Башкы Жаңылыктар КР БШК КТТ билдирет: Талапкерлердин шайлоо күрөөлөрүнөн түшкөн …

КР БШК КТТ билдирет: Талапкерлердин шайлоо күрөөлөрүнөн түшкөн 5,6 млн. сомдун 4,2 млн. сомун БШК республикалык бюджеттин кирешесине чегерет

01-Апр, 2022

БШКнын Көзөмөлдөө-текшерүү тобу 2022-жылдын 27-февралына дайындалган Биринчи май жана Свердлов бир мандаттуу шайлоо округдары боюнча кайра шайлоону өткөрүүнүн жыйынтыктары боюнча талапкерлердин шайлоо күрөөлөрүнөн БШКнын депозит эсебине түшкөн сумма, талапкерлерге кайтарылууга тийиш болгон шайлоо күрөөлөрүнүн суммасы жана республикалык бюджеттин кирешесине чегерилүүгө тийиш болгон калган сумма жөнүндө маалымат берет.

Шайлоо өнөктүгү мезгилинде талапкерден БШКнын депозит эсебине түшкөн шайлоо күрөөсүнүн жалпы суммасы 5 600 000 сомду (56 талапкердин ар биринен 100 000 сомдон) түздү.

1. Шайлоо күрөөсүн төккөн 56 талапкердин ичинен БШК бир талапкерди каттоодон баш тартты, төрт талапкер шайлоо бюллетенинин тексти жана формасы бекитилгенге чейин берген арыздарына ылайык шайлоого андан ары катышуудан баш тартты. Мыйзам ченемдерине ылайык бул беш талапкерге кайтарылып берилген шайлоо күрөөсүнүн суммасы 500 000 сомду түздү. Андан тышкары, бир талапкер шайлоо бюллетенинин тексти жана формасы бекитилгенден кийин шайлоого андан ары катышуудан баш тартты жана шайлоо процессинин эрежелерин бузгандыгы үчүн БШК бир талапкерди каттоону жокко чыгарды. Бул учурда ал төккөн 200 000 сом суммасындагы шайлоо күрөөсү республикалык бюджетке чегерилүүгө тийиш.

2. Добуш берүүнүн жыйынтыгы боюнча 900 000 сом суммасындагы шайлоо күрөөсү шайлоочулардын 5 пайыздан кем эмес добушун алган жана өз фондусунун каражаттарынын өлчөмү жана ага түшкөн каражаттардын бардык булактары, ошондой эле бардык чыгымдар тууралуу жыйынтык каржы отчётун тапшырган төмөнкү он талапкерге кайтарылып берилет:

№

Талапкердин Ф.А.А.

Шайлоочулардын добуштарынын %ы

Шайлоо күрөөсүнүн суммасы, сом

 

№ 27 Биринчи май шайлоо округу

 

 

1

Тотонов Нурбек Темирбекович

18,43%

100 000

2

Сурабалдиева Эльвира Жыргалбековна

47,97%

100 000

3

Токтакунов Нурбек Акбарович

5,55%

100 000

 

№ 29 Свердлов шайлоо округу

 

 

4

Хакимходжаев Зуфар Шавкатович

7,96%

100 000

5

Атазов Шайлообек Карыбекович

18,10%

100 000

6

Алканова Элнура Сайдиракмановна

10,18%

100 000

7

Алмаз уулу Аскар

14,06%

100 000

8

Карамушкина Ирина Юрьевна

10,23%

100 000

9

Салянова Аида Женишбековна

5,71%

100 000

       

 

БАРДЫГЫ

 

900 000

 

Ошентип, шайлоо күрөөлөрүнөн БШКнын депозит эсебине түшкөн 5 600 000 сомдун ичинен:

- талапкерлерге кайтарып берүү үчүн шайлоо күрөөлөрүнүн жалпы суммасы 1 500 000 сомду түзөт (1 000 000 сом – добуш берүүнүн жыйынтыгы боюнча, 500 000 сом – шайлоо бюллетенинин тексти жана формасы бекитилгенге чейин шайлоого катышуудан баш тарткандарга),

- республикалык бюджеттин кирешесине чегерүү үчүн жалпы суммасы 4 200 000 сомду түзөт (анын ичинде 200 000 сом суммасы шайлоо бюллетенинин тексти жана формасы бекитилгенден кийин шайлоого андан ары катышуудан баш тарткан талапкердики жана шайлоо процессинин эрежелерин бузган талапкердики).

Маалымат үчүн: “Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө” Кыргыз Республикасынын конституциялык Мыйзамынын 41-беренесинин 16 жана 16-1-бөлүктөрүнө ылайык: шайлоо күрөөсү Жогорку Кеңештин депутаттыгына талапкерлерге “төмөнкүдөй учурларда кайтарып берилет:

1) бир мандаттуу шайлоо округу боюнча добуш берүүгө катышкан шайлоочулардын 5 пайызообан кем эмес добушун алгандарга, алар шайлоодон кийин 10 календардык күндөн кечиктирбестен Борбордук шайлоо комиссиясына өз фондунун өлчөмү жана аны түзгөн бардык булактар, ошондой эле бардык жүргүзүлгөн чыгымдар жөнүндө отчет бергенден кийин;

2) эгерде Борбордук шайлоо комисиясы тарабынан Жогорку Кеңештин депутаттыгына талапкерлердин тизмесин каттоодон баш тартуу жөнүндө чечим кабыл алынса;

3) шайлоо бюлеттенинин тексти жана формасы бекитилгенге чейин шайлоого андан ары катышуудан баш тарткандарга;

4) шайлоо жараксыз деп таанылган учурда;

4) эгерде ушул бөлүктүн 1-пунктунда көрсөтүлгөн отчет Борбордук шайлоо комиссиясына берилгенден кийин шайлоо өткөн жок же жараксыз деп таанылса.

Күрөөнүн калган суммасы бюджетке кошулууга тийиш”.

Мыйзамдарды бузуунун натыйжасында добуш берген күнүнө чейин талапкерди, саясий партиянын талапкерлеринин тизмесин каттоону жокко чыгарган учурда, ошондой эле ушул конституциялык Мыйзамдын 37-беренесинин 41-бөлүгүндө каралган учурда талапкер, саясий партия тарабынан коюлган шайлоо күрөөсү кайтарылып берилбейт жана бюджетке чегерилет.

 

КР БШКнын Көзөмөлдөө-текшерүү тобу

Башка жаңылыктар

Бардык жаңылыктар
Кыргыз Республикасынын Президенти кызматына талапкерлерди көрсөтүү мөөнөтү аяктады
13-Ноя, 2026

Кыргыз Республикасынын Президенти кызматына талапкерлерди көрсөтүү мөөнөтү аяктады

Бүгүн, 13-ноябрда, Кыргыз Республикасынын Президенти кызматына талапкерлерди көрсөтүү үчүн белгиленген мөөнөт аяктады. Алдын ала жыйынтыктар боюнча, президенттик шайлоого катышууга 11 адам талапкерлигин койду.Учурда талапкерлерди колдоо максатында шайлоочулардын электрондук кол тамгаларын чогултуу уланууда. Бул этап 2026-жылдын 8-декабрына чейин созулат. Мыйзамдарга ылайык, каттоодон өтүү үчүн ар бир талапкер кеминде 30 миң шайлоочунун кол тамгасын чогултууга тийиш.Каттоодон өтүү үчүн зарыл болгон документтерди кабыл алуу 2026-жылдын 13-декабрына чейин уланат. Талапкерлер жана алардын ыйгарым укуктуу өкүлдөрү жетишпеген документтерди белгиленген тартипте тапшыра алышат.Кыргыз Республикасынын Президенттигине талапкерлерди каттоо 2026-жылдын 23-декабрына чейин жүргүзүлөт.Эскерте кетсек, Кыргыз Республикасынын Президентин шайлоо 2027-жылдын 27-январына белгиленген. 
Кененирээк билүү >>
КР БШКсы Президенттин кызмат ордуна талапкерлердин ыйгарым укуктуу өкүлдөрүн каттады
12-Ноя, 2026

КР БШКсы Президенттин кызмат ордуна талапкерлердин ыйгарым укуктуу өкүлдөрүн каттады

Кыргыз Республикасынын Шайлоо жана референдум өткөрүү боюнча борбордук комиссиясы бүгүн, 12-ноябрдагы жыйынында Кыргыз Республикасынын Президентинин кызмат ордуна талапкерлер Адылов Бакытбек Адыловичтин жана Сооронкулова Клара Сыргакбековнанын ыйгарым укуктуу өкүлдөрүн каттады.Адылов Бакытбек Адыловичтин шайлоо маселелери боюнча ыйгарым укуктуу өкүлү - Исматуллаев Эркин Эргашходжаевич.Сооронкулова Клара Сыргакбековнанын шайлоо маселелери боюнча ыйгарым укуктуу өкүлү - Джурабаева Гульнар Курашбековна, каржы маселелери боюнча ыйгарым укуктуу өкүлү - Суранова Перизаткан Юлдашалиевна.Талапкерлердин ыйгарым укуктуу өкүлдөрүнө белгиленген үлгүдөгү каттоо күбөлүктөрү берилет.
Кененирээк билүү >>
КР БШКсы жергиликтүү кеңештердин бир катар депутаттарынын ыйгарым укуктарын мөөнөтүнөн мурда токтотту
12-Ноя, 2026

КР БШКсы жергиликтүү кеңештердин бир катар депутаттарынын ыйгарым укуктарын мөөнөтүнөн мурда токтотту

Бүгүн, 12-ноябрда Кыргыз Республикасынын Шайлоо жана референдум өткөрүү боюнча борбордук комиссиясы өз жыйынында Чүй, Базар-Коргон, Ала-Бука жана Нарын аймактык шайлоо комиссияларынын жергиликтүү кеңештеринин депутаттарынын ыйгарым укуктарын мөөнөтүнөн мурда токтотуу, катталган талапкерлерди депутаттыкка талапкерлердин тизмесинен чыгаруу жана бош калган мандаттарды кийинки талапкерлерге өткөрүп берүү жөнүндө чечимдерин бекитти.• Чүй районунун Бурана айылдык кеңешинин депутаты Сейдекматова Айнура Орозобековнанын ыйгарым укуктары берген арызынын негизинде мөөнөтүнөн мурда токтотулуп, бош калган мандат шайлоочулардын добуштарынын көбүн алып шайланган кийинки талапкер Отунчиева Нурбюбю Абдрахмановнага өткөрүлүп берилди;   • Базар-Коргон шаардык кеңешинин депутаттары Мамануров Хасанбай Мамажанович, Юсупов Зайнобидин Абдумухтарович жана Масиров Тилек Алибаевичтин (“Жаңы Кыргызстан” депутаттык фракциясынан) ыйгарым укуктары берген арыздарынын негизинде мөөнөтүнөн мурда токтотулуп, бош калган мандаттар шайлоочулардын добуштарынын көбүн алып шайланган кийинки талапкерлер Абдуллаев Ахмаджан Закиржанович, Собиржонов Бунёдбек Сотболдиевич жана  Шеркулов Исламбек Батырбековичке (“Жаңы Кыргызстан” саясий партиясынан) өткөрүлүп берилди;• Ала-Бука районунун Ала-Бука айылдык кеңешинин депутаты Кулбаева Зулайка Эшматовнанын ыйгарым укуктары берген арызынын негизинде мөөнөтүнөн мурда токтотулуп, бош калган мандат шайлоочулардын добуштарынын көбүн алып шайланган кийинки талапкер Ботобекова Гулина Рысбековнага өткөрүлүп берилди;   •Нарын районунун Миң-Булак айылдык кеңешинин депутаттары Мукамбетов Ишенбек Кадыракунович жана Муратбек уулу Жээнбектин ыйгарым укуктары берген арыздарынын негизинде мөөнөтүнөн мурда токтотулуп, бош калган мандаттар шайлоочулардын добуштарынын көбүн алып шайланган кийинки талапкерлер Ыманакунов Атабек Турдакуновичке жана Талантбек уулу Арсенге өткөрүлүп берилди.
Кененирээк билүү >>
Бишкек аймактык шайлоо комиссиясынын курамына өзгөртүүлөр киргизилди
12-Ноя, 2026

Бишкек аймактык шайлоо комиссиясынын курамына өзгөртүүлөр киргизилди

Кыргыз Республикасынын Шайлоо жана референдум өткөрүү боюнча борбордук комиссиясы бүгүн, 12-ноябрда “Бишкек аймактык шайлоо комиссиясынын курамына өзгөртүүлөрдү киргизүү” жөнүндө токтом кабыл алды.Бишкек аймактык шайлоо комиссиясынын курамынан берген арызына ылайык Орозалиев Кылыч Жанарбекович (жергиликтүү өз алдынча башкаруунун өкүлчүлүктүү органынан) чыгарылып, комиссиянын курамына резервден Джумагулов Каныбек Калыбекович, Зарнаева Назгуль Жакшылыковна (жергиликтүү өз алдынча башкаруунун өкүлчүлүктүү органынан) киргизилди.
Кененирээк билүү >>