Жогорку Кеңештин депутаттыгына талапкерлер өлкө аймактарында шайлоочулар менен жолугушуларды өткөрүп, өз программалары менен тааныштырууда.
Жолугушууларда программаларды талкуулоо менен бирге, аймактарды өнүктүрүү багытындагы мыйзам демилгелери боюнча суроо-жооп форматында ой-пикир алмашуу болууда.
Жолугушууларды «Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө» конституциялык мыйзамдын 26-беренесинин 1-бөлүгүнө ылайык, округдук шайлоо комиссиялары жергиликтүү өз алдынча башкаруу органдары менен биргеликте алдын ала бекитилген графикке ылайык уюштурушууда. Мында бардык талапкерлерге бирдей шарт түзүү – негизги талап.
Талапкерлердин шайлоочулар менен жолугушуулары 2025-жылдын 10-ноябрынан 26-ноябрына чейин уланат.
2025-жылдын 14-15-ноябында жолугушуулар төмөнкү шаар, айылдарда өткөрүлдү:
Баткен облусу боюнча – Лейлек районунун Кен-Талаа, Ак-Суу жана Сумбула айыл өкмөтү;
Ош облусу боюнча – Ноокат районунун Төөлөс айыл өкмөтү, Араван районунун Төө-Моюн айыл өкмөтү, Ош шаары (№ 2, № 3, Курманжан Датка муниципалдык аймактык башкармалыгы), Алай районунун Тилектеш, Курманжан Датка, Жаңы-Алай жана Гүлчө айыл өкмөтү, Кара-Суу районунун Ынтымак, Савай, Ала-Тоо жана Манас айыл өкмөтү, Өзгөн районунун Ийри-Суу, Жазы айыл өкмөтү, Кара-Кулжа районунун Карагуз айыл өкмөтү;
Жалал-Абад облусу боюнча – Сузак районунун Багыш айыл өкмөтү, Токтогул районунун Сары-Камыш, Толук айыл өкмөтү, Аксы районунун Ак-Жол, Кара-Камыш жана Сары-Челек айыл өкмөтү, Ноокен районунун Д.Садырбаев, Э.Алиев айыл өкмөтү;
Талас облусу боюнча – Айтматов районунун Аманбаев, Шекер айыл өкмөтү, Талас районунун Шумкар-Уя, Каракол айыл өкмөтү; Манас районунун Семетей, Үч-Коргон жана Кыргызстан айыл өкмөтү;
Чүй облусу боюнча - Сокулук районунун Сокулук, Сары-Өзөн, Төмөнкү-Чүй, Жаңы-Жер, Кайназарова жана Шопоков айыл өкмөтү, Ысык-Ата районунун Сын-Таш, Нурманбет, Узун-Кыр жана Жайылма айыл өкмөтү, Чүй районунун Токмок шаары жана Чүй, Биримдик, Онбир-Жылга айыл өкмөтү;
Ысык-Көл облусу боюнча – Түп районунун Түп, Карасаев айыл өкмөтү;
Нарын облусу боюнча – Кочкор районунун Чолпон, Кара-Суу жана Сары-Булак айыл өкмөтү, Нарын районунун Миӊ-Булак, Э.Дайракунов, Жан-Булак жана Эмгек-Талаа айыл өкмөтү;
Бишкек шаарынын Ленин, Октябрь, Свердлов райондору, МТУ-106, МТУ-103.
