0 (770) 660240

Жарандык билим берүү борбору – «Мыкты STEM4ALL Өнѳк»

27 января 2024

27-январда “STEM4ALL Award 2024” сыйлыгын тапшыруу аземи болуп өттү, анда КР БШКнын Жарандык билим берүү жана шайлоо технологиялары борбору Кыргыз Республикасында STEM билим берүүнү өнүктүрүүгө жана алдыга жылдырууга кошкон салымы үчүн “Мыкты STEM4ALL өнөктөшү” номинациясын жеңип алды.

 

 

Иш-чарага КР Билим берүү жана илим министри Д.Ш. Кендирбаева, Бириккен Улуттар Уюмунун Өнүктүрүү программасынын (ПРООН) Кыргыз Республикасындагы Туруктуу өкүлү А.Соловьева, Япониянын Кыргыз Республикасындагы Атайын жана Ыйгарым укуктуу Элчиси Хидеки Года, «Р.Отунбаеванын демилгеси» КФнын аткаруучу директору Р.Кайыкова, STEM4ALL х Mentoring Her катышуучулары, STEM4ALL коомдоштугунун өнөктөштөрү, көз карандысыз эксперттер, академиялык коомчулуктун жана ЖМКнын өкүлдөрү катышты.

 

STEM - Science (илим), Technology (технология), Engineering (инженерия) жана Mathematics (математика) тармактарын бириктирген окууга жана өнүктүрүүгө болгон мамиле.

Окуучулардын STEM аркылуу алган жөндөмдөрү аларга ийгиликке негиз түзөт. STEM санариптик жана жашыл трансформация жаатындагы келечектеги кесиптерге мүмкүнчүлүк ачат.


 

 

  

 

STEM4ALL x Mentoring Her долбоору жана анын насаатчылык платформасы санариптик инновацияларды колдонуу менен тармактарды жана коомдоштукту түзүү аркылуу Кыргызстандагы кыздарды жана аялдарды STEM тармагында билимге жана ийгиликке умтулууга колдоо көрсөтүүгө жана аларга мүмкүнчүлүк берүүгө багытталган.

Иш-чара долбоордун ийгиликтүү аяктагандыгына арналып, жүзѳгѳ ашыруунун жыйынтыгы боюнча насаатчылык жана STEM4ALL коомчулугунун мыкты өнөктөштөрү программасынын байгелеринин жеңүүчүлөрү аныкталды.

 

Белгилей кетсек, 2023-жылдын сентябрь-декабрында Жарандык билим берүү борбору Technovumen KG жана IT-Run КФ менен биргеликте ишке ашырган «Акыл Айым» социалдык долбоору STEMдин эң мыкты тажрыйбасмынын бири катары белгиленди.

Долбоордун уникалдуулугу – ал Кыргыз Республикасынын алыскы аймактарынан келген кыздарды жана аялдарды компьютердик сабаттуулукка үйрөтүүгө багытталгандыгы болуп саналат. 500дөн ашык катышуучу 73 жарандык жана санариптик билим берүү борборлорунда акысыз окуудан өтө алышты. Эң ийгиликтүүлѳрү сертификат алышты.

STEM4ALL x Mentoring Her долбоорун Digital X долбоорунун алкагында Япония Өкмөтүнүн колдоосу менен БУУнун Кыргызстандагы Өнүктүрүү Программасы демилгелеген.

Насаатчылык программасы “Р.Отунбаеванын демилгеси” эл аралык коомдук фонду тарабынан кыздардын жана аялдардын илим, технология жана инновация тармагына катышуусун өнүктүрүү максатында ишке ашырылган.