КР БШК жарандардан жана саясий партиялардан аймактык шайлоо комиссияларынын резервине документтерди кабыл алуу жөнүндө жарыялайт

20 июня 2022

 

 

Кыргыз Республикасынын Шайлоо жана референдум өткөрүү боюнча борбордук комиссиясы жарандардан жана саясий партиялардан аймактык шайлоо комиссияларынын резервине документтерди кабыл алуу жөнүндө жарыялайт.

“Кыргыз Республикасынын шайлоо жана референдум өткөрүү боюнча шайлоо комиссиялары жөнүндө” Кыргыз Республикасынын Мыйзамынын 19-беренесинин 1-бөлүгүнө ылайык, аймактык шайлоо комиссиясы беш жылдык мөөнөткө саясый партиялардын өкүлдөрүнүн экиден биринин жана жергиликтүү өз алдынча башкаруунун өкүлчүлүктүү органдарынын өкүлдөрүнүн экиден биринин курамында түзүлөт.

Азыркы учурда резервдеринде саясий партиялардын өкүлдөрү болбогондугуна жана 9 аймактык шайлоо комиссиясынын резервинде жергиликтүү өз алдынча башкаруу органдарынын өкүлдөрү болбогондугуна байланыштуу 54 аймактык шайлоо комиссиясынын ичинен 52 аймактык шайлоо комиссиясынын (тизмеси тиркелет) резервин толуктоо зарылчылыгы келип чыкты.

Саясый партиялар жана жергиликтүү өз алдынча башкаруунун өкүлчүлүктүү органдары (шаардык жана айылдык кеңештер) шайлоо комиссияларынын курамына жана резервине талапкерлерди көрсөтүүчү субъектилер болуп саналат.

“Кыргыз Республикасынын шайлоо жана референдум өткөрүү боюнча шайлоо комиссиялары жөнүндө” Кыргыз Республикасынын Мыйзамынын 22-беренесинин 1-бөлүгүнө ылайык, төмөнкүлөр шайлоо комиссиясынын мүчөсү боло албай тургандыгын белгилей кетүү керек:

- Жогорку Кеңештин депутаты, жергиликтүү кеңештин депутаты;

- мамлекеттик органдардын жана жергиликтүү өз алдынча башкаруу органдарынын кызмат адамдары;

- судья, укук коргоо жана фискалдык органдын кызматкери, аскер кызматчысы;

- талапкер, талапкердин жана саясый партиянын өкүлү;

- башка мамлекеттин жарандыгы бар адам;

- мыйзамда белгиленген тартипте, соттуулугу алып салынбаган же жоюлбаган адам;

- башка шайлоо комиссиясынын мүчөсү;

- терс негиздер боюнча шайлоо комиссиянын мүчөсүнүн милдеттеринен мөөнөтүнөн мурда бошотулган адам.

Шайлоо комиссияларынын резервине саясий партиялардан талапкерлерди сунуштоо алардын уставдарына ылайык жүргүзүлөт. Саясый партиялар аймактык шайлоо комиссияларынын резервине талапкерлердин документтерин Кыргыз Республикасынын Шайлоо жана референдум өткөрүү боюнча борбордук комиссиясына (мындан ары – КР БШК) 2022-жылдын 1-августунун саат 18-00үнө чейин тапшыруулары зарыл.

Жарандар, коомдук бирикмелер 2022-жылдын 1-августунун саат 18-00үнө чейин тиешелүү жергиликтүү кеңешке (шаардык, айылдык) документтерин тапшыруулары зарыл. Шайлоо комиссияларынын резервине талапкерлерди сунуштоо боюнча жергиликтүү кеңештин сессиясы шайлоо комиссияларынын резервине талапкерлерди көрсөткөн мөөнөт аяктагандан кийин үч күндөн кечиктирилбестен өткөрүлөт. Сессиянын чечими бардык талапкерлердин документтери менен бирге КР БШКга токтоосуз өткөрүлүр берилет.

Аймактык шайлоо комиссияларынын резервине берилүүчү документтердин тизмеги:

- аймактык шайлоо комиссиясынын курамында иштөөгө макулдугу жөнүндө арыз жана Кыргыз Республикасынын шайлоо мыйзамдарынын ченемдерин сактоо тууралу милдеттенме;

- паспорттун көчүрмөсү;

- иштеген жери, окуусу, билими көрсөтүлгөн биографиялык маалыматтар (кадрларды каттоо боюнча өздүк баракча же резюме);

- байланыш маалыматтар: жашаган жеринин дареги, телефон номурлары (үйдүкү, электрондук почтасы);

- көрсөткөн субъектинин протоколу.

Көрсөтүүчү субъектилер шайлоо комиссиясынын мүчөлүгүнө талапкерлерди көрсөтүү учурунда шайлоо комиссиясынын мүчөлүгүнө талапкер, эреже катары, тиешелүү калктуу пункттун аймагында жашоого тийиш экенин эске алуулары зарыл.

Аймактык шайлоо комиссияларынын курамыжана резерви тууралуу маалыматтар, КР БШКнын “Шайлоо комиссияларын түзүү, таркатуу жана шайлоо комиссияларынын резервин түзүү, жүргүзүү тартиби жөнүндө” Жобо менен КР БШКнын www.shailoo.gov.kg сайтынан таанышууга болот.

Зарыл документтердин үлгүлөрү: арыз, саясий партиянын протоколу, жарандардын чогулушунун протокол

Маалымат алуу үчүн телефон: (0312) 66-01-16

Эскертүү: “Кыргыз Республикасынын шайлоо жана референдум өткөрүү боюнча шайлоо комиссиялары жөнүндө” Кыргыз Республикасынын Мыйзамынын 19-беренесинин 2-пунктуна ылайык, аймактык шайлоо комиссиясынын курамында ар бир саясый партиядан бирден ашык эмес өкүл болушу мүмкүн б.а. тиешелүү АШКнын курамында турган саясый партиялар (КР БШКнын расмий сайтынан караңыз) ал АШКнын резервине документтерди тапшырбайт.

 

Тиркеме

 

Саясий партиялардан резервге

 

Ош АШК (шаардык)

 

Баткен облусу

1.Баткен шаардык АШК

2.Баткен АШК

3.Сүлүкта АШК

4.Кызыл-Кыя АШК

5.Кадамжай АШК

6.Лейлек АШК

 

Жалал-Абад облусу

1.Жалал-Абад АШК

2.Майлуу-Суу АШК

3.Тогуз-Торо АШК

4.Кара-Көл АШК

5.Токтогул АШК

6.Аксы АШК

7.Базар-Коргон АШК

8.Ала-Бука АШК

9.Ноокен АШК

10.Чаткал АШК

11.Сузак АШК

12.Таш-Көмүр АШК

 

Ысык-Көл облусу

1.Балыкчы АШК

2.Жети-Өгүз АШК

3.Ысык-Көл АШК

4.Каракол АШК

5.Түп АШК

6.Ак-Суу АШК

7.Тоң АШК

 

Нарын облусу

1.Нарын шаардык АШК

2.Нарын АШК

3.Жумгал АШК

4.Кочкор АШК

5.Ат-Башы АШК

6.Ак-Талаа АШК

 

 

 

 

Ош облусу

1.Алай АШК

2.Араван АШК

3.Кара-Кулжа АШК

4.Кара-Суу АШК

5.Ноокат АШК

6.Өзгөн АШК

7.Чоң-Алай АШК

 

Талас облусу

1.Талас шаардык АШК

2.Талас АШК

3.Бакай-Ата АШК

4.Кара-Буура АШК

5.Манас АШК

 

Чүй облусу

1.Кемин АШК

2.Токмок АШК

3.Чүй АШК

4.Ысык-Ата АШК

5.Аламүдүн АШК

6.Жайыл АШК

7.Москва АШК

8.Панфилов АШК

 

Жергиликтүү өз алдынча башкаруунун өкүлчүлүктүү органдарынан резервге:

 

Баткен облусу

1.Кадамжай АШК

 

Жалал-Абад облусу

1. Майлуу-Суу АШК

2. Ноокен АШК

3. Чаткал АШК

4. Сузак АШК

 

Нарын облусу

1.Ат-Башы АШК

 

Талас облусу

1.Талас райондук АШК

 

Чүй облусу

1.Москва АШК

2.Панфилов АШК