2022-жылдын 2-августунда КР БШКга (мурда №21 Талас шайлоо округу боюнча Жогорку Кеңештин депутаттыгына талапкер) Эмил Абдыкадыровдун ишенимдүү өкүлү М.Т.Калмырзаевден арыз келип түшкөн.
Арыз ээси үстүбүздөгү жылдын 7-февралында Талас облусунун прокуратурасына кайрылып, жарандар М.К.Кулмырзаевди жана Н.А. Нурлановду шайлоочулардын добушун сатып алуу (Кыргыз Республикасынын КЖК кодексинин 196-беренесинин 1-бөлүгү) боюнча күнөөлүү деп тапкан соттун өкүмү бар экендиги тууралуу маалымат алганын билдирген.
Кыргыз Республикасынын Жогорку Сотунун 2023-жылдын 20-сентябрындагы чечими менен биринчи инстанциядагы соттун бул өкүмү күчүндө калтырылган.
Ушуга байланыштуу, Абдыкадыровдун өкүлү Э.М.Калмырзаев өз арызында КР БШКдан төмөндѳгүлѳрдү суранган:
1 Шайлоо мыйзамдарын одоно бузууга, тактап айтканда добуштарды сатып алууга жол бергендигине байланыштуу №21 Талас шайлоо округу боюнча талапкер Б. Чойбековго добуш берүүнүн жыйынтыктарын анык эмес деп таанылсын;
2. Борбордук шайлоо комиссиясынын 2021-жылдын 14-декабрындагы № 832 чечими талапкер Б.К. Чойбеков боюнча шайлоону болуп өттү деп таануу жана аны Кыргыз Республикасынын Жогорку Кеңешинин депутаттыгына шайлоо бөлүгүндө жокко чыгарылсын.
2024-жылдын 22-февралында БШК Э.М.Абдыкадыровдун арызын карап чыгып, арыз ээсинин талаптарын канааттандыруудан, анын ичинде добуш берүүнүн жыйынтыктары жана шайлоонун (2021-жылдын ноябрында өткөн) натыйжалары боюнча чечимдерге даттануунун мыйзамдуу мөөнөттөрү бузулгандыгына байланыштуу баш тарткан.
Борбордук шайлоо комиссиясынын чечими менен макул болбогон Э.М. Абдыкадыров Бишкек шаарынын административдик сотуна төмөнкү талаптар менен кайрылган:
1) КР БШКнын от 22.02.24-ж. чечимин күчүн жоготту деп таанылсын жана жокко чыгарылсын;
2) БШКнын 2021-жылдын 14-декабрындагы № 832 токтомун анык эмес деп табуу жана №21 Талас округу боюнча КР ЖК депутатын шайлоону болуп ѳттү жана Б.К. Чойбековду Кыргыз Республикасынын Жогорку Кеңешинин депутаты болуп шайланды деп таануу бѳлүгүндѳ аны жокко чыгаруу КР БШКга милдеттендирилсин.
Чечим 30 күндүн ичинде Бишкек шаардык сотуна апелляциялык тартипте даттанылышы мүмкүн.
БШК маалымат бѳлүмү
