Кыргыз Республикасынын Шайлоо жана референдум өткөрүү боюнча борбордук комиссиясы 2023-жылдын 6-майында № 26 Ленин бир мандаттуу шайлоо округу боюнча Кыргыз Республикасынын Жогорку Кеңешинин депутатын мөөнөтүнөн мурда шайлоого катышуучу депутаттыкка талапкерлер жана алардын өкүлдөрү үчүн окутуу өткөрдү.
Окутуу Кыргыз Республикасынын Жогорку Кеңешинин депутатын мөөнөтүнөн мурда шайлоонун өзгөчөлүктөрү, шайлоо алдындагы үгүт жүргүзүүнүн эрежелери, шайлоо өнөктүгүн каржылоо, шайлоо процессиндеги айкындуулуктун жана аныктыкты контролдоо каражаттары жөнүндө талапкерлерге жана алардын өкүлдөрүнө маалымат берүү үчүн уюштурулган.
КР БШКнын төрагасынын орун басары Н. Койчукеев талапкерлерди каттоо процесси аяктагандыгы жөнүндө талапкерлерге жана алардын өкүлдөрүнө маалымат берди. Ал, жалпысынан 49 талапкер көрсөтүлгөнүн, алардын ичинен 32 талапкер катталганын, 6 талапкерге баш тартылганын, 11 талапкер өз арыздарын чакырып алганын белгиледи. Ошондой эле шайлоо алдындагы үгүт 2023-жылдын 8-майынан башталып, 2023-жылдын 27-майында саат 8:00гө чейин аяктайт.
КР БШКнын кызматкерлери окутуунун катышуучуларына шайлоонун негизги өңүттөрү жөнүндө маалымат беришти.
Шайлоо процессин уюштуруу башкармалыгынын начальниги Т.Айтикеев Кыргыз Республикасынын Жогорку Кеңешинин депутатын мөөнөтүнөн мурда шайлоонун өзгөчөлүктөрү тууралуу айтып берди жана шайлоо комиссиялары тарабынан мөөнөтүнөн мурда шайлоодогу добуш берүүнүн жыйынтыктарын белгилөө тартибин түшүндүрдү.
Бөлүмдүн эксперти К. Абдилатов шайлоо өнөктүгүн уюштуруу үчүн талапкерлер колдоно ала турган КР БШКнын расмий сайтында жайгаштырылган төмөнкү негизги маалыматтык ресурстарды көрсөттү:
- талапкерлер, алардын программалары, шайлоо фонддору жөнүндө толук маалымат камтылган “Талапкер” сайты (http://talapker.shailoo.gov.kg/);
- шайлоо участоктору боюнча шайлоочулардын актуалдуу тизмеси менен таанышууга мүмкүндүк берген “Тизме” мамлекеттик порталы (https://tizme.gov.kg/);
- “Шайлоо участоктору жана округдар» геомаалымат тутуму (https://gisuiktec.shailoo.gov.kg/Map),
- АЭУ маалыматтары боюнча шайлоочулардын добуш берүүго келүүсүн жана добуш берүүнүн жыйынтыктарын жана добуш берүүнү кол менен эсептөөнүн жыйынтыктарын карап чыгууга арналган КРнын Маалыматтык шайлоо тутуму (https://newess.shailoo.gov.kg/ru/home),
- “КР БШКнын ачык маалыматтары» веб-ресурсу (https://shailoo.gov.kg/ru/otkrytye-dannye-cik/) шайлоо жана референдум боюнча статистиканы камтыйт.
Укуктук камсыздоо бөлүмүнүн башчысы М.Кутбердиева үгүт материалдарын чыгаруу, акысыз обо убактысын жана басма сөз аянтын берүү жол-жобосун, шайлоо комиссиялары тарабынан арыздарды, даттанууларды кароонун тартиби жана мөөнөттөрү, жасалган укук бузуулар үчүн шайлоо мыйзамдарында каралган укуктук жоопкерчилик жөнүндө түшүндүрүп берди.
Көзөмөлдөө-текшерүү тобунун жетекчиси И.Гайпкулов, топтун эксперти Н.Жумаева шайлоо өнөктүгүн каржылоо эрежелери, каражаттардын келип түшүүсүнүн жана чыгымдалышынын ачык-айкындыгы, финансылык отчеттуулукту берүүнүн тартиби жана талапкер тарабынан шайлоо фондунун акча каражаттарын түзүү жана чыгымдоо тартибин бузгандыгы үчүн жоопкерчилик тууралуу маалымат беришти.
КР БШК төрагасы Н.Шайлдабекова жана КР БШКнын катышып отурган мүчөлөрү талапкерлердин жана алардын өкүлдөрүнүн суроолоруна жооп берип, түшүндүрмөлөрдү беришти.
Н. Шайлдабекова талапкерлерге КР БШКнын жумушчу топтору жөнүндө маалымат берди, аларга катталган талапкерлер тигил же бул маселелер боюнча туруктуу режимде кайрыла алышат. БШКнын мүчөсү У.Жылкыбаев Шайлоочулардын арыздарын жана даттанууларын кароо, маалымдоо маселелери жана үгүт эрежелери боюнча Жумушчу топтун жетекчиси, И. Гайпкулов көзөмөлдөө-текшерүү тобунун жетекчиси, Т. Шайназаров КР БШКнын ыкчам чара көрүүнүн координациялык тобунун жетекчиси болуп эсептелет.
КР БШКнын расмий сайтында атайын электрондук ресурс – даттануулардын жана кайрылуулардын реестри жайгаштырылган, анда шайлоо комиссияларына (КР БШК, ОШК, УШК) берилген даттануулар жана арыздар, алар боюнча кабыл алынган чечимдер жана сот актылары менен таанышууга болот (https://shailoo.gov.kg/kg/registry/).
Ошондой эле КР БШК төрагасы депутаттыкка талапкерлерге улуттук телеканалда 2023-жылдын 22-майынан тартып 5 күнгө созулган дебаттарды өткөрүү жөнүндө маалымат берди.
Facebook Facebook жарнама боюнча социалдык тармактарда жарнама үчүн акы төлөө боюнча өз эрежелери бар, ал жарнама үчүн акы төлөй турган жак менен түзүлгөн келишимге ылайык жүргүзүлөт.
КР БШК төрагасы шайлоо комиссияларынын талапкерлер, алардын өкүлдөрү менен иштөөгө даярдыгы, мамлекеттин талапкерлер үчүн бардык зарыл шарттарды түзүүсү тууралуу айтты. Өз кезегинде талапкерлерди шайлоого катышуу эрежелерин сактоого жана адилеттүү жана мыйзамдуу шайлоо өткөрүүгө көмөктөшүүгө чакырды, ошондой эле талапкерлерге өнөктүктү ийгиликтүү өткөрүшүн каалады.
