Башкы Жаңылыктар КР БШКсы айрым шайлоо участокторунун даректерин өзгөртүү боюнча …

КР БШКсы айрым шайлоо участокторунун даректерин өзгөртүү боюнча токтом кабыл алды

24-Окт, 2025

Кыргыз Республикасынын Борбордук шайлоо комиссиясы бүгүн, 24-октябрда Бишкек шаарындагы, Баткен облусунун Баткен районундагы, Жалал-Абад облусунун Сузак, Ала-Бука, Токтогул райондорундагы, Чүй облусунун Москва районундагы, Ысык-Көл облусунун Тоң, Ысык-Көл, Ак-Суу райондорундагы айрым шайлоо участокторунун даректерин өзгөртүү жөнүндө” токтом кабыл алды.

Ага ылайык, төмөнкү шайлоо участкаларынын даректери өзгөртүлдү:

- Бишкек шаарындагы № 37 мектебинин имаратында жайгашкан

№ 1165 шайлоо участогунун дареги Белорусская көчөсү, 37/1ден Улан кичи району, 25/1ге өзгөртүлдү;

- Бишкек шаарындагы “Маариф” билим берүү комплексинин имаратында жайгашкан №1162 шайлоо участогунун дареги А.Токомбаев көчөсү, №9/1ден ушул эле көчөнүн 23/11ге Бишкек шаарындагы “Газпром Кыргызстан” ЖЧКга караган “Газпром” мектебинин имаратына өзгөртүлдү;

- Баткен облусунун Баткен районунун Таш-Тумшук айылындагы башталгыч мектептин имаратында жайгашкан № 8198 шайлоо участогунун дареги Тынчтык көчөсү, 7ден Баткен облусунун Баткен районунун Үч-Дөбө айылындагы Алма-Бак көчөсү, № 2/5 те жайгашкан А. Жайнаков орто мектебинин имаратына өзгөртүлдү;

- Баткен облусунун Баткен районунун Достук айылындагы Достук орто мектебинин имаратында жайгашкан № 8070 шайлоо участогунун дареги Достук көчөсү, 3төн Баткен облусунун Баткен районунун Достук айылындагы № 72 үйгө (көчөнүн аты жок) өзгөртүлдү;

- Жалал-Абад облусунун Сузак районунун Камыш-Башы айылында жайгашкан № 2014 шайлоо участогунун дареги Дыйкан-Ата көчөсү, 25тен Жалал-Абад облусунун Сузак районунун Садда айылындагы А.Мадеминов көчөсү, 3тө жайгашкан Садда орто мектебинин имаратына өзгөртүлдү;

- Жалал-Абад облусунун Сузак районунун Благовещенка айылында жайгашкан № 2012 шайлоо участогунун дареги О. Шемаев көчөсү, 127ден ушул эле айылдагы О.Шемаев көчөсү 137те жайгашкан А. Гайдар орто мектебинин имаратына өзгөртүлдү;

- Жалал-Абад облусунун Сузак районунун Күмүш-Азиз айылындагы Тиллебай ажы көчөсүндөгү Спорт комплексте жайгашкан № 2393 шайлоо участогунун дареги ушул эле көчөдө жайгашкан № 6 үй-бүлөлүк дарыгерлер тобунун имаратына өзгөртүлдү;

- Жалал-Абад облусунун Ала-Бука районунун Ажек айылындагы маданият үйүндө жайгашкан № 2285 Комсомол шайлоо участогунун дареги ушул эле айылдагы Комсомол көчөсү 53тө жайгашкан жалпы билим берүүчү орто мектебинин имаратына өзгөртүлдү;

- Жалал-Абад облусунун Ала-Бука районунун Кызыл-Ата айылындагы маданият үйүндө жайгашкан № 2273 шайлоо участогунун дареги ушул эле айылдагы С. Мамажанова көчөсү, 26да жайгашкан Ы. Чаңгылов орто мектебинин имаратына өзгөртүлдү;

- .Жалал-Абад облусунун Токтогул районунун Кызыл-Өзгөрүш айылындагы орто мектептин имаратында жайгашкан № 2354 шайлоо участогунун дареги ушул эле айылдагы Карымшаков көчөсү 57те жайгашкан А.Ибраимов атындагы орто мектебинин имаратына өзгөртүлдү;

- Жалал-Абад облусунун Токтогул районунун Кызыл-Туу айылындагы Бримкулов орто мектебинин имаратында жайгашкан

№ 2225 шайлоо участогунун дареги ушул эле айылдагы Мүлкүбат көчөсү, 30да жайгашкан Мүлкубат орто мектебинин имаратына өзгөртүлдү;

- Чүй облусунун Москва районунун Кепер-Арык айылындагы Артыкбаев атындагы орто мектепте жайгашкан № 7309 шайлоо участогунун дареги Белек көчөсү, 3Адан ушул эле айылдагы Апылтаев көчөсү, 10Ада жайгашкан маданият үйүнүн имаратына өзгөртүлдү;

- Ысык-Көл облусунун Ак-Суу районунун Тегизчил айылындагы бала бакчанын имаратында жайгашкан № 3128 шайлоо участогунун дареги ушул эле айылдагы Рахмат көчөсү, 54тө жайгашкан К. Эшимбеков атындагы орто мектебинин имаратына өзгөртүлдү;

- Ысык-Көл облусунун Ак-Суу районунун Октябрь айылындагы орто мектептин имаратында жайгашкан № 3125 шайлоо участогунун дареги ушул эле айылдагы Кожокматова көчөсү, 29да жайгашкан мурдагы айыл өкмөттүн имаратына өзгөртүлдү;

- .Ысык-Көл облусунун Тоң районунун Б.Мамбетов айыл аймагындагы К. Тилеков орто мектебинин имаратында жайгашкан

№ 3223 шайлоо участогунун дареги Абатай көчөсү, 53төн ушул эле айыл аймактагы Байсерке көчөсү 42де жайгашкан М.Байсеркеев атындагы маданият үйүнүн имаратына өзгөртүлдү;

- Ысык-Көл облусунун Ысык-Көл районунун Корумду айылында жайгашкан № 3034 шайлоо участогунун дареги, ушул эле айылдагы Сокубай көчөсү, 45те жайгашкан К. Орозов орто мектебинин имаратына өзгөртүлдү;

- .Ысык-Көл облусунун Ысык-Көл районунун Григорьевка айылында жайгашкан № 3037 шайлоо участогунун дареги Садыр аке көчөсү, 30да жайгашкан А.С. Пушкин атындагы орто мектебинин имаратына өзгөртүлдү;

- Ысык-Көл облусунун Ысык-Көл районунун Кожояр айылында жайгашкан № 3040 шайлоо участогунун дареги ушул эле айылдагы Кожояр көчөсү, 36да жайгашкан спорт залдын имаратына өзгөртүлдү;

- Ысык-Көл облусунун Ысык-Көл районунун Кара-Ой айылындагы спорт залдын имаратында жайгашкан № 3254 шайлоо участогунун дареги Ж.Абдрахманов көчөсү, 174төн ушул эле айылдагы Ж.Абдрахманов көчөсү, 177Ада жайгашкан айыл өкмөттүн имаратына өзгөртүлдү;

- Ысык-Көл облусунун Чолпон-Ата шаарына караштуу Бостери айылындагы айыл өкмөттүн имаратында жайгашкан № 3052 шайлоо участогунун дареги ушул эле айылдагы Мамытов көчөсү, 73тө жайгашкан К. Жылкыбаев атындагы маданият үйүнүн имаратына өзгөртүлдү;

- .Ысык-Көл облусунун Ысык-Көл районунун Кароол-Дөбө айылындагы Ж.Бейшекеев атындагы орто мектебинин имаратында жайгашкан № 3047 шайлоо участогунун дареги ушул эле айылдагы Шадыканов көчөсү, 4тө жайгашкан ФАПтын имаратына өзгөртүлдү;

- Ысык-Көл облусунун Ысык-Көл районунун Ананьево айылындагы Ленин көчөсү, 120Вдагы музейдин имаратында жайгашкан № 3043 шайлоо участогунун дареги ушул эле айылдагы Ленин көчөсү, 120Ада жайгашкан Б.Чаргынов атындагы маданият үйүнүн имаратына өзгөртүлдү.

№ 22 округдук шайлоо комиссиясы Октябрь административдик району, № 2 шайлоо комиссиясы Ак-Татыр Кара-Бак айыл өкмөттөрү,

№ 11 округдук шайлоо комиссиясы Сузак , Барпы айыл өкмөттөрү,

№ 15 округдук шайлоо комиссиясы Айры-Там, Т.Балтагулов айыл өкмөттөрү, № 14 округдук шайлоо комиссиясы Токтогул шаардык мэриясы, Э. Иманалиев айыл өкмөтү, № 18 округдук шайлоо комиссиясы Ак-Суу айыл өкмөтү, № 27 округдук шайлоо комиссиясы Алтын-Арашан айыл өкмөтү, № 28 округдук шайлоо комиссиясы Б. Мамбетов айыл өкмөтү,

№ 27 округдук шайлоо комиссиясы Садыр аке айыл өкмөтү, Ысык-Көл аймактык шайлоо комиссиясы Чолпон-Ата мэриясы, Шайбек ата,

Жусуп Абдрахманов айыл өкмөттөрү менен биргеликте шайлоочулар арасында шайлоо участкаларынын даректери өзгөргөнү тууралуу түшүндүрүү иштерин жүргүзүү тапшырылды.

Башка жаңылыктар

Бардык жаңылыктар

22-Окт, 2026

КР БШКнын өкүлдөрү Жалал-Абад облусунда шайлоого даярдык көрүү маселелерин талкуулашты

2026-жылдын 21–22-октябрында Кыргыз Республикасынын Шайлоо жана референдум өткөрүү боюнча борбордук комиссиясынын төрагасынын орун басары Русланбек Жакышов жана БШК мүчөсү Бөдөш Мамырова Жалал-Абад облусунун Манас шаарында, Ноокен, Базар-Коргон, Аксы жана Ала-Бука райондорунда жергиликтүү өз алдынча башкаруу органдарынын жетекчилери, укук коргоо органдарынын өкүлдөрү жана шайлоо комиссияларынын мүчөлөрү менен жумушчу жолугушууларды өткөрүштү.Жолугушуулардын жүрүшүндө 2027-жылдын 27-январына белгиленген Кыргыз Республикасынын Президентин шайлоого даярдык көрүү, шайлоо процессин мыйзам талаптарына ылайык уюштуруу жана тиешелүү мамлекеттик жана муниципалдык органдардын өз ара аракеттенүүсүн камсыз кылуу маселелери каралды.БШК төрагасынын орун басары Русланбек Жакышов Кыргыз Республикасынын Президентин шайлоодогу жаңы талаптар, шайлоо мыйзамдарына киргизилген өзгөртүүлөр, жаңыланган шайлоо технологиялары жана талапкерлерди колдоо тартибинин өзгөчөлүктөрү тууралуу кеңири баяндама жасады. Мындан тышкары, шайлоону даярдоо жана өткөрүүдө мамлекеттик бийлик органдарынын жана жергиликтүү өз алдынча башкаруу органдарынын милдеттерине жана жоопкерчилигине токтолду. Ал эми укук коргоо органдарынын өкүлдөрү менен болгон талкууда шайлоо мыйзамдарынын бузулушуна жол бербөө, шайлоочуларга жана шайлоо процессинин башка катышуучуларына мыйзамсыз кысым көрсөтүү аракеттерин алдын алуу, шайлоо процессине мыйзамсыз кийлигишүүгө бөгөт коюу жана коопсуздукту камсыз кылуу маселелери белгиленди.Жарандардын шайлоо укуктарын толук ишке ашыруусуна шарт түзүү, шайлоо процессинин бардык этаптарында мыйзам талаптарын так сактоо, шайлоочулардын укуктары менен эркиндиктерин коргоо - маанилүү багыттардын бири.

Кененирээк билүү >>

21-Окт, 2026

КР БШКсы шайлоо алдындагы үгүт иштерин мыйзамда белгиленген мөөнөттөн мурда жүргүзүүгө жол берилбестигин дагы бир жолу эскертет

Бүгүн, 21-октябрда Кыргыз Республикасынын Шайлоо жана референдум өткөрүү боюнча борбордук комиссиясынын мүчөсү Тимур Оторбаевдин жетекчилиги астында Шайлоочуларды жана шайлоо процессинин башка субъекттерин маалымдоо маселелери жана үгүт жүргүзүү эрежелери боюнча Жумушчу топтун жыйыны өттү.Жыйындын жүрүшүндө социалдык тармактарга жүргүзүлгөн мониторингдин алкагында “Кыргыз Республикасынын Президентин жана Жогорку Кеңештин депутаттарын шайлоо жөнүндө” конституциялык Мыйзамынын шайлоо алдындагы үгүт жүргүзүүнүн белгиленген мөөнөттөрүн жана шарттарын сактоо талаптарына каршы келүү белгилери бар материалдар аныкталып, каралды.Шайлоо мыйзамдарынын талаптарына ылайык келбеген материалдарды жарыялаган социалдык тармактардын активдүү колдонуучулары Санжарбек Тилеков, Айбек Теңизбай жана Туратбек Мусакеевдерге эскертүү берилип, билдирүүлөрүн өчүрүү милдеттендирилди. Аталган жарандар мындан ары мыйзамдардын талаптарын сактоого жана ушул сыяктуу бузууларга жол бербөөгө даяр экендиктерин билдиришти.Кыргыз Республикасынын Шайлоо жана референдум өткөрүү боюнча борбордук комиссиясы шайлоо алдындагы үгүт иштерин мыйзамда белгиленген мөөнөт башталганга чейин жүргүзүүгө тыюу салынарын дагы бир жолу эскертет. Бул талап шайлоо алдындагы үгүттүн мыйзамдарда каралган бардык формаларына жана ыкмаларына, анын ичинде социалдык тармактарда жана башка интернет-ресурстарда тиешелүү материалдарды жайгаштырууга жана таратууга да тиешелүү.БШК жарандарды, талапкерлерди, алардын өкүлдөрүн, саясий партияларды жана шайлоо процессинин башка катышуучуларын шайлоо мыйзамдарынын талаптарын так сактоого, мыйзамда белгиленген мөөнөт башталганга чейин шайлоо алдындагы үгүт катары бааланышы мүмкүн болгон аракеттерден оолак болууга, ошондой эле социалдык тармактарда маалыматтарды жайгаштырууда жана таратууда жоопкерчиликтүү мамиле кылууга чакырат.Жумушчу топ өз ыйгарым укуктарынын чегинде социалдык тармактарга мониторинг жүргүзүүнү жана шайлоо мыйзамдарынын мүмкүн болгон бузуулары тууралуу материалдарды кароону улантат.Шайлоо алдындагы үгүт жүргүзүүнүн мыйзамда белгиленген мөөнөттөрүн жана эрежелерин сактоо шайлоо процессинин катышуучулары үчүн бирдей мүмкүнчүлүктөрдү камсыз кылуунун, мыйзамдуулукту жана шайлоонун ачык-айкындуулугун сактоонун маанилүү шарты болуп саналат.

Кененирээк билүү >>

19-Окт, 2026

Баткен, Ош жана Жалал-Абад облустарында жарандардын айрым категорияларынын шайлоо укуктарын камсыздоо боюнча тренингдер өткөрүлдү

2026-жылдын 15, 16 жана 19-октябрында Кыргыз Республикасынын Шайлоо жана референдум өткөрүү боюнча борбордук комиссиясынын жарандардын айрым категорияларынын шайлоо укуктарын камсыздоо боюнча жумушчу тобунун мүчөлөрү Баткен, Ош жана Жалал-Абад облустарындагы мамлекеттик уюмдардын жана мекемелердин өкүлдөрү үчүн тренингдерди өткөрүштү. Тренингдердин негизги максаты – жарандардын айрым категорияларынын шайлоого катышуусун уюштуруу маселелери боюнча маалымдуулукту жогорулатуу жана тиешелүү адистердин компетенцияларын өнүктүрүү. Окутуу программасы жалпы шайлоо укугунун негизги принциптеринен тартып, жарандардын айрым категорияларынын шайлоого катышуусун уюштуруунун практикалык маселелерине чейинки темаларды камтыды. Тренингдерге жалпысынан 225 адам катышты. Алардын арасында Кыргыз Республикасынын Эмгек, социалдык камсыздоо жана миграция министрлигинин, Ички иштер министрлигинин, Коргоо министрлигинин, Министрлер Кабинетине караштуу Мамлекеттик чек ара кызматынын, Министрлер Кабинетине караштуу Жазаларды аткаруу мамлекеттик кызматынын, ошондой эле Баткен, Ош жана Манас шаарларынын мэрияларынын өкүлдөрү болушту. Теориялык жана практикалык сабактардын жүрүшүндө катышуучулар төмөнкү негизги маселелерди кеңири талкуулашты:- жалпы шайлоо укугу жана шайлоо укугун чектөөгө байланышкан маселелер, анын ичинде жарандардын айрым категорияларына тиешелүү жагдайлар;- жарандардын айрым категорияларынын шайлоо укуктарын камсыздоодо шайлоо комиссиялары менен мамлекеттик органдардын өз ара аракеттенүүсү;- шайлоо комиссияларынын электрондук порталдары жана шайлоо процесстерин санариптик форматта уюштуруу;- жарандардын айрым категорияларын маалымдоо жана шайлоо алдындагы үгүт иштерин жүргүзүү тартиби;- шайлоо участогунан тышкары жерде добуш берүүнү уюштуруу тартиби жана добуш берүүнүн купуялуулугун камсыздоо.Талкуулардын жүрүшүндө катышуучулар жарандардын айрым категорияларынын шайлоо укуктарын ишке ашырууда алардын укуктарын коргоо механизмдерине, шайлоо процессине тоскоолдуксуз катышуусу үчүн зарыл шарттарды түзүү маселелерине өзгөчө көңүл бурушту. Өткөрүлгөн тренингдер мамлекеттик органдардын жана мекемелердин өкүлдөрүнүн шайлоо укуктарын камсыздоо жаатындагы билимдерин тереңдетүүгө, ведомстволор аралык кызматташтыкты өнүктүрүүгө жана жарандардын айрым категорияларынын шайлоо процессине толук кандуу катышуусуна өбөлгө түзүүгө багытталды

Кененирээк билүү >>

19-Окт, 2026

КР БШКсы шайлоо алдындагы үгүт жүргүзүү тартибин бузган бир катар жарандарга эскертүү берди

Бүгүн, 19-октябрда Кыргыз Республикасынын Шайлоо жана референдум өткөрүү боюнча борбордук комиссиясынын Шайлоочуларды жана шайлоо процессинин башка субъекттерин маалымдоо маселелери жана үгүт жүргүзүү эрежелери боюнча Жумушчу топтун жыйыны өттү. Жыйында мыйзамда белгиленген үгүт жүргүзүү мөөнөтү башталганга чейин талапкерлерди колдоого же аларга каршы үгүттөөгө байланышкан мыйзам бузуулар боюнча тиешелүү чаралар көрүлдү. Атап айтканда, социалдык тармактар аркылуу белгилүү бир талапкерге добуш берүүгө же бербөөгө чакыруу, талапкерлерди шайлоого же шайлабоого багытталган материалдарды таратуу, ошондой эле шайлоочулардын тандоосуна таасир этүү максатында сурамжылоолорду уюштуруу жана алардын жыйынтыктарын пайдалануу фактылары каралды.Аныкталган мыйзам бузуулар боюнча Кыргыз Республикасынын Укук бузуулар жөнүндө кодексинин тиешелүү беренелерине ылайык, социалдык тармактардын активдүү колдонуучулары Залкарбек Кудайбердиев, Бахтияр Кыдыралиев, Малик Исмаилбек уулуна жана Жыргалбек Ибраимовдорго эскертүү берилди. Жогорудагы жарандар Жумушчу топ тарабынан айтылган сын-пикирлерди, сунуштарды эске алып, социалдык тармактардагы жарыялаган билдирүүлөрүн өчүрүүгө жана башка мындай аракеттерге барбай тургандыктарын билдиришти. Борбордук шайлоо комиссиясы бардык жарандарды, жалпыга маалымдоо каражаттарын жана социалдык тармактардын колдонуучуларын шайлоо мыйзамдарынын талаптарын так сактоого чакырат.

Кененирээк билүү >>