2024-жылдын 17-ноябрында өткөн жергиликтүү кеңештердин депутаттарын шайлоодо УТРКнын түз эфиринде добуш берүүнүн алдын ала жыйынтыктары менен Кыргыз Республикасынын Борбордук шайлоо комиссиясынын төрагасы Н.Шайлдабекова тааныштырды. Саат 20:00гө карата шайлоо участкаларынын 96 пайызынан маалымат келип түштү.
Добуш берүүнүн негизги көрсөткүчтөрү:
Жалпы шайлоочулардын 27,83% катышты.
Шайлоочулардын тизмесине киргизилген 4135039 жарандын ичинен 1150 931 адам добуш берди.
Шаардык кеңештерге добуш берүү:
1 620 243 шайлоочунун ичинен 392 844 адам катышып, бул 24,25 пайызды түзөт.
Айылдык кеңештерде добуш берүү:
2 514 796 шайлоочунун ичинен 758 087 адам добуш берди, бул 30,15% түзөт.
Маалыматтарды иштетүүнүн учурдагы абалы:
Учурда шайлоо участкаларынын 97,22 пайызынан маалымат келип түштү. Шаарлардагы 22 шайлоо участкасынан жана айылдык кеңештерге шайлоолор өткөн айылдардагы 46 шайлоо участкасынан маалыматтар дагы эле күтүлүүдө.
Шаарлар жана округдар, ошондой эле айылдык кеңештер боюнча толук маалыматтар БШКнын расмий сайтында: newess.shailoo.gov.kg/ реалдуу убакыт режиминде жарыяланат. Жыйынтыктар автоматташтырылган урналардан алынган маалыматтарга жараша жаңыртылып турат.
Бишкек шаары боюнча жыйынтыктар:
Добуш берүү: 642 071 шайлоочунун 128 318и (19,99%) добуш берди.
Жарактуу бюллетендер: 119 692 (93,28%).
Жараксыз бюллетендер: 8628 (6,72%).
Аралыктан добуш берүү:
Бишкек шаарында аралыктан добуш берүүгө 503 шайлоочу катталды.
Алдын ала маалыматтар боюнча, Бишкек шаары боюнча аралыктан добуш берүүгө 159 адам катышып, бул 31% ашты.
КР БШК бардык маалыматтар алдын ала экенин жана калган шайлоо участкаларынан маалымат түшкөн сайын жаңыртылып турарын баса белгилейт.
2024-жылдын 17-ноябрында саат 20:00гө карата АЭУнун алдын ала маалыматы боюнча партиялар төмөнкүдөй добуштарды алышты:
Бишкек шаары боюнча - партиялар төмөнкүдөй добуштарды алышты:
Адилет партиясы - 18297 добуш же 15,09%
“Жаңы күч – Новая сила” партиясы – 36 623 добуш же 29,38%
“Ынтымак” партиясы – 17063 добуш же 14,07%
“Эмгек” партиясы - 26687 же 22%
“Эл үмүтү” партиясы - 13260 добуш же 10,93%
“Улуу Журт” партиясы 1619 добуш алды 1,34%
“Баарына каршы” позициясы 8686 добуш алды, 7,16%
Ош шаары боюнча аралыктан добуш берүүгө 215 шайлоочу катталса, 109 шайлоочу (50%) добуш берди. Калган бардык шаарларда жана аймактарда шайлоочулардын активдүүлүгү дагы мына ушундай. Аралыктан добуш берүүгө катышкандардын пайызы катардагы шайлоо участкаларына катышкандардын пайызына караганда жогору.
«Жаңы Кыргызстан» партиясы 23 783 (43,36%)
“Ынтымак” партиясы 10 982(20,02%)
"Мурас" партиясы 8309 (15,15%)
“Бир Бол” партиясы 5350 (9,75%)
“Милдет”партиясы 5,704 (10,4%)
"Баарына каршы" позициясы 728 (1,33%)
Белгилей кетсек, өтүү үчүн шайлоо босогосу 7 пайыздан 5 пайызга чейин төмөндөтүлгөн. Ош шаарында бардык партиялар бул босогодон өттү.
Шайлоого даярдык көрүү жана өткөрүү учурунда шайлоо мыйзамдарын ар кандай бузуулар боюнча 65 билдирүү түшкөн. 4 арыз каралууда турат, шайлоодо добуш берүүгө чейин жана добуш берүү учурунда кабыл алынган бардык башка арыздар боюнча чечимдер кабыл алынган.
КР БШК автоматтык эсептѳѳчү урналардан, анын ичинде аралыктан добуш берүү участкаларынан алынган маалыматтарды билдирүүнү улантат.
