2024-жылдын 21-февралында Жалал-Абад облусунун Чаткал районунун жаңыдан түзүлгөн айыл аймагынын кеңешинин  уюштуруу сессиясы болуп өттү.

Жалпы 12160 адам жашаган Терек-Сай айыл аймагы Терек-Сай жана Сумсар айыл аймактарын бириктирүү менен түзүлгөн.

Терек-Сай айылдык кеңешинде биригүүнүн натыйжасында депутаттардын саны 32 депутатты түздү: Терек-Сай кеңешинин 11 депутаты жана Сумсар кеңешинин 21 депутаты.

Терек-Сай айыл аймагынын кеңешинин сессиясын жашы боюнча эң улуу Батырканов Каим Сатыбалдиевич депутат ачып, төрагалык кылды.

Терек-Сай айыл аймагы жана Сумсар айыл аймактарынын учурдагы төрагаларынын ичинен Тойчуев Мелисбек Сыдыкбекович жана Эргешов Калыйнур Муратович ортосунда шайлоо болуп өттү.

Сессияга бириккен Терек-Сай айыл аймагынын 31 депутаттары катышты.

Ачык добуш берүүнүн жыйынтыгы менен 31 добуш алып, Эргешов Калыйнур Муратович бириккен Терек-Сай айылдык кеңешинин төрагасы болуп шайланды.

         Маалымат үчүн:

2024-жылдын 20-22-февралында аймактарда жаңыдан уюшулган айыл аймактарынын кеңештеринин төрагаларын шайлоо боюнча уюштуруу сессиялары өтүүдө.

Жалпысынан 230 айыл аймагын бириктирүүнүн негизинде түзүлгөн бириктирилген 117 айыл аймактарынын кеңешинин төрагаларын шайлоо зарыл.

Шайлоолор Кыргыз Республикасынын Президентинин 2024-жылдын 7-февралындагы ПЖ №24 Жарлыгы менен бекитилген “Пилоттук режимде жүргүзүлүп жаткан административдик-аймактык реформанын алкагында жергиликтүү кеңештердин иши жөнүндө убактылуу жобо” негизинде өткөрүүлүүдө:

“Айыл аймактарын бириктиргенде, бириккен айыл аймагын түзгөн айыл аймактарынын кеңештеринин ыйгарым укуктары токтотулат.

Жаңыдан түзүлгөн айылдык аймактын кеңеши бирдиктүү айыл аймагын түзгөн айылдык кеңештердин укук улантуучусу болуп калат”.

“Жергиликтүү кеңештердин депутаттары тийиштүү жергиликтүү кеңештердин депутаттары болгон айыл аймагы же калктуу пункту кошулган же кошулган айылдык аймактын же шаардын кеңешинин курамында ишин улантат. Ошол эле учурда алардын ыйгарым укуктары ыйгарым укуктарынын мөөнөтү аяктаганга чейин же мыйзамдык жөнгө салууга чейин сакталат”.

КР БШК маалымат бөлүмү