Кыргыз Республикасынын Шайлоо жана референдум өткөрүү боюнча борбордук комиссиясы 2021-жылдын  2-июнундагы жыйналышында “Бир Бол” парламенттик фракциясынан Кыргыз Республикасынын Жогорку Кеңешинин депутаты Жапаров Акылбек Үсөнбековичтин ыйгарым укуктарын мөөнөтүнөн мурда токтотту.

КР БШК Кыргыз Республикасынын Министрлер Кабинетинин Төрагасынын орун басары – экономика жана финансы министри болуп дайындоо жөнүндө Кыргыз Республикасынын Президентинин 2021-жылдын 1-июнундагы № 241 Жарлыгынын негизинде, Кыргыз Республикасынын Конституциясынын 79-беренесинин 2-бөлүгүнүн 4-пунктуна, “Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө” Кыргыз Республикасынын конституциялык Мыйзамынын 65-беренесинин 4-бөлүгүнүн 1-пунктуна, “Кыргыз Республикасынын Жогорку Кеңешинин депутатынын статусу жөнүндө” Кыргыз Республикасынын Мыйзамынын 3-беренесинин 1-бөлүгүнүн 3-пунктуна, 2-бөлүгүнө ылайык А.Ү. Жапаровдун ыйгарым укуктарын мөөнөтүнөн мурда токтотуу жөнүндө токтом кылды.

Кыргыз Республикасынын Жогорку Кеңешинин депутаты Жапаров Акылбек Үсөнбековичтин күбөлүгү анык эмес деп табылды.

КР БШК маалымат бөлүмү