2024-жылдын 10-июлунда Кыргыз Республикасынын Шайлоо жана референдум өткөрүү боюнча борбордук комиссиясы (мындан ары - КР БШК) жыл сайын өтүүчү «Аймактар форуму – 2024» ишине катышты. Быйылкы форум аймактардагы аялдардын лидерлиги темасына арналды.
Форумга Баткен, Ысык-Көл, Жалал-Абад, Нарын жана Ош облустарынан мамлекеттик органдардын жана жергиликтүү өз алдынча башкаруу органдарынын, жарандык коомдук уюмдарынын жана өнүктүрүү боюнча өнөктөштөрдүн 150дөн ашык өкүлдөрү катышты.
Аймактар форуму – бул ачык аянтча, өз ишиңдин жыйынтыгын чыгарчу жер. Аялдардын квотасы биринчи жолу колдонулган система боюнча шайланган жергиликтүү кеңештердин депутаттарынын ыйгарым укуктарынын биринчи мөөнөтү жакында аяктайт. Белгилей кетсек, депутат айымдар жергиликтүү бюджеттен социалдык көйгөйлөрдү чечүүгө каражат бөлүү, балдар үчүн аянтчаларды, бала бакчаларды ачууга көмөк көрсөтүү аркылуу өздөрүнүн жергиликтүү коомунун өнүгүшүнө, жергиликтүү аялдардын сергек жашоо образын бекемдөөгө жана башка көптөгөн нерселерге таасирин тийгизип, салым кошо аларын далилдеп, жыйынтык көрсөтө алышты.
Форумдун алкагында катышуучулар жергиликтүү кеңештердин депутаттарын шайлоо боюнча мыйзамдарга киргизилген жергиликтүү кеңештердин депутаттарынын ыйгарым укуктарынын мөөнөтүн 4 жылдан 5 жылга чейин көбөйтүү, шайлоо босогосун 7 пайыздан 5 пайызга чейин төмөндөтүү, айылдык кеңештерге талапкерлердин шайлоо күрөөсүн жоюу ж.б.соңку өзгөртүүлөр менен таанышты.
КР БШК 30% аялдар квотасын кабыл алууда жана ишке ашырууда мамлекет башчысынынжана Жогорку Кеңештин колдоосун жана жарандык коомдун ролун белгилеп, мамлекеттик органдарга жана жергиликтүү өз алдынча башкаруу органдарына, Өнүктүрүү саясатыинститутуна, Борбордук Азиянын Жергиликтүү өз алдынча башкаруу академиясына, Аялдарды колдоо борборуна, USAID жана өнүктүрүү боюнча башка өнөктөштөргѳ шайлоону даярдоодо жана өткөрүүдө кызматташуусу үчүн ыраазычылык билдирди.
Ар кайсы айыл аймактарынан келген лидер аялдар жергиликтүү кеңештин депутаттары жана жергиликтүү өз алдынча башкаруу органдарынын лидерлери катары өз тажрыйбалары менен бөлүштү. Алар үздѳрүнүн тажрыйбалары жана чечимдерди кабыл алуу процессине катышуусу жѳнүндѳ айтып беришти.
Ошондой эле форумда «Борбор Азиянын жергиликтүү өз алдынча башкаруу академиясы» институту тарабынан жыл сайын өткөрүлүүчү «Жергиликтүү кеңештердин депутаттары аракетте» сынагынын жеңүүчүлөрү сыйланды. КР БШК бул сынактын уюштуруучуларынын бири болуп саналат.
Сынактын тѳмѳндѳгү жеңүүчүлөрү Кыргыз Республикасынын Борбордук шайлоо комиссиясынын Ардак грамотасы менен сыйланышып, ыраазычылык жарыяланды:
Ормонова Авазкан Чынбердиевна, Жоош АК, Ош облусу, Кара-Суу району;
Жанболотова Гүлмайрам Карабаевна, Нариман АК, Ош облусу, Кара-Суу району;
Султанбаева Роза Низамидиновна, Катты-Талдык АК депутаты, Ош облусу, Кара-Суу району;
Чолпонкулова Гүлназ Жыналыевна, Бүргөндү-Достук АК депутаты, Жалал-Абад облусу, Ноокен району,;
Белекова Рана Мусаевна, Болот Мамбетов А.К., Ысык-Көл облусу, Тоң району;
Курманбаева Жумагул, Кочкор (Ормон-Хан) АК депутаты, Нарын облусу, Кочкор району;
Жумалиева Жазгүл Кеңешовна, Кара-Суу АК депутаты, Нарын облусу, Кочкор району;
Салимбекова Сапаргул Абдулатиповна, Жаңы-Жер АК депутаты, Баткен облусу, Лейлек району.
.
