Бүткүл дүйнөлүк шайлоо күнүн белгилөөнүн алкагында Кыргыз Республикасынын Борбордук шайлоо комиссиясынын мүчөсү У.Жылкыбаев Биринчи радионун эфиринде чыгып сүйлөп, шайлоо реформасын жүргүзүү мезгилиндеги жетишкендиктерге жана жарандардын шайлоо укуктарын жана тең, инклюзивдүү жана ачык шайлоолорду өткөрүүнү жүзѳгѳ ашырууну камсыз кылууга багытталган алдыдагы пландарга токтолду.
2023-жыл окуяларга бай болду, алардын ичинен төмөнкүлөгѳ белгилегибиз келет: жергиликтүү кеңештерге шайлоодо электрондук жана аралыктан добуш берүү пилоттук режимде апробацияланды, КМШнын 10 өлкөсүнүн, жакынкы жана алыскы чет өлкөлөрдүн, эл аралык уюмдардын өкүлдөрдүн катышуусунда биринчи Ысык-Көл шайлоо форуму өттү. аймактарда жарандык жана санариптик билим берүү борборлорунун тармагы кеңейтилди, ж.б.
Шайлоо мыйзамдарын, шайлоо технологияларын өркүндөтүү, жарандардын маалымдуулугун, укуктук жана шайлоо маданиятын жогорулатуу боюнча мындан аркы иштер жүргүзүлүүдө.
Биринчи радионун угармандары шайлоочулардын шайлооого келүүсү төмөн болуп жаткандыгы, алардын катышуусун активдештирүү боюнча кѳрүлүп жаткан чаралар жѳнүндѳ тынчсыздануусун билдирип, шайлоодо добуш бербегендер үчүн айып салуу боюнча мыйзам чыгаруу демилгеси жана талапкерлердин маалыматын текшерүүнүн жол-жоболору боюнча өз позицияларын билдиришти.
У.Жылкыбаев КР Борбордук шайлоо комиссиясы добуш берүү жана шайлоо биринчи кезекте укук, милдет эмес деген позицияны карманарын билдирди. Шайлоочулардын шайлоого катышуусун жогорулатуу маселелерин башка ѳбѳлгѳлѳрдү колдонуу менен чечүү керек. Маселен,бонустук сыйлоо механизмин иштеп чыгуу, жарандарды шайлоо жөнүндө кабардар кылуу жана маалымдоо боюнча чараларды күчөтүү жана жарандык билим берүүнү өнүктүрүү, жарандардын шайлоо укуктарын ишке ашыруу үчүн шарттарды түзүү.
Белгиленгендей, 2024-2027-жылдары БШК шайлоо мыйзамдарын өркүндөтүү, шайлоонун укуктук жана саясий маданиятын жогорулатуу боюнча иштерди андан ары улантууну, шайлоо процессинин инклюзивдүүлүгүн камсыздоо боюнча чараларды көрүүнү пландаштырууда.
Ушуга байланыштуу кезектеги шайлоо циклин даярдоо жана өткөрүү жана Кыргыз Республикасынын шайлоо системасын андан ары өркүндөтүү боюнча БШКнын башкаруу иштеринин стратегиялык багыттарын, максаттарын, милдеттерин жана натыйжалуулугунун көрсөткүчтөрүн аныктоо максатында 2024-2027-жылдарга БШКнын Стратегиялык планды бекитилдиии.
Учурда БШК ошондой эле “Кыргыз Республикасынын айыл аймактарынын жана шаарларынын деңгээлинде пилоттук режимде административдик-аймактык реформа жүргүзүү жөнүндө” Кыргыз Республикасынын Президентинин №370 Жарлыгынан келип чыккан административдик-аймактык реформага байланыштуу зарыл чараларды өз убагында жана сапаттуу кабыл алуу боюнча иштерди жүргүзүүдө.
