2020-жылдын 4-октябры Жогорку Кеңештин жетинчи чакырылышынын депутаттарын шайлоо күнү. Шайлоо процесси бир катар үзгүлтүксүз этаптардан турат. Жогорку Кеңештин депутаттарын шайлоого катышуу үчүн шайлоочулардын тизмеси “tizme.gov.kg” мамлекеттик порталында 16-июлга чейин жайгаштырылат.
Ар бир шайлоочу 26-июлдан 19-сентябрга чейин тизмеден ката тапса, же ал өзүнүн шайлоо участогун добуш бере турган башка жерге алмаштырса, арыз бере алат. Сиз муну шайлоо участогуна келип, же болбосо электрондук жол менен “tizme.gov.kg” мамлекеттик порталындагы “Шайлоочунун кабинетинен” авторизациядан өтүү менен жасай аласыз.
Талапкерлердин тизмесин көрсөтүү этабы шайлоо дайындалган күндөн тарта башталып, 20-августта аяктайт. Документтерди каттоо үчүн Борбордук шайлоо комиссиясына 24-августка чейин алып келүү зарыл. Талапкерлерди каттоо 3-сентябрда аяктайт. Шайлоо алдындагы агитация иштери 4-сентябрда башталып, 3-октябрда саат сегизде аяктайт.
3-октябрда имараттан тышкары добуш берүү күнү. 3-октябрда эртең мененки сегизден кечки сегизге чейин добуш берүүчүлөр 1-октябрга чейин арыз беришкен. Алар ден соолугуна же дагы башка себептерге байланыштуу, шайлоо күнү имаратта добуш бере албаган адамдар.
4-октябрь Жогорку Кеңештин депутаттарын шайлоо үчүн добуш берүү күнү. Шайлоочулардын тизмесине кирген шайлоочулар өздөрүнүн шайлоо участокторунда эртең мененки сегизден кечки сегизге чейин добуш бере алышат.
Жогорку Кеңештин депутаттарын шайлоонун жыйынтыктарын аныктоо, шайлоо болуп өткөндөн кийин 20 календарлык күндөн кеч эмес убакытта, 25-октябрга чейин болушу керек.
