Кыргыз Республикасынын Шайлоо жана референдум ѳткѳрүү боюнча борбордук комиссиясы 18-августа  2023-жылдын 10-сентябрына дайындалган №26 Ленин бир мандаттуу шайлоо округу боюнча Кыргыз Республикасынын Жогорку Кеңешинин депутатын кайра шайлоого катышкан талапкелер жана алардын ыйгарым укуктуу ѳкүлдѳрү үчүн  окуу ѳткѳрдү.  

Шайлоо алдындагы үгүт жүргүзүү эрежелери, шайлоо ѳнѳктүгүн каржылоо, шайлоо процессинин ачык-айкындыгынын жана аныктыгын кѳзѳмѳлдѳѳнүн ѳбѳлгѳлѳрү жѳнүндѳ Кыргыз Республикасынын Жогорку Кеңешинин депутаттыгына талапкерлерди маалымдоо окутуунун максаты болуп саналат.

Кыргыз Республикасынын     Шайлоо жана референдум ѳткѳрүү боюнча борбордук  комиссиясынын тѳрагасынын орун басары  Нурлан Койчукеев №26 Ленин бир мандаттуу шайлоо округу боюнча кайра шайлоого катышуу үчүн 34 талапкер арыздарын беришкенин, алардын 23 талапкери катталганын, 7 талапкерди каттоодон баш тартылганын, 2 талапкер ѳзүнүн арызын кайра чакыртып алганын жана 2 талапкердин документтери кароодо турганын жолугушуунун катышуучуларына маалымдады.

         «Колдонуудагы шайлоо мыйзамдары депутаттыкка бардык талапкерлерге эркин атаандашуу үчүн бирдей шарттарды түзѳт. Мында добуш берүүнүн жыйынтыгын эсептѳѳнүн аныктыгы жана шайлоочулардын катышуусун эсепке алуу кепилдендирилет. БШК депутаттыкка талапкерлерди колдонуудагы мыйзамдардын талаптарын, үгүт жүргүзүү эрежелерин сактоого чакырат жана силерден шайлоо процессине жоопкерчилик менен катышууну күтѳт.  Шайлоону мыйзамдуу ѳткѳрүү жана шайлоо укуктарын жүзѳгѳ ашырууну камсыз кылуу максатында Борбордук шайлоо комиссиясынын жумушчу топтору депутаттыкка талапкерлердин эжана алардын ыйгарым укуктуу ѳкүлдѳрүнүн  жаралган бардык маселелер боюнча ыкчам тартипте консультация берүүгѳ даяр», -деп белгнледи  Нурлан Койчукеев.

         Шайлоо алдындагы үгүт жүргүзүү 2023-жылдын 21-августунан башталып, 2023-жылдын 9-сентябрында 08.00 сааттта аяктай тургандыгын белгилейбиз. Депутаттыкка талапкерлердин теледебаттары жана жеке чыгып сүйлѳѳлѳрү Кыргыз Респрубликасынын телерадиоберүү корпорациясынын эфиринде ѳткѳрүлѳт.

         Кыргыз Республикасынын     Шайлоо жана референдум ѳткѳрүү боюнча борбордук  комиссиясынын кызматкерлери шайлоо процессинин ачык-айкындыгынын жана аныктыгынын технологиялары,  шайлоо алдындагы үгүт жүргүзүүнү ѳткѳрүү эрежелери, шайлоо комиссияларынын арыздарды жана даттанууларды кароо тартиби, юридикалык жоопкерчилик, ошондой эле шайлоо ѳнѳктүгүн каржылоонун эрежелери жѳнүндѳ маалымат беришти.

         Депутаттыкка талапкерлер жѳнүндѳ, анын программалары жана шайлоо фонддору  тууралуу БШКнын ресурсунан – «Талапкер» сайтынан (http://talapker.shailoo.gov.kg/) тапса боло тургандыгын белгилейбиз.

         Жолугушуунун катышуучуларына КР БШКнын расмий сайтында жайгаштырылган негизги маалыматтык ресурстар да кѳрсѳтүлдү, алар менен шайлоо ѳнѳктүгүн ѳткѳрүүдѳ депутаттыкка талапкер сыяктуу эле так маалымат алуу үчүн шайлоочулар да пайдаланса болот:

-   «Тизме» мамлекеттик порталы (https://tizme.gov.kg/), ал шайлоо участкалары боюнча шайлооочулардын актуалдуу тизмеси менен таанышуу мүмкүнчүлүгүн ачат,

- «Шайлоо участкалары жана округдары» геомаалыматтык система (https://gisuiktec.shailoo.gov.kg/Map),

- АЭУ жана кол менен эсептѳѳ маалыматтары боюнча шайлоочулардын катышуусу жана добуш берүүнүн жыйынтыктары боюнча маалыматтык шайлоо системасы (https://newess.shailoo.gov.kg/ru/home),

- шайлоолор жана референдумдар боюнча статистика кошулган «КР БШКнын ачык маалыматтары»  веб-ресурсу (https://shailoo.gov.kg/ru/otkrytye-dannye-cik/). 

         Ошондой эле КР БШКнын расмий сайтында атайын электрондук ресурс – даттануулардын жана кайрылуулардын реестери жайгашкан, бул жерден шайлоо комиссияларына (КР БШК, ОШК, УШК) берилген даттануулар жана арыздар менен, алар боюнча кабыл алынган чечимдер жана сот актылары менен таанышса болот.  (https://shailoo.gov.kg/kg/registry/)

         Жолугушуунун жүрүшүндѳ талапкерлер жана ыйгарым укуктуу ѳкүлдѳр ѳздѳрү кызыккан суроолор боюнча канаатандырарлык жоопторду алышты.

БШК: Талапкер (http://talapker.shailoo.gov.kg/)