Бүгүн, 2024-жылдын 7-июнунда Кыргыз Республикасынын Шайлоо жана референдум өткөрүү боюнча борбордук комиссиясы Ноокат жана Чолпон-Ата шаарларында 2024-жылдын 30-июнуна дайындалган

№5 Ноокат жана №36 Ысык-Көл шайлоо округдары боюнча Кыргыз Республикасынын Жогорку Кеңешинин депутаттыгына талапкерлер үчүн тренинг өткөрдү.

Тренингдерди Кыргыз Республикасынын Борбордук шайлоо комиссиясынын мүчөлөрү И.Т. Гаипкулов, У.К. Жылкыбаев, К.А. Маматов, ошондой эле аппараттын бөлүм башчылары өткөрүштү.

• максаты - талапкерлерге Кыргыз Республикасынын Жогорку Кеңешинин депутаттарын мөөнөтүнөн мурда шайлоону өткөрүүнүн өзгөчөлүктөрү, шайлоо алдындагы үгүт иштерин жүргүзүү эрежелери, юридикалык жоопкерчилик, шайлоо өнөктүгүн каржылоо, шайлоо процессиндеги ачык-айкындуулук жана ишенимдүүлүктү көзөмөлдөө ѳбѳлгѳлѳрү жѳнүндѳ маалымат берүү болуп саналат.

Катышуучуларга КР БШКнын расмий сайтындагы негизги маалыматтык ресурстар көрсөтүлүдү, аларды шайлоо ѳнѳктүгүн уюштуруу үчүн талапкерлер сыяктуу эле ишенимдүү так маалыматтарды алуу үчүн шайлоочулар да пайдалана алышат:

- шайлоо участкалары боюнча шайлоочулардын учурдагы тизмеси менен таанышууга мүмкүндүк берүүчү “Тизме” мамлекеттик порталы (https://tizme.gov.kg/);

- «Шайлоо участкалары жана округдары» геомаалымат системасы (https://gisuiktec.shailoo.gov.kg/Map);

- шайлоочулардын катышуусун жана АЭУнун жана кол менен эсептѳѳнүн маалыматтары боюнча добуш берүүнүн жыйынтыктары үчүн арналган маалыматтык шайлоо системасы (https://newess.shailoo.gov.kg/ru/home);

- шайлоолор жана референдумдар боюнча статистиканы ѳзүнѳ камтыган “КР БШКнын ачык маалыматтары” веб-ресурсу (https://shailoo.gov.kg/ru/otkrytye-dannye-cik/).

- атайын электрондук ресурс - Даттануулардын жана кайрылуулардын реестри, бул жерден шайлоо комиссияларына (КР БШКга, ОШКларга, УШКларга) берилген даттануулар жана арыздар, алар боюнча кабыл алынган чечимдер жана сот актылары менен таанышууга болот. (https://shailoo.gov.kg/kg /registry/).

- Талапкерлер, алардын программалары жана шайлоо фонддору жөнүндө маалыматты КР БШКнын ресурсу – “Талапкер” сайтынан (http://talapker.shailoo.gov.kg/) тапса болот.

Белгилей кетсек, колдонуудагы шайлоо мыйзамдары бардык талапкерлерге эркин атаандаштык үчүн бирдей шарттарды түзүп берет. Ошол эле учурда добуш берүүнүн жыйынтыктарын эсептөөнүн жана шайлоочулардын катышуусун эсепке алуунун ишенимдүүлүгү кепилденилет.

Ушуга байланыштуу КР БШК талапкерлерди колдонуудагы мыйзамдардын талаптарын, үгүт жүргүзүү эрежелерин сактоого чакыруу менен алардан шайлоо процессине жоопкерчиликтүү катышууну күтөт.

Шайлоону ѳткѳрүүдѳ мыйзамдуулукту жана шайлоо укуктарын ишке ашырууну камсыз кылуу максатында Кыргыз Республикасынын Борбордук шайлоо комиссиясынын жумушчу топтору бардык пайда болгон маселелер боюнча талапкерлерге жана алардын ыйгарым укуктуу өкүлдөрүнө тез арада консультацияларды берүүгө даяр.

Тренингдин жүрүшүндө талапкерлер кызыккан суроолоруна жооп алышты.

Шайлоо өнөктүгү 2024-жылдын 10-июнунда башталып, 2024-жылдын 29-июнунда саат 08:00гө чейин уланат. Теледебаттарды жана талапкерлердин жекече сүйлөгөн сөздөрүн Кыргыз Республикасынын Улуттук телерадиоберүү корпорациясы (КТРК) көрсөтөт.