Кыргыз Республикасынын Президентинин расмий сайтындагы маалыматка ылайык, 2024-жылдын 6-сентябрында “Кыргыз Республикасынын жергиликтүү кеңештерин таратуу жана Кыргыз Республикасынын жергиликтүү кеңештеринин депутаттарын шайлоону дайындоо жөнүндө” Кыргыз Республикасынын Президентинин Жарлыгы чыгарылды.
Жарлыкта расмий жарыяланган күндөн тартып он күн өткөндөн кийин анын күчүнө кирүүсү каралган.
Ошол эле учурда шайлоо аракеттеринин башталышы 2024-жылдын 17-сентябры болуп саналат.
Жарлыкка ылайык, Кыргыз Республикасынын Бишкек жана Ош шаарларынын, ошондой эле Баткен, Жалал-Абад, Ысык-Көл, Нарын, Ош, Талас жана Чүй облустарынын бардык (таратылууга жаткан жергиликтүү кеңештердин тизмеси) жергиликтүү кеңештери таркатылат.
Кеңештерди таркатуу кайра уюштурууга алып келүүчү тиешелүү аймактык бирдиктердин чек араларынын өзгөрүшүнө, ошондой эле Кыргыз Республикасынын айыл аймактарынын жана шаарларынын деңгээлинде администрациялык-аймактык түзүлүштүн жалпы түзүмүнүн өзгөрүшүнө байланыштуу каралат.
Жергиликтүү кеңештерге депутаттарды шайлоо 2024-жылдын 17-ноябрына дайындалган.
Жергиликтүү кеңештердин депутаттарын шайлоо дайындалган жергиликтүү кеңештердин тизмеси (Шайлоо дайындалган жергиликтүү кеңештердин тизмеси).
Жарлыкта белгиленгендей, Баткен жана Лейлек райондорунун, Баткен облусунун Баткен жана Сүлүктү шаарларынын жергиликтүү кеңештеринин депутаттарын шайлоо административдик-аймактык реформанын алкагындагы өзгөртүүлөрдү мыйзамдык жактан жөнгө салууну эске алуу менен өткөрүлөт.
Жарлыкта тѳмѳндѳгүлѳр каралган:
Кыргыз Республикасынын Шайлоо жана референдум өткөрүү боюнча борбордук комиссиясы:
- Кыргыз Республикасынын мыйзамдарына ылайык жергиликтүү өз алдынча башкаруунун жогоруда аталган өкүлчүлүктүү органдарына шайлоону уюштурсун;
- жергиликтүү кеңештердин депуттарын шайлоодо аралыктан добуш берүүнү колдонсун.
Кыргыз Республикасынын Министрлер Кабинети:
- Кыргыз Республикасынын Шайлоо жана референдум өткөрүү боюнча борбордук комиссиясынын чыгымдар сметасына ылайык шайлоону өткөрүү үчүн зарыл болгон финансылык каражаттарды бөлсүн;
- шайлоону даярдоо жана өткөрүү мезгилинде мыйзамдуулукту, жарандардын укуктарын жана эркиндиктерин камсыз кылуу, коомдук тартипти коргоо боюнча чараларды көрсүн;
– калктын бирдиктүү мамлекеттик реестринин маалыматтарынын негизинде шайлоочулардын так тизмесин түзүү үчүн аны тактоо боюнча чараларды көрсүн;
– Кыргыз Республикасынын Шайлоо жана референдум өткөрүү боюнча борбордук комиссиясынын чечимдерине ылайык шайлоочуларды идентификациялоо программаларын өркүндөтүү боюнча чараларды көрсүн;
- шайлоочуларды эсепке алуу системасын ѳркүндѳтүү боюнча чараларды кабыл алсын;
- маалыматтык системалардын киберкоопсуздугун камсыз кылууда Кыргыз Республикасынын Шайлоо жана референдум өткөрүү боюнча борбордук комиссиясынына көмөк көрсөтсүн.
– шайлоо процессинде колдонулуучу электрондук маалыматтык системалардын киберкоопсуздугун, ведомстволор аралык электрондук өз ара аракеттенүү системасы аркылуу маалымат алмашууну, ошондой эле маалыматтарды берүүнүн мыйзамда белгиленген процесстерин жүргүзүү үчүн үзгүлтүксүз жана коопсуз байланыш каналдарын камсыз кылууда Кыргыз Республикасынын Шайлоо жана референдум өткөрүү боюнча борбордук комиссиясына көмөк көрсөтсүн;
– добуш берүү жана шайлоочуларды идентификациялоо жабдууларын коопсуз сактоону камсыз кылуу боюнча чараларды кабыл алсын;
– Кыргыз Республикасынын жергиликтүү кеңештеринин депутаттарын шайлоону өткөрүүнү жөнгө салуучу мыйзамдардан келип чыгуучу башка чараларды белгиленген тартипте жүзөгө ашырууну камсыз кылсын.
Калкты каттоо, жер ресурстарын башкаруу чөйрөсүндөгү ыйгарым укуктуу мамлекеттик органдар, жергиликтүү өз алдынча башкаруу органдары шайлоо округдарынын схемаларын жана чек араларын түзүүдө зарыл чараларды кабыл алсын жана шайлоо комиссияларына көмөк көрсөтсүн.
6. Жергиликтүү мамлекеттик администрациялар жана жергиликтүү ѳз алдынча башкаруу органдары тийиштүү ыйгарым укуктуу органдарына жана шайлоо комиссияларына шайлоону даярдоодо жана өткөрүүдѳ уюштуруучулук жана материалдык-техникалык жактан камсыз кылуу маселелерин чечүүдө көмөк көрсөтсүн.
Жергиликтүү өз алдынча башкаруунун аткаруу органдарынын башчылары жогоруда аталган кеңештердин карамагындагы документтеринин, материалдарынын, ошондой эле материалдык-техникалык баалуулуктарынын сакталышын камсыз кылуу боюнча чараларды көрсүн.
Кыргыз Республикасынын Башкы прокуратурасы шайлоону даярдоодо жана өткөрүүдө Кыргыз Республикасынын Конституциясынын жана мыйзамдарынын сакталышын камсыз кылсын.
