Ленин бир мандаттуу шайлоо округу боюнча Кыргыз Республикасынын Жогорку Кеңешинин депутатын мөөнөтүнөн мурда шайлоо боюнча шайлоочулардын акыркы тизмеси  “Тизме” мамлекеттик порталында – https://tizme.gov.kg/  жана шайлоо тилкелерине илинди.

Шайлоочулардын саны 124 908, анын ичинен 54 678 эркектер жана 70 230 аялдар же тиешелүүлүгүнө жараша 43,77 пайызы эркектер  жана 56,23 пайызы аялдар.

Район боюнча добуш берүү үчүн 51 шайлоо тилкеси уюштурулган, алардын жайгашкан жери менен КР БШКсынын расмий сайтындагы (https://shailoo.gov.kg/ru/map/ ) шилтеме  аркылуу кирип же  1255 кыска номерине чалып маалымат алууга болот.

Эскерте кетсек, Кыргыз Республикасынын Жогорку Кеңешинин депутатын мөөнөтүнөн мурда шайлоо өнөктүгү 2023-жылдын 28-майына белгиленген.

КР БШК маалымат бөлүмү