Борбордук шайлоо комиссиясы 2024-жылдын 4-июлунда №36 Ысык-Кѳл бир мандаттуу шайлоо округу боюнча Кыргыз Республикасынын Жогорку Кеңешинин депутатын мөөнөтүнөн мурда шайлоонун жыйынтыгын аныктады.

Добуш берүүнү уюштуруу үчүн 61 шайлоо участогу түзүлгөн. Шайлоочулардын тизмесине 97 331 шайлоочу киргизилген.

№36 Ысык-Кѳл шайлоо округу боюнча Жогорку Кеңештин депутатын мөөнөтүнөн мурда шайлоого 14 талапкер катышты.

Мөөнөтүнөн мурда шайлоону даярдоонун жана өткөрүүнүн жүрүшүндө 9 арыз жана даттануулар түшкөн (Шайлоочулардын арыздарын жана даттанууларын кароо боюнча жумушчу топко – 5, ЫЧКТга -2, ОШКга - 2).

БШКда КР ИИМ ТКнын, Ысык-Кѳл облусунун ИИБнын. Ысык-Кѳл облусунун прокуратурасынын ѳкүлдѳрүнүн угулду. Укук коргоо органдарынын маалыматы боюнча, добуш берүүнүн жыйынтыктарына жана мөөнөтүнөн мурда шайлоонун натыйжаларына таасир этүүчү мыйзам бузуулар жана/же мындай бузууларга талапкерлердин катыштыгы бар экендиги боюнча каралбай калган материалдар жок.

Бардык келип түшкөн арыздар жана даттануулар каралып, Кыргыз Республикасынын мыйзамдарына ылайык чечимдер кабыл алынган.

Кабыл алынган чечимдер №36 Ысык-Кѳл бир мандаттуу шайлоо округу боюнча Кыргыз Республикасынын Жогорку Кеңешинин депутатын мөөнөтүнөн мурда шайлоону өткөрүүдөгү даттануулардын жана бузуулардын реестринде чагылдырылган. Даттануулар жана арыздар тууралуу маалыматты төмөнкү шилтемеден тапса болот: https://shailoo.gov.kg/ru/reestr-zhalob-i-narushenij-na-vyborah-dep-zhk-kr-30-iyunya-2024/

№36 Ысык-кѳл бир мандаттуу шайлоо округу боюнча Кыргыз Республикасынын Жогорку Кеңешинин депутатын мөөнөтүнөн мурда шайлоо боюнча добуш берүүнүн жыйынтыктары жөнүндө Ысык-Кѳл округдук шайлоо комиссиясынын 2024-жылдын 3-июлундагы протоколуна ылайык, 2024-жылдын 30-июнунда добуш берүүгө 21 807 шайлоочу катышып, бул округ боюнча шайлоочулардын тизмесине киргендердин 22,40%ын түздү.

Талапкерлер төмөнкүдөй добуштарды алышты:

1. Турсунакунов Сулайман Сагынбекович - 174 добуш (0,80%);

2. Искаков Эртай Дуйшобекович – 1 696 гдобуш (7,78%);

3. Момбеков Бактыбек Карыпович – 1 192 добуш (5,47%);

4. Мазымканов Атабек Дюшенович - 177 добуш (0,81%);

5. Сартманов Мухтар Аликович – 2 055 добуш (9,42%);

6. Есенгулов Руслан Урустанбекович – 2 692 добуш (12,34%);

7. Тукунов Аманат Шакирбекович – 881 добуш (4,04%);

8. Усенгазиев Темирболот Усенгазиевич – 2 659 добуш (12,19%;

9. Турусбеков Бактыбек Сагындыкович – 2 803 добуш (12,85%);

10. Тентимишев Султан Таалайбекович – 1 153 добуш (5,29%);

11. Мукамбетов Джакшылык Мамбетказиевич - 486 добуш (2,23%);

12. Асипов Самат Баялиевич – 998 добуш (4,58%);

13. Кадыров Кубанычбек Бекбосунович - 806 добуш (3,70%);

14. Тыналиев Айжигит Казакбаевич – 3 498 добуш (16,04%);

15. “Баарына каршы” позициясы үчүн 386 шайлоочу добуш берди (1,77%).

№36 Ысык-Кѳл бир мандаттуу шайлоо округу боюнча Кыргыз Республикасынын Жогорку Кеңешинин депутатын мөөнөтүнөн мурда шайлоо боюнча добуш берүүнүн жыйынтыктары жөнүндө Ысык-Кѳл округдук шайлоо комиссиясынын 2024-жылдын 3-июлундагы протоколунун негизинде, ошондой эле укук коргоо органдарынын маалыматтарын эске алуу менен , Борбордук шайлоо комиссиясы тѳмѳндѳгүдѳй чечим кабыл алды:

- №36 Ысык-Кѳл бир мандаттуу шайлоо округу боюнча Кыргыз Республикасынын Жогорку Кеңешинин депутатын мөөнөтүнөн мурда шайлоону болуп өттү деп таануу жөнүндө;

- Тыналиев Айжигит Казакбаевичти №36 Ысык-Кѳл бир мандаттуу шайлоо округу боюнча Кыргыз Республикасынын Жогорку Кеңешинин шайланган депутаты деп тааныды.