Башкы Жаңылыктар КР БШК Жогорку Кеңештин депутаттыгына талапкерлердин ыйгарым укуктуу …

КР БШК Жогорку Кеңештин депутаттыгына талапкерлердин ыйгарым укуктуу өкүлдөрүн каттады

19-Окт, 2025

Кыргыз Республикасынын Борбордук шайлоо комиссиясы бүгүн, 19-октябрда, Жогорку Кеңештин депутаттыгына талапкер катары өзүн-өзү көрсөткөн жарандардын ыйгарым укуктуу өкүлдөрүн каттады:
- №24 шайлоо округу боюнча талапкер Кульмамбетова Алтынай Болотовнанын ыйгарым укуктуу өкүлү: шайлоо боюнча Б.К. Бердибаев;
- №12 шайлоо округу боюнча талапкер Жалилова Гүльназ Тажибаевнанын ыйгарым укуктуу өкүлү: шайлоо боюнча Т. Жалилов;
- №3 шайлоо округу боюнча талапкер Халмурзаев Абдибакыт Алыбаевичтин ыйгарым укуктуу өкүлү: шайлоо боюнча Б.М. Эргешов;
- №5 шайлоо округу боюнча талапкер Сулайманов Эльдар Нурлановичтин ыйгарым укуктуу өкүлдөрү: шайлоо боюнча А.К. Койчуев жана каржы боюнча Б.М. Минаждинова;
- №14 шайлоо округу боюнча талапкер Борбиев Болотбек Ибраимовичтин ыйгарым укуктуу өкүлдөрү: шайлоо боюнча Э.А. Асанов жана каржы боюнча А.М. Басылова;
- №8 шайлоо округу боюнча талапкер Бердиев Аккулу Тагаевичтин ыйгарым укуктуу өкүлдөрү: шайлоо боюнча А.А. Омурзакова жана каржы боюнча Г.Ж. Сариева;
- №9 шайлоо округу боюнча талапкер Абитов Женишбек Эсеналиевичтин ыйгарым укуктуу өкүлдөрү: шайлоо боюнча А.Р. Шерматов жана каржы боюнча А.А. Аманов;
- №28 шайлоо округу боюнча талапкер Сагынаев Болот Турусбековичтин ыйгарым укуктуу өкүлдөрү: шайлоо боюнча Д.С. Сарбатова жана каржы боюнча С.Ү. Алаков;
- №23 шайлоо округу боюнча талапкер Токтакунов Нурбек Акбаровичтин ыйгарым укуктуу өкүлү: каржы боюнча Э.С. Аманов;
- №7 шайлоо округу боюнча талапкер Ыдырысова Чынаркан Орозбаевнанын ыйгарым укуктуу өкүлдөрү: шайлоо боюнча Г.А.Эгембердиева жана каржы боюнча М.С.Мирзалимова;
- №12 шайлоо округу боюнча талапкер Акбаев Авазбек Абдирахмановичтин ыйгарым укуктуу өкүлү: каржы боюнча Н.А. Назарбаев;
- №10 шайлоо округу боюнча талапкер Омурзаков Суйунбек Абдылдаевичтин ыйгарым укуктуу өкүлдөрү: шайлоо боюнча А.Ш. Кадыров жана каржы боюнча Н. Ысамамет уулу;
- №5 шайлоо округу боюнча талапкер Баргибаева Жипаргул Мухтаровнанын ыйгарым укуктуу өкүлдөрү: шайлоо боюнча А.А. Боронова жана каржы боюнча С.К. Бейшалиева;
- №20 шайлоо округу боюнча талапкер Айтиев Темирлан Тынычбековичтин ыйгарым укуктуу өкүлдөрү: шайлоо боюнча Ж.Б.Тейитбаев жана каржы боюнча Б.А. Маматов;
- №19 шайлоо округу боюнча талапкер Куламбаев Ниязбек Бекжановичтин ыйгарым укуктуу өкүлдөрү: шайлоо боюнча Г. К. Аалиева жана каржы боюнча С.З. Джоробекова;
- №4 шайлоо округу боюнча талапкер Рустамбек уулу Советбектин ыйгарым укуктуу өкүлү: шайлоо боюнча М.Э. Турсункулов;
- №10 шайлоо округу боюнча талапкер Карашев Аалы Азимовичтин ыйгарым укуктуу өкүлдөрү: шайлоо боюнча Р.А. Ильясов жана каржы боюнча Ө.Ы. Салимов;
- №28 шайлоо округу боюнча талапкер Абдымамбетова Жанара Байсымакановнанын ыйгарым укуктуу өкүлдөрү: шайлоо боюнча К.Ш.Асаналиева жана каржы боюнча Ж.Б. Абдымамбетова;
- №14 шайлоо округу боюнча талапкер Эргешбаева Таттибүбү Нурбековнанын ыйгарым укуктуу өкүлдөрү: шайлоо боюнча Б.Б. Осмонов жана каржы боюнча А.Р. Оңолбекова;
- №19 шайлоо округу боюнча талапкер Астаркулов Улан Болотбековичтин ыйгарым укуктуу өкүлдөрү: шайлоо боюнча З.К. Атыканов жана каржы боюнча Б.А. Солтобаев;
- №27 шайлоо округу боюнча талапкер Шабданбаев Канат Кенешовичтин ыйгарым укуктуу өкүлдөрү: шайлоо боюнча А.О. Атакозуев жана каржы боюнча Н.Д. Бердибекова.
Талапкерлердин ыйгарым укуктуу өкүлдөрүнө белгиленген үлгүдөгү каттоо күбөлүктөрү берилет.

Башка жаңылыктар

Бардык жаңылыктар

22-Окт, 2026

КР БШКнын өкүлдөрү Жалал-Абад облусунда шайлоого даярдык көрүү маселелерин талкуулашты

2026-жылдын 21–22-октябрында Кыргыз Республикасынын Шайлоо жана референдум өткөрүү боюнча борбордук комиссиясынын төрагасынын орун басары Русланбек Жакышов жана БШК мүчөсү Бөдөш Мамырова Жалал-Абад облусунун Манас шаарында, Ноокен, Базар-Коргон, Аксы жана Ала-Бука райондорунда жергиликтүү өз алдынча башкаруу органдарынын жетекчилери, укук коргоо органдарынын өкүлдөрү жана шайлоо комиссияларынын мүчөлөрү менен жумушчу жолугушууларды өткөрүштү.Жолугушуулардын жүрүшүндө 2027-жылдын 27-январына белгиленген Кыргыз Республикасынын Президентин шайлоого даярдык көрүү, шайлоо процессин мыйзам талаптарына ылайык уюштуруу жана тиешелүү мамлекеттик жана муниципалдык органдардын өз ара аракеттенүүсүн камсыз кылуу маселелери каралды.БШК төрагасынын орун басары Русланбек Жакышов Кыргыз Республикасынын Президентин шайлоодогу жаңы талаптар, шайлоо мыйзамдарына киргизилген өзгөртүүлөр, жаңыланган шайлоо технологиялары жана талапкерлерди колдоо тартибинин өзгөчөлүктөрү тууралуу кеңири баяндама жасады. Мындан тышкары, шайлоону даярдоо жана өткөрүүдө мамлекеттик бийлик органдарынын жана жергиликтүү өз алдынча башкаруу органдарынын милдеттерине жана жоопкерчилигине токтолду. Ал эми укук коргоо органдарынын өкүлдөрү менен болгон талкууда шайлоо мыйзамдарынын бузулушуна жол бербөө, шайлоочуларга жана шайлоо процессинин башка катышуучуларына мыйзамсыз кысым көрсөтүү аракеттерин алдын алуу, шайлоо процессине мыйзамсыз кийлигишүүгө бөгөт коюу жана коопсуздукту камсыз кылуу маселелери белгиленди.Жарандардын шайлоо укуктарын толук ишке ашыруусуна шарт түзүү, шайлоо процессинин бардык этаптарында мыйзам талаптарын так сактоо, шайлоочулардын укуктары менен эркиндиктерин коргоо - маанилүү багыттардын бири.

Кененирээк билүү >>

21-Окт, 2026

КР БШКсы шайлоо алдындагы үгүт иштерин мыйзамда белгиленген мөөнөттөн мурда жүргүзүүгө жол берилбестигин дагы бир жолу эскертет

Бүгүн, 21-октябрда Кыргыз Республикасынын Шайлоо жана референдум өткөрүү боюнча борбордук комиссиясынын мүчөсү Тимур Оторбаевдин жетекчилиги астында Шайлоочуларды жана шайлоо процессинин башка субъекттерин маалымдоо маселелери жана үгүт жүргүзүү эрежелери боюнча Жумушчу топтун жыйыны өттү.Жыйындын жүрүшүндө социалдык тармактарга жүргүзүлгөн мониторингдин алкагында “Кыргыз Республикасынын Президентин жана Жогорку Кеңештин депутаттарын шайлоо жөнүндө” конституциялык Мыйзамынын шайлоо алдындагы үгүт жүргүзүүнүн белгиленген мөөнөттөрүн жана шарттарын сактоо талаптарына каршы келүү белгилери бар материалдар аныкталып, каралды.Шайлоо мыйзамдарынын талаптарына ылайык келбеген материалдарды жарыялаган социалдык тармактардын активдүү колдонуучулары Санжарбек Тилеков, Айбек Теңизбай жана Туратбек Мусакеевдерге эскертүү берилип, билдирүүлөрүн өчүрүү милдеттендирилди. Аталган жарандар мындан ары мыйзамдардын талаптарын сактоого жана ушул сыяктуу бузууларга жол бербөөгө даяр экендиктерин билдиришти.Кыргыз Республикасынын Шайлоо жана референдум өткөрүү боюнча борбордук комиссиясы шайлоо алдындагы үгүт иштерин мыйзамда белгиленген мөөнөт башталганга чейин жүргүзүүгө тыюу салынарын дагы бир жолу эскертет. Бул талап шайлоо алдындагы үгүттүн мыйзамдарда каралган бардык формаларына жана ыкмаларына, анын ичинде социалдык тармактарда жана башка интернет-ресурстарда тиешелүү материалдарды жайгаштырууга жана таратууга да тиешелүү.БШК жарандарды, талапкерлерди, алардын өкүлдөрүн, саясий партияларды жана шайлоо процессинин башка катышуучуларын шайлоо мыйзамдарынын талаптарын так сактоого, мыйзамда белгиленген мөөнөт башталганга чейин шайлоо алдындагы үгүт катары бааланышы мүмкүн болгон аракеттерден оолак болууга, ошондой эле социалдык тармактарда маалыматтарды жайгаштырууда жана таратууда жоопкерчиликтүү мамиле кылууга чакырат.Жумушчу топ өз ыйгарым укуктарынын чегинде социалдык тармактарга мониторинг жүргүзүүнү жана шайлоо мыйзамдарынын мүмкүн болгон бузуулары тууралуу материалдарды кароону улантат.Шайлоо алдындагы үгүт жүргүзүүнүн мыйзамда белгиленген мөөнөттөрүн жана эрежелерин сактоо шайлоо процессинин катышуучулары үчүн бирдей мүмкүнчүлүктөрдү камсыз кылуунун, мыйзамдуулукту жана шайлоонун ачык-айкындуулугун сактоонун маанилүү шарты болуп саналат.

Кененирээк билүү >>

19-Окт, 2026

Баткен, Ош жана Жалал-Абад облустарында жарандардын айрым категорияларынын шайлоо укуктарын камсыздоо боюнча тренингдер өткөрүлдү

2026-жылдын 15, 16 жана 19-октябрында Кыргыз Республикасынын Шайлоо жана референдум өткөрүү боюнча борбордук комиссиясынын жарандардын айрым категорияларынын шайлоо укуктарын камсыздоо боюнча жумушчу тобунун мүчөлөрү Баткен, Ош жана Жалал-Абад облустарындагы мамлекеттик уюмдардын жана мекемелердин өкүлдөрү үчүн тренингдерди өткөрүштү. Тренингдердин негизги максаты – жарандардын айрым категорияларынын шайлоого катышуусун уюштуруу маселелери боюнча маалымдуулукту жогорулатуу жана тиешелүү адистердин компетенцияларын өнүктүрүү. Окутуу программасы жалпы шайлоо укугунун негизги принциптеринен тартып, жарандардын айрым категорияларынын шайлоого катышуусун уюштуруунун практикалык маселелерине чейинки темаларды камтыды. Тренингдерге жалпысынан 225 адам катышты. Алардын арасында Кыргыз Республикасынын Эмгек, социалдык камсыздоо жана миграция министрлигинин, Ички иштер министрлигинин, Коргоо министрлигинин, Министрлер Кабинетине караштуу Мамлекеттик чек ара кызматынын, Министрлер Кабинетине караштуу Жазаларды аткаруу мамлекеттик кызматынын, ошондой эле Баткен, Ош жана Манас шаарларынын мэрияларынын өкүлдөрү болушту. Теориялык жана практикалык сабактардын жүрүшүндө катышуучулар төмөнкү негизги маселелерди кеңири талкуулашты:- жалпы шайлоо укугу жана шайлоо укугун чектөөгө байланышкан маселелер, анын ичинде жарандардын айрым категорияларына тиешелүү жагдайлар;- жарандардын айрым категорияларынын шайлоо укуктарын камсыздоодо шайлоо комиссиялары менен мамлекеттик органдардын өз ара аракеттенүүсү;- шайлоо комиссияларынын электрондук порталдары жана шайлоо процесстерин санариптик форматта уюштуруу;- жарандардын айрым категорияларын маалымдоо жана шайлоо алдындагы үгүт иштерин жүргүзүү тартиби;- шайлоо участогунан тышкары жерде добуш берүүнү уюштуруу тартиби жана добуш берүүнүн купуялуулугун камсыздоо.Талкуулардын жүрүшүндө катышуучулар жарандардын айрым категорияларынын шайлоо укуктарын ишке ашырууда алардын укуктарын коргоо механизмдерине, шайлоо процессине тоскоолдуксуз катышуусу үчүн зарыл шарттарды түзүү маселелерине өзгөчө көңүл бурушту. Өткөрүлгөн тренингдер мамлекеттик органдардын жана мекемелердин өкүлдөрүнүн шайлоо укуктарын камсыздоо жаатындагы билимдерин тереңдетүүгө, ведомстволор аралык кызматташтыкты өнүктүрүүгө жана жарандардын айрым категорияларынын шайлоо процессине толук кандуу катышуусуна өбөлгө түзүүгө багытталды

Кененирээк билүү >>

19-Окт, 2026

КР БШКсы шайлоо алдындагы үгүт жүргүзүү тартибин бузган бир катар жарандарга эскертүү берди

Бүгүн, 19-октябрда Кыргыз Республикасынын Шайлоо жана референдум өткөрүү боюнча борбордук комиссиясынын Шайлоочуларды жана шайлоо процессинин башка субъекттерин маалымдоо маселелери жана үгүт жүргүзүү эрежелери боюнча Жумушчу топтун жыйыны өттү. Жыйында мыйзамда белгиленген үгүт жүргүзүү мөөнөтү башталганга чейин талапкерлерди колдоого же аларга каршы үгүттөөгө байланышкан мыйзам бузуулар боюнча тиешелүү чаралар көрүлдү. Атап айтканда, социалдык тармактар аркылуу белгилүү бир талапкерге добуш берүүгө же бербөөгө чакыруу, талапкерлерди шайлоого же шайлабоого багытталган материалдарды таратуу, ошондой эле шайлоочулардын тандоосуна таасир этүү максатында сурамжылоолорду уюштуруу жана алардын жыйынтыктарын пайдалануу фактылары каралды.Аныкталган мыйзам бузуулар боюнча Кыргыз Республикасынын Укук бузуулар жөнүндө кодексинин тиешелүү беренелерине ылайык, социалдык тармактардын активдүү колдонуучулары Залкарбек Кудайбердиев, Бахтияр Кыдыралиев, Малик Исмаилбек уулуна жана Жыргалбек Ибраимовдорго эскертүү берилди. Жогорудагы жарандар Жумушчу топ тарабынан айтылган сын-пикирлерди, сунуштарды эске алып, социалдык тармактардагы жарыялаган билдирүүлөрүн өчүрүүгө жана башка мындай аракеттерге барбай тургандыктарын билдиришти. Борбордук шайлоо комиссиясы бардык жарандарды, жалпыга маалымдоо каражаттарын жана социалдык тармактардын колдонуучуларын шайлоо мыйзамдарынын талаптарын так сактоого чакырат.

Кененирээк билүү >>