөн бюллетендердин дал келбөөсү себеп болгон. Мыйзам бузууга жол берген участкалык комиссиялар таркатылып, бузуулар боюнча материалдар укук коргоо органдарына өткөрүлдү.

Жалал-Абад облусу боюнча жалпы шайлоочулардын саны – 545 746, алардын ичинен шайлоого – 296 942 жаран катышкан, бул облус боюнча шайлоочулардын 54,41% түзөт.

КР БШК аппаратынын маалымат бөлүмү