2023-жылдын 8-октябры – Саруу айылдык кеңешинин депутаттарын шайлоо күнү

08 октября 2023

Бүгүн 8-октябрда Ысык-Кѳл облусундагы Жети-Өгүз районунун Саруу айылдык кеңешинин депутаттарын шайлоо башталды.

Эртең менен 8.00 саатта Саруу айыл аймагынын 4 шайлоо участкасы, Бишкек шаарындагы 1 аралыктан бобуш берүү участкасы ачылды.

Түзүлгѳн 3 округда 21 депутатты шайлоо алдыда турат, алардын ичинен аялдар үчүн 9 мандат резервге алынган, шайлоого катышуу үчүн 41 талапкер катталган.

Талапкерлер жѳнүндѳ маалымат менен шайлоочулар ѳздѳрүнүн шайлоо участкаларында таанышса болот, ал жерде маалымат плакаттары жайгашкан, ошондой эле «Талапкер» (https://talapker.shailoo.gov.kg/ru/kenesh_gor порталынан таанышса болот.

Пилоттук режимде аралыктан добуш берүү форамсында шайлоону ѳткѳрүү бул шайлоонун ѳзгѳчѳлүгү болуп саналат.

Жергиликтүү жамааттын мүчѳсү болуп саналган, шайлоо ѳтүп жаткан Саруу айылында туруктуу катталган, участкада шайлоо күнү добуш берүү мүмкүнчүлүгү жок, шайлоо күнү Бишкек шаарында жүрүшкѳн же Бишкек шаарында жашашкан шайлоочулар аралыктан добуш берүү формасынан пайдалана алышат.

Аралыктан добуш берүү үчүн Кыргыз Республикасынын Шайлоо жана референдум ѳткѳрүү боюнча борбордук комиссиясынын имаратында: Бишкек шаары, Пушкин кѳчѳсү, 50 дареги боюнча аралыктан добуш берүүчү шайлоо участкасы түзүлгѳн.

Саруу айылдык кеңешинин шайлоочуларынын жалпы саны 6062 адамды түзѳт, алардын ичинен 3128-эркек, 2934-аял же 51,59 % жана 48,39 % түзѳт.

Алардын ичинен Бишкек шаарында аралыктан добуш берүүнү каалагандар 110 шайлоочу болуп саналат.

Шайлоочулар Тизме» - https://tizme.gov.kg/ порталынан, же болбосо 1255 кыска номерине (акысыз), же болбосо паспорттогу жеке идентификациялык номерди – ПИН жана ѳзүнүн шайлоо участкасынын дарегин кѳрсѳтүү менен 119 кыска номерине СМС жѳнѳтүп тактап алса болот.

Аралыктан добуш берүүчү шайлоо участкасында шайлоочуларды идентификациялоо процессинин айкын болушу үчүн видеокѳзѳмѳл орнотулган.

Күн ичинде «dobush.shailoo.gov.kg сайтында добуш берүүнүн жүрүшүнѳ мониторингн жүргүзсѳ болот. Ошондой эле БШК коомдук байкоочуларды БШКнын имаратында электрондук добуш берүүгѳ мониторинг борборунда байкоо жүргүзүүгѳ чакырат.
Бардык суроолорду 1255 телефону боюнча тактаса болот.