2024-жылдын 21-февралында Ысык-Кѳл облусунун Ысык-Кѳл районунун жаңыдан түзүлгөн Садыр-Аке айыл аймагынын кеңешинин уюштуруу сессиясы болуп өттү.
Жалпы 27209 адам жашаган Садыр-Аке айыл аймагы Кумбел, Темир, Садыр-Аке жана Семеновка айыл аймактарын бириктирүү менен түзүлгөн.
Садыр-Аке айылдык кеңешинде биригүүнүн натыйжасында депутаттардын саны 74 депутатты түздү: Кумбел 11 депутаты, Темир 21 депутаты, Садыр-Аке 21 депутаты жана Семеновка 21 депутаты.
Садыр-Аке айыл аймагынын кеңешинин сессиясын жашы боюнча эң улуу Абдиева Венера Асановна депутат ачып, төрагалык кылды.
Темир, Садыр-Аке жана Семеновка айыл аймактарынын учурдагы төрагаларынын ичинен Деркембаев Олжобек Жийдебаевич, Чичканбаев Болотбек Сабырбаевич жана Бараканова Айбукен Сатындиевна ортосунда шайлоо болуп өттү.
Ачык добуш берүүнүн жыйынтыгы менен 36 добуш алып, Бараканова Айбукен Сатындиевна бириккен Садыр-Аке айылдык кеңешинин төрагасы болуп шайланды.
Маалымат үчүн:
2024-жылдын 20-22-февралында аймактарда жаңыдан уюшулган айыл аймактарынын кеңештеринин төрагаларын шайлоо боюнча уюштуруу сессиялары өтүүдө.
Жалпысынан 230 айыл аймагын бириктирүүнүн негизинде түзүлгөн бириктирилген 117 айыл аймактарынын кеңешинин төрагаларын шайлоо зарыл.
Шайлоолор Кыргыз Республикасынын Президентинин 2024-жылдын 7-февралындагы ПЖ №24 Жарлыгы менен бекитилген “Пилоттук режимде жүргүзүлүп жаткан административдик-аймактык реформанын алкагында жергиликтүү кеңештердин иши жөнүндө убактылуу жобо” негизинде өткөрүүлүүдө:
“Айыл аймактарын бириктиргенде, бириккен айыл аймагын түзгөн айыл аймактарынын кеңештеринин ыйгарым укуктары токтотулат.
Жаңыдан түзүлгөн айылдык аймактын кеңеши бирдиктүү айыл аймагын түзгөн айылдык кеңештердин укук улантуучусу болуп калат”.
“Жергиликтүү кеңештердин депутаттары тийиштүү жергиликтүү кеңештердин депутаттары болгон айыл аймагы же калктуу пункту кошулган же кошулган айылдык аймактын же шаардын кеңешинин курамында ишин улантат. Ошол эле учурда алардын ыйгарым укуктары ыйгарым укуктарынын мөөнөтү аяктаганга чейин же мыйзамдык жөнгө салууга чейин сакталат”.
КР БШК маалымат бөлүмү
