КР БШК талапкерлерди жана партияларды “2021-жылдагы Кыргыз Республикасынын Жогорку Кеңешинин депутаттарын шайлоонун жүрүшүндө үгүт өнөктүгүн жүргүзүү өзгөчөлүктөрү” деген тема боюнча тренингге чакырат

13 октября 2021

 

2021-жылдын 28-ноябрына дайындалган Кыргыз Республикасынын Жогорку Кеңешинин депутаттарын шайлоого талапкерлигин көрсөткөн талапкерлердин, талапкерлердин тизмесин көрсөткөн саясий партиялардын эсине

Кыргыз Республикасынын Шайлоо жана референдум өткөрүү боюнча борбордук комиссиясы (КР БШК) «Жарандык платформа» коомдук фонду жана Жарандык өнүгүү институту менен биргеликте Кыргыз Республикасынын 7 облусунда “2021-жылдагы Кыргыз Республикасынын Жогорку Кеңешинин депутаттарын шайлоонун жүрүшүндө үгүт өнөктүгүн жүргүзүү өзгөчөлүктөрү” деген тема боюнча саясий партиялар, талапкерлердин өкүлдөрү үчүн бир катар окутуу тренингин өткөрүүдө.

Окутуу тренингдери саясий партиялардын, талапкерлердин өкүлдөрүн 2021-жылы өтүүчү Жогорку Кеңешке шайлоодо үгүт жүргүзүүнүн жаңы эрежелери жана талаптары менен тааныштыруу максатында өткөрүлүүдө.

Талапкерлер, талапкерлердин жана саясий партиялардын өкүлдөрү төмөнкү маселелер боюнча маалымат жана кеңеш алышат:

- Кыргыз Республикасынын Жогорку Кеңешинин депутаттарын шайлоонун жүрүшүндө шайлоо алдындагы үгүт жүргүзүүнүн негизги эрежелери;

- телекөрсөтүү жана радио боюнча үгүт жүргүзүү;

- басылма жалпыга маалымдоо каражаттары жана интернет-басылма аркылуу үгүт жүргүзүү;

- көпчүлүк катышкан иш-чараларды өткөрүү аркылуу үгүттөө;

- басылма, укма-көрмө жана башка үгүт материалдарын чыгаруу жана таратуу;

- шайлоо алдындагы үгүт жүргүзүү укугун кыянаттык менен пайдаланууга жол берилбестиги;

- пикир айтуу эркиндигине укукту мыйзамдардын алкагында чектөөлөр – конституциялык-укуктук өңүт;

- 2021-жылдагы КР ЖКга шайлоонун жүрүшүндө шайлоо комиссиялары, сот органдары тарабынан каралуучу шайлоо талаш-тартыштары.

 

Тренингдерди өткөрүү графиги

 

Датасы

Шаар

Өткөрүлүүчү жер

  1.  

13.10.2021

Бишкек ш.

 «Парк Отель» отели

  1.  

15.10.2021

Балыкчы ш.

 «Алия» отели

  1.  

16.10.2021

Нарын ш.

 «Аска» отели

  1.  

18.10.2021

Баткен ш.

 «Алтын Бешик» отели

  1.  

19.10.2021

Ош ш.

 «Жаннат» отели

  1.  

20.10.2021

Жалал-Абад ш.

 «Жаннат» отели

  1.  

26.10.2021

Талас ш.

«Кербен Палас» отели

 

Катышуу маселелери боюнча төмөнкү байланыш телефон номурларына чалып, кайрылууга болот: 0777 91 10 20, 0555 21 12 21, 62-62-87.

 

КР БШК аппаратынын маалымат бөлүмү