2024-жылдын 30-июнуна дайындалган Кыргыз Республикасынын Жогорку Кеңешинин депутаттарын мөөнөтүнөн мурда шайлоо боюнча №5 Ноокат шайлоо округу, №29 Свердлов шайлоо округу жана №36 Ысык-Көл шайлоо округу боюнча Жогорку Кеңештин депутаттыгына талапкерлерди каттоо аяктады.
Бүгүнкү күндө жалпысынан 29 талапкер, анын ичинде 2 аял каттоодон ѳтүп, шайлоого катышууда.
44 талапкер мөөнөтүнөн мурда шайлоого катышуу ниетин билдирип арыз беришкен, 12 талапкер шайлоого катышуудан баш тарткан жана үч талапкерди каттоодон баш тартылган, анын ичинен:
№ 5 Ноокат шайлоо округу:
Мөөнөтүнөн мурда шайлоого катышуу ниетин билдирип жалпысынан 12 талапкер арыз берген, 9 талапкер катталган, анын ичинен 1 аял талапкер, 3 талапкер шайлоого катышуудан баш тарткан.
№5 Ноокат шайлоо округу боюнча ЖК депутаттыгына катталган талапкерлердин тизмеси
№29 Свердлов шайлоо округу боюнча:
Жалпысынан 12 талапкер мөөнөтүнөн мурда шайлоого катышуу ниетин билдирип арыз беришкен, 5 талапкер, анын ичинен 1 аял талапкер катталган, 5 талапкер шайлоого катышуудан баш тарткан, эки талапкерди каттоодон баш тартылган.
№ 29 Свердлов округу боюнча ЖК депутаттыгына катталган талапкерлердин тизмеси
№ 36 Ысык-Көл шайлоо округу:
Жалпысынан 20 талапкер мөөнөтүнөн мурда шайлоого катышуу ниетин билдирип арыз беришкен, 15 талапкер катталган, 4 талапкер шайлоого катышуудан баш тартты, бир талапкерди каттоодон баш тартылган.
№ 36 Ысык-Көл шайлоо округу боюнча ЖК депутаттыгына катталган талапкерлердин тизмеси.
Жакынды эле Борбордук шайлоо комиссиясы талапкерлердин бюллетендеги иретин аныктоо, бекер эфир убактысын жана басма аянтын бөлүштүрүү боюнча чүчүкулак жана үч округ боюнча депутаттыкка талапкерлердин ортосунда Меморандумга кол коюу аземин өткөрдү.
БШК шайлоочуларга Жогорку Кеңештин депутаттыгына талапкерлер тууралуу маалымат менен “Талапкер” маалымат ресурсунан таанышууну сунуштайт.
Бул ресурстан шайлоочу ар бир талапкер тууралуу толук маалыматты, атап айтканда: талапкер тууралуу жалпы маалыматтарды, шайлоо программасы жана шайлоо фондунан түшкөн каражаттардын кыймылы тууралуу биле алат.
2024-жылдын 10-июнунун тартып эң активдүү этап – шайлоо өнөктүгү башталат, ал 2024-жылдын 29-июнунда саат 8.00дө аяктайт.
