2024-жылдын 22-февралында Ош облусунун Кара-Кулжа районунун жаңыдан түзүлгөн Кара-Кочкор  айыл аймагынын кеңешинин уюштуруу сессиясы болуп өттү.

Жалпы 17974 адам жашаган Кара-Кочкор  айыл аймагы Кара-Кочкор  жана Кашка-Жол айыл аймактарын бириктирүү менен түзүлгөн.

Кара-Кочкор айылдык кеңешинде биригүүнүн натыйжасында депутаттардын саны 42 депутатты түздү: Кара-Кочкор  кеңешинин 21 депутаты жана Кашка-Жол кеңешинин 21 депутаты.

Кара-Кочкор  айыл аймагынын кеңешинин сессиясын жашы боюнча эң улуу Токтосунов Амат Калмаматович

Кара-Кочкор жана Кашка-Жол айыл аймактарынын учурдагы төрагаларынын ичинен Бөрүбаев Сүймөнкул Эркинбаевич   жана Нажимидинов Мээримбек Байышовичтердин  ортосунда  шайлоо болуп өттү.

Сессияга бириккен Кара-Кочкор  айыл аймагынын  депутаттарынын  39  катышты.

Ачык добуш берүүнүн жыйынтыгы менен 22 добуш алып, Нажимидинов Мээримбек Байышович бириккен Кара-Кочкор  айылдык кеңешинин төрагасы болуп шайланды.

Маалымат үчүн:

2024-жылдын 20-22-февралында аймактарда жаңыдан уюшулган айыл аймактарынын кеңештеринин төрагаларын шайлоо боюнча уюштуруу сессиялары өтүүдө.

Жалпысынан 230 айыл аймагын бириктирүүнүн негизинде түзүлгөн бириктирилген 117 айыл аймактарынын кеңешинин төрагаларын шайлоо зарыл.

Шайлоолор Кыргыз Республикасынын Президентинин 2024-жылдын 7-февралындагы ПЖ №24 Жарлыгы менен бекитилген “Пилоттук режимде жүргүзүлүп жаткан административдик-аймактык реформанын алкагында жергиликтүү кеңештердин иши жөнүндө убактылуу жобо” негизинде өткөрүүлүүдө:

“Айыл аймактарын бириктиргенде, бириккен айыл аймагын түзгөн айыл аймактарынын кеңештеринин ыйгарым укуктары токтотулат.

Жаңыдан түзүлгөн айылдык аймактын кеңеши бирдиктүү айыл аймагын түзгөн айылдык кеңештердин укук улантуучусу болуп калат”.

“Жергиликтүү кеңештердин депутаттары тийиштүү жергиликтүү кеңештердин депутаттары болгон айыл аймагы же калктуу пункту кошулган же кошулган айылдык аймактын же шаардын кеңешинин курамында ишин улантат. Ошол эле учурда алардын ыйгарым укуктары ыйгарым укуктарынын мөөнөтү аяктаганга чейин же мыйзамдык жөнгө салууга чейин сакталат”.

КР БШК маалымат бөлүмү