Кыргыз Республикасынын Шайлоо жана референлум өткөрүү боюнча борбордук комиссиясы Борбордук Азиянын жергиликтүү башкаруу Академиясы менен биргеликте Өнүктүрүү саясаты институту тарабынан ишке ашырылып жаткан USAID «Ийгиликтүү аймак 2» долбоорунун колдоосунун алдында аялдардын жергиликтүү кеңештердин депутаттыгына талапкерлер катары катышуусун активдештирүү маселелери боюнча кеңири масштабдуу маалыматтык кампанияны жүргүзүп жатат.
Аялдар – айылдык кеңештердин депутаттыгына талапкерлер үчүн тренингдер бүгүн 2024-жылдын 10-октябрында да улантылып жатат, алар бир катар шаарларда жана айылдарда болуп өттү.
- БШКнын төрагасынын орун басары Тынчтык Шайназаров жана БШКнын мүчөсү Айдана Жупуева Таш-Көмүр шаарында Жалал-Абад облусунун Кербен, Майлы-Суу, Кара-Көл, Токтогул шаарларынын, Ала-Бука, Аксы райондорунун аялдары менен жолугушту.
- БШКнын мүчөлөрү Искендер Гайпкулов жана Алтынбек Кубатбеков Нарын шаарында Нарын облусунун Ак-Талаа, Ат-Башы райондорунун жана Нарын шаарынын аялдары менен жолугушту.
- БШКнын мүчөсү Абдыжапар Бекматов Токмок шаарында Чүй облусунун Кемин, Чүй, Аламүдүн жана Ыссык-Ата райондорунун аялдары менен жолугушту.
- БШКнын мүчөлөрү Узарбек Жылкыбаев жана Акбалык Жумалиева Ош облусунун Чоң-Алай жана Алай райондорунун аялдары менен жолугушту.
КР БШКнын мүчөлөрү төмөнкү маселелер боюнча маалымат беришти:
• жергиликтүү кеңештердин депутаттарын шайлоонун өзгөчөлүктөрү;
• ким жергиликтүү кеңештердин депутаты боло алат?
• жергиликтүү кеңештердин депутаттыгына талапкердин статусу;
• жергиликтүү кеңештердин депутаттыгына шайлоого катышууну каалаган талапкерлер – аялдар кандай аракеттерди жана кайсы мөөнөттөрдө көрүүгө тийиш;
• документтерди берүүнүн тартиби жана мөөнөттөрү жана д.у.с.
Семинарларда семинарлардын катышуучулары административдик-аймактык реформадан кийин шайлоо округдарын түзүүгө, шайлоо мыйзамдарындагы өзгөрүүлөргө, талапкердин статусундагы жаңычылдыктарга, аялдар квотасына жана башкаларга байланыштуу суроолорду беиршти.
Эртең 11-октябрда маалыматтык жолугушуулар өтөт:
- Жалал-Абад шаарында Базар-Коргон, Сузак жана Ноокен райондорунун катышуучулары үчүн;
- Кочкор айылында Кочкор жана Жумгал райондорунун катышуучулары үчүн;
- Талас шаарында Талас жана Бакай-Ата райондорунун катышуучулары үчүн;
- Кадамжай шаарында Кадамжай районунун, Кызыл-Кыя шаарынын катышуучулары үчүн.
Урматтуу аялдар! Кошулуңуздар жана сиздерди кызыктырган суроолорду бериңиздер! Сиздерге ыраазы болобуз!
Тренингдерге катышуунун бардык маселелери боюнча +996 507 892 689 номери боюнча кайрылууну өтүнөбүз.
Иш-чараларды өткөрүүнүн графиги боюнча мында тааныша аласыздар: шилтеме.
