КР БШК КР ЖК депутаттарын шайлоого даярдалган шайлоо бюллетендерин аймактарга жана чет өлкөдөгү участокторго жөнөттү

2021-жылдын 21-ноябрында «Учкун» ААКтын имаратында даярдалган бир мандаттуу шайлоо округу боюнча депутаттарды шайлоону өткөрүү үчүн шайлоо бюллетендерин, бирдиктүү шайлоо округу боюнча Кыргыз Республикасынын Жогорку Кеӊешинин депутаттарын шайлоону өткөрүү үчүн бюллетендерди, жергиликтүү кеӊештердин депутаттарын шайлоону өткөрүү үчүн бюллетендерди кабыл алуу-өткөрүү актысына кол коюлду. 

Даярдалган бюллетендер Жалал-Абад, Ош, Баткен, Нарын, Ысык-Көл, Талас жана Чүй облустарынын, Бишкек жана Ош шаарларынын округдук шайлоо комиссияларына, ошондой эле чет өлкөдөгү участкаларга жөнөтүлдү.   

Даярдалган бюллетендерди кабыл алуу-өткөрүү актысына кол коюу маалында Борбордук шайлоо комиссиясынын мүчөлөрү, байкоочулар, саясий партиялардын жана талапкерлердин өкүлдөрү, басмакананын, жалпыга маалымдоо каражаттарынын  өкүлдөрү катышты.   

Бирдиктүү шайлоо округу боюнча депутаттарды шайлоо үчүн –  3 702 646 бюллетень даярдалды. Кыргыз тилинде – 2970157, орус тилинде  – 732489 бюллетень. Мындан тышкары, 2494 бюллетень Брайль ариби менен даярдалды.   

Бишкек шаарына - 431 382, Жалал-Абад облусуна – 686 684, Ош облусуна – 900 536, Баткен облусуна – 305 666, Нарын облусуна – 209 073, Ысык-Көл облусуна – 316 828, Талас облусуна – 163 001, Чүй облусуна – 611 842 бюллетень, чет өлкөлүк участкаларга – 75 727 бюллетень жөнөтүлдү.

Бир мандаттуу шайлоо округу боюнча КР ЖК депутаттарын шайлоону өткөрүү үчүн бардыгы болуп 3 625 277 бюллетень даярдалды. Кыргыз тилинде – 2928810, орус тилинде – 696467 бюллетень.  Мындан тышкары, 2435 бюллетень Брайль ариби менен дардалды. 

Бир мандаттуу шайлоо округдары боюнча депутаттарды шайлоо үчүн даярдалган шайлоо бюллетендери төмөндө таблицада көрсөтүлгөн санда округдук шайлоо комиссияларына жөнөтүлдү.  

Кара-Суу жана Кербен шаардык кеӊештеринин, ошондой эле Кызыл-Өзгөрүш, Тогуз-Торо жана Терек-Сай айыл кеӊештеринин депутаттарын шайлоону өткөрүү үчүн бардыгы болуп 41858 шайлоо бюллетени даярдалды. Кыргыз тилинде – 41358, орус тилинде – 500 бюллетень. 

Кыргыз Республикасынын «Кыргыз Республикасынын Президентин жана Кыргыз Республикасынын Жогорку Кеӊешинин депутаттарын шайлоо жөнүндө» Мыйзамынын 30-беренесине ылайык, бир мандаттуу шайлоо округу боюнча КР ЖК депутаттарын шайлоого шайлоо бюллетенинде чүчү кулак менен аныкталган кезекте талапкердин фамилиясы, аты, атасынын аты жазылган. 

Бирдиктүү шайлоо округу боюнча Жогорку Кеӊештин депутаттарын шайлоого шайлоо бюллетени эки бөлүктөн турат. 

Биринчи бөлүгүндө саясий партиялардын аталыштары чүчү кулак менен аныкталган тартипте жайгаштырылат. Ар бир саясий партиянын оӊ жагында бош чарчы жайгашкан. Шайлоо бюллетенинин экинчи бөлүгүндө сол жагындагы тышкы бөлүгүндө номерлери коюлган 54 бош чарчы жайгашкан. Бош чарчынын номери саясий партиянын талапкерлеринин каттоого алынган тизмесиндеги талапкердин номерине туура келет.   

КР «Кыргыз Республикасынын референдум жөнүндө» Мыйзамынын 31-беренесине ылайык, участкалык шайлоо комиссияларына берилүүчү шайлоо бюллетендеринин саны шайлоо участкасы боюнча шайлоочулардын тизмесине кирген шайлоочулардын санынан 0,1 пайыздан (практикада – 1 УШКга 1-2 бюллетенден ашпаган) ашпашы керек. 

«Учкун» ААКта бюллетендерди бастыруу процессине курамы БШК мүчөлөрү, БШК аппаратынын бөлүмдөрүнүн кызматкерлеринен турган жумушчу топ тарабынан тынымсыз (сутка бою) мониторинг жүргүзүлдү. «Учкун» ААКтын басма цехинде референдум жана жергиликтүү кеӊештин депутаттарын шайлоону өткөрүү үчүн бастырылып жаткан бюллетендерди тестирлөө үчүн жабдуулардын комплектиси орнотулган. Коопсуздукту УКМК жана ИИМ кызматкерлери камсыздады. 

Шайлоо бюллетени жана добуш берүү үчүн бюллетень жогорку деӊгээлдеги коргоого ээ, ага ар бир бюллетенди автоматтык эсептөөчү урна (АЭУ) таануусу үчүн атайын коргоочу боёк жалатылат. 

Үч шайлоо тутумун ажыратуу үчүн бир мандаттуу шайлоо округу боюнча бюллетендин капталдарында көгүш тилке кетет, ал эми бирдиктүү шайлоо округу боюнча бюлеттень толугу менен ак, жергиликтүү кеӊештин депутаттарын шайлоого бюллетендин капталдарында күлгүн тилке болот.   

Борбордук шайлоо комиссиясы бюллетендерди округдук шайлоо комиссияларына акты боюнча өткөрүп берет.   

Шайлоо бюллетендери жана добуш берүү үчүн бюллетендер бардык коопсуздук чараларды камсыздоо менен атайын байланыш унаалары менен жөнөтүлөт. 

Жараксыздоо жол-жобосу жасалгандан кийин КР ЖК депутаттарын шайлоону өткөрүү үчүн жараксыз 696,500 килограмм бюллетень утилдештирилди.   

Маалымат иретинде: Жараксыздандыргандан кийин, басмакана бюллетендерди акт боюнча Борбордук шайлоо комиссиясына өткөрүп берет. КР БШКнын 3төн кем эмес мүчөсүнүн, саясий партиялардын, талапкерлердин өкүлдөрүнүн, басмакананын, жалпыга маалымдоо каражаттарынын, укук коргоо органдарынын өкүлдөрүнүн катышуусунда бюллетендерди өткөрүп бергенден кийин, жараксыз деп эсептелген жана ашыкча бюллетендер жок кылынат, бул тууралуу акт түзүлүп, ага катышкандардын баары кол коюшат.   

Конституциялык мыйзамдын талаптарынын бузулбоосу үчүн басмаканадан, шайлоо комиссиялардын имаратынан шайлоо бюллетендерин алып чыгууга, ошондой эле көчүрүүгө жана таркатууга тыюу салынат.   

КР БШК аппаратынын маалымат бөлүмү