30-октябрда 2024-жылдын 17-ноябрына дайындалган жергиликтүү кеңештердин депутаттарын шайлоону даярдоодо жана өткөрүүдө уюштуруу маселелерин жана материалдык-техникалык камсыз кылууну чечүүдө аймактык жана участкалык шайлоо комиссияларына көмөк көрсөтүү боюнча Ош облустук штабынын жыйыны болуп өттү. Шайлоонун алдындагы штабдардын жыйындары Кыргыз Республикасынын Президентинин 2024-жылдын 6-сентябрындагы №256 Жарлыгына ылайык өткөрүлүп жатат.
Жыйындын ишине КР Борбордук шайлоо комиссиясынын төрагасы Н.Шайлдабекова, КР Президентинин Ош облусундагы ыйгарым укуктуу өкүлү Э. Джантаев, Ош шаарынын мэринин орун басары З. Юсупов, шаардык жана райондук администрациялардын башчылары, жергиликтүү өз алдынча башкаруу органдарынын жетекчилери, прокуратура, укук коргоо органдарынын, шаардык инфратүзүмдөрдүн ишканаларынын жана билим берүүнүн өкүлдөрү, аймактык шайлоо комиссияларынын төрагалары, КР БШКнын атайын өкүлдөрү катышты.
Ош облусу боюнча административдик-аймактык реформанын натыйжалары жөнүндө толук маалымат берилди. Эгерде реформагачейин облус боюнча 91 жергиликтүү кеңеш болсо(3 шаардык жана 88 айылдык), азыр – 61 жергиликтүү кеңеш, алардын ичинен 3 шаардык жана 58 айылдык.
Төмөнкүлөр Кара-Суу районунун курамынан чыгарылды жана Ош шаарына кошулду:
- Кызыл-Кыштак айылдык аймагы,
- Төлөйкөн айылдык аймагы,
- Нариман айыл аймагынын Жаңы-Маала, Жим жана Жийделик участкалары,
- Ленин айыл аймагынын Имам-Атаучасткасы,
- Папан айыл аймагынын 1,2,3,4, Ак-Буура участкалары.
Ошентип, Ош шаардык кеңешинин депутаттарын шайлоочулардын саны 84 миңден ашык адамга өстү.
КР БШКнын маалыматтары боюнча, 17-ноябрда 1,8 млн. ашык калкы бар Ош облусундашайлоо участкаларында 1 млн. ашык адамды күтөт. Шайлоо 62 жергиликтүү кеңеште (Ош шаарын кошуп алганда) өтөт, депутаттык мандаттардын саны: облуста – 1541 жана Ош ш. – 51, алардын 30% аялдар үчүн резервделген. Жергиликтүү жетекчилерге - административдик-аймактык реформанын алкагындагы бардыкөзгөрүүлөрдү дагы бир ирет текшерүү жана тактоо тапшырылды.
Бардыгы Ош облусу боюнча шайлоо процессин 1 аймактык жана 492 участкалык комиссиясы, Ош шаарында – 1 аймактык жана 102 участкалык комиссия тейлейт.
Жыйында алдыда болуучу шайлоону даярдоо, шайлоо участкаларын материалдык-техникалык жабдуу боюнча иш-чаралардын планы талкууланды. Облустун бардык райондорун да шайлоого карата даярдык боюнча штабдар түзүлдү.
Материалдык-техникалык даярдыкты, жылытууну, электр менен жабдууну жана өзгөчө өзгөрүлүп турган аба ырайын эске алуу менен байланышты кошуп алганда, биринчи кезекте шайлоо участкалары тиешелүү деңгээлде камсыз кылынууга тиийиш. Бул маселелер тиешелүү органдардын жетекчилеринин борбордук деңгээлдеги контролунда турат. Ошондой болсо да облустун деңгээлинде мамлекеттик жана жергиликтүү өз алдынча башкаруу органдары үчүн да көптөгөн милдеттер бар.
Ош облусунда бардык маселелер өз убагында чечилүүдө.
Шайлоо участкаларында ДМЧА үчүн шарттарды түзүү боюнча жакшы иштер белгиленди:көпчүлүк участкалар пандустар менен жабдылган, Брайль шрифти менен даярдалган маалыматтык материалдар бар.
Ошондой эле коопсуздук жана мыйзамдуулукту сактоо маселелери талкууланды. Аймактык шайлоо комиссияларынын жана прокуратура жана укук коргоо органдарынын өкүлдөрүнүн деңгээлинде алардын компетенциясына келип түшкөн арыздарга жана даттанууларга чара көрүү үчүн ыкчам чара көрүүнүн координациялык топтору (ЫЧККТ) түзүлгөн жана ар бир орган тиешелүү чечимдерди кабыл алат.
Ош шаарын кошуп алганда, облустун бардык жерлеринде мыйзамдуулукту сактоодо шайлоо комиссиялары жана укук тартиби органдары кандай өз ара аракеттенүүгө тийиштиги жөнүндө укук коргоо органдары үчүн тренингдер жана кеңешмелер өткөрүлүп турат. Бардык нускамалар, өз ара аракеттенүү тартиби жана бузууларга чара көрүү алгоритмдери ушул кеңешмелерде берилет жана ишке ашырыла баштады.
“Бүтүндөйүнөн Ош облусунда шайлоо процесси тынч өтүп жатат” деп белгиледи КР БШКнын төрагасы Н. Шайлдабекова. Бирок, добуш берүү күнүнө жакын калганда бузуулардын саны көбөйгөндүктөн кырдаалды контролдо кармап туруу маанилүү.
Аралыктан добуш берүү мөөнөтү 6-ноябрга чейин узартылгандыгы кабарланды. Ош шаарында аралыктан добуш берүү үчүн 1 участок жана аралыктан добуш берүүнү каалагандардан арыздарды кабыл алуучу 2 пункт ачылды:
- А.Навои атындагы орто мектеп (А.Масалиев көчөсү, 37);
- Ош мамлекеттик университети (Ленин көчөсү, 331);
- КТБ Калкты тейлөө борбору (Т. Касымбеков көчөсү, 8г/1).
