Кыргыз Республикасынын Жогорку Кеӊешинин депутаттарын шайлоого даярдык көрүү жана өткөрүү процессинин мониторингинин жыйынтыгы боюнча ИКУ байкоочулар миссиясынын билдирүүсү
Ислам кызматташтыгы Уюмунун эл аралык байкоочулар делегациясынын жетекчиси, элчи А.Боубакар КР тийиштүү мамлекеттик органдарына, ошондой эле КР БШК төрагасы Н.Шайлдабековага эл аралык байкоочу катары парламенттик шайлоого катышууга чакыргандыгы үчүн ыраазычылыгын билдирди.
Ал Кыргызстан ИКУнун маанилүү мүчөсү катары каралаарын, жана ушуга байланыштуу 4 адамдан турган байкоочулар миссиясын жиберүү чечими ардактуу милдет болуп эсептелерин белгилеп кетти.
Жалпысынан, Жогорку Кеӊештин депутаттарын шайлоого жүргүзүлгөн мониторингдин жыйынтыгын мүнөздөө менен, А.Боубакар шайлоо бийик деӊгээлде уюштурулуп, ачык-айрым жана таза өттү деп айтып кетти. Ошону менен бирге эле ал Кыргызстан шайлоо процессин уюштуруу жана техникалык камсыздоо жаатында башка мусулман өлкөлөрүнө үлгө боло алат деп баса белгиледи.
А.Боубакар КР укук коргоо органдары тарабынан шайлоо процессинин коопсуздугуна жана жүрүшүнө өзгөчө көӊүл бурулгандыгын белгилеп кетти. Мында өтө одоно мыйзам бузуулар байкалган эмес. Ошондой эле абдан көп эл аралык байкоочулардын катышуусунун бийик деӊгээли байкалган.
Миссиянын башчысы Кыргызстанга келүүсүндө өзүнүн оӊ таасирлери тууралуу билдирди, өзгөчө, башка мамлекеттерге салыштырмалуу, Кыргызстанөлкөдөгү демократиялык процесстердин жогорку деӊгээлдеги өсүшүн жана динамикасын белгилеп кетти.
Жыйынтыгында А.Боубакар Кыргызстанды парламенттик шайлоолордун аякташы менен куттуктап, аталган багыттан жаӊылбай, өлкөнү өсүп-өнүгүүсүнө алып баруусун каалап кетти.
Аталган шайлоонун өзгөчөлүктөрү тууралуу пресс-конференциянын жыйынтыгы боюнча журналисттин суроосуна жооп берип жатып, А.Боубакар шайлоо мыйзамдарына жаӊылыктарды киргизүү шайлоочулардын кеӊири чөйрөсүнө таза шайлоону өткөрүүгө мүмкүндүк берүү менен элге өз тандоосун жасоого шарт түздү, бул Кыргызстанда демократиялык институтту өнүктүрүүнүн фактору болуп эсептелет. Ошондой эле, шайлоо тынч, эч кандай одоно мыйзам бузууларсыз өттү деп белгилеп кетти.
