2024-жылдын 24-июнда, 2024-жылдын 30-июнуна дайындалган №5 Ноокат, №36 Ысык-Көл жана №29Свердлов бир мандаттуу шайлоо округдары боюнча Кыргыз Республикасынын Жогорку Кеңешинин депутаттарын мөөнөтүнөн мурда шайлоого бюллетендерин даярдоо иштери аяктады.
Ушул эле күнү даярдалган бюлеттендерди өткөрүп берүү иш-чарасы болуп өттү. Иш-чарага БШКнын тѳрагасынын орун басары Т.Шайназаров, «Учкун» ААКнын директорунун орун басары К.Бейшекеев, КР БШК мүчөлөрү жана, укук коргоо органдарынын кызматкерлери, ЖМК ѳкүлдѳрү ж.б катышты.
КР БШКнын башчысынын орун басары Т.Шайназаров ѳзүнүн сѳзүндѳ бюллетендерди сапаттуу жана ѳз учурунда даярдагандыгы үчүн «Учкун» ААКга ыраазычылык билдирди, мыйзамга ылайык добуш берүү күнүнѳ чейин 5 күн мурда басып чыгарылууга тийиш. Бюллетендер үч округдун шайлоо участкаларына жеткирилет.
«Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө» Кыргыз Республикасынын конституциялык мыйзамына ылайык, 311253 шайлоо бюллетени даярдалды. Кыргыз тилинде 218223, орус тилинде 93300 бюллетень, 175 бюллетень Брайль арибинде басылып чыкты. Алардын ичинде:
- Ноокат округу боюнча – 91105. Кыргыз тилинде 88547, орус тилинде 2558 бюллетень, 54 бюллетень Брайль арибинде;
- Свердлов округу боюнча – 123021. Кыргыз тилинде 61498, орус тилинде 61523, 60 бюллетень Брайль арибинде;
- Ысык-Көл округу боюнча – 97397. Кыргыз тилинде 61498, орус тилинде 29219 бюллетень, 61 бюллетень Брайль арибинде;
Шайлоо бюллетендери жалпыга маалымдоо каражаттарынын катышуусунда Кыргыз Республикасынын Шайлоо жана референдум өткөрүү боюнча борбордук комиссиясына өткөрүлүп берилди. Өз учурунда БШКнын өкүлдөрү акт боюнча бюллетендерди Ноокат, Свердлов жана Ысык-Көл округдук шайлоо комиссияларына тапшырды.
«Учкун» ААКда шайлоо бюллетендерин даярдоо процессине туруктуу (күнү-түнү) мониторинг БШКнын мүчөлөрү жана БШК аппаратынын кызматкерлери тарабынан жүргүзүлүп турду. «Учкун» ААКсынын басмаканасында жабдуулардын комплектиси орнотулуп, анда үч бир мандаттуу шайлоо округдары боюнча Жогорку Кеңештин депутаттарын мөөнөтүнөн мурда шайлоо үчүн басылган бюллетендер сыноодон өткөрүлдү. Коопсуздукту УКМК менен Ички иштер министрлигинин кызматкерлери камсыздашты.
Белгилей кетсек, шайлоо бюллетендери жогорку деңгээлде корголгон. Алардын сырты автоматтык эсептөөчү урналар (АЭУ) окуй алгыдай боёктор боелгон.
2024-жылдын 24-июнуна карата алынган алдын ала маалыматтарга ылайык, шайлоочулардын тизмесине киргизилгендер:
- Ноокат шайлоо округу боюнча 91020 шайлоочу;
- Свердлов шайлоо округу боюнча 122932 шайлоочу;
- Ысык-Көл шайлоо округу боюнча 97300 шайлоочу.
Ошондой эле, «Тизме» мамлекеттик порталында да шайлоочулар тууралуу тийиштүү маалыматтар жайгаштырылган. Ал аркылуу бардык каалочулар шайлоочулардын тизмелери жөнүндө керектүү маалыматты эркин жана тоскоолдуксуз ала алат.
