Бишкек АШК шайлоо мыйзамдарын бузууларга байланыштуу арыздарды карады

04 июля 2021

2021-жылы 4-июлда Бишкек аймактык шайлоо комиссиясынын (АШК) «Келечек-Будущее» саясий партиясынан талапкердин эки аял алууну мыйзамдаштырууну колдоп, социалдык түйүндө жарыялаган видеосуна байланыштуу ал саясий партияга карата «Реформа» саясий партиясынын арызын кароосунун жыйынтыгы боюнча Бишкек АШК шайлоо алдында үгүт жүргүзүү эрежелери жана тартиби жаатында шайлоо мыйзамдары бузулгандыгын аныктаган жок.

«Эмгек Партиясы» саясий партиясынан Бишкек шаардык кеңештин депутаттыгына талапкерлердин бири Октябрь районунун короолорунун биринде олтургучту сырдап жатканын чагылдырган Фэйсбук социалдык түйүндө жарыялаган видеого, ошондой эле балдар менен түшкөн сүрөткө байланыштуу Бишкек АШК аларды жана талапкер берген кошумча видеоматериалдарды карап чыгып, талапкер С. Дөөлөтбаковдун аракетинде шайлоо алдында үгүт жүргүзүү эрежелерин жана тартибин бузуу болбогондугун аныктады.

 

КР БШК аппаратынын маалымат бөлүмү