Башкы Жаңылыктар КР БШК Ысык-Көл облусунун бир катар айыл өкмөт …

КР БШК Ысык-Көл облусунун бир катар айыл өкмөт башчыларын шайлоону дайындады

25-Май, 2021

Кыргыз Республикасынын Шайлоо жана референдум өткөрүү боюнча борбордук комиссиясы 2021-жылдын 25-майындагы жыйналышында Ысык-Көл облусунун Түп районунун Санташ, Карасаев, Арал, Тогуз-Булак, Михайловка, Ысык-Көл, Жети-Өгүз районунун Кызыл-Суу, Даркан, Жаргылчак, Барскоон, Тамга, Ысык-Көл районунун Семеновка, Ананьев, Абдрахманов, Өрүктү, Кумбел, Садыр-Аке, Ак-Суу районунун Октябрь, Кара-Жал, Челпек, Бөрү-Баш, Теплоключенка, Энилчек айыл өкмөт башчыларын шайлоону дайындоо жөнүндө токтом кылды.

№	Айыл кеңешинин аталышы (шайланган дата)	Мандаттардын саны	Жергиликтүү кеңештин төрагасын шайлоо датасы	Жергиликтүү кеңештердин шайланган төрагалары	ЖӨБО башчыларын шайлоону өткөрүү датасы
Ысык-Көл облусу
Түп району
1	Санташ айыл кеңеши	21	15.05.21	Орозбаков Эдил Садырович	11-июнь 2021 саат 9:00дөн 12:00гө чейин
2	Карасаев айыл кеңеши	11	17.05.21	Шаршембиев АрсланбекАкджолбекович	11-июнь 2021 саат 15:00дөн 18:00гө чейин
3	Арал айыл кеңеши	21	17.05.21	Кенжебаев Жыргалбек Арыкович	12-июнь 2021 саат 9:00дөн 12:00гө чейин
4	Тогуз-Булак айыл кеңеши	11	19.05.21	Акунов Турсуналы Джанбоевич	12-июнь 2021 саат 15:00дөн 18:00гө чейин
5	Михайловка айыл кеңеши	11	18.05.21	Лихобабина Ирина Михайловна	13-июнь 2021 саат 9:00дөн 12:00гө чейин
6	Ысык-Көл айыл кеңеши	11	18.05.21	Саяков Курманбек Чымырбаевич	13-июнь 2021 саат 15:00дөн 18:00гө чейин
Жети-Өгүз району
1	Кызыл-Суу айыл кеңеши	21	19.05.2021	Чыныбаева Гүлсүн Абдрасуловна	11-июнь 2021 саат 9:00дөн 12:00гө чейин
2	Даркан айыл кеңеши	21	19.05.2021	Муканбетов Бексултан Аскербекович	11-июнь 2021 саат 15:00дөн 18:00гө чейин
3	Жаргылчак айыл кеңеши	21	19.05.2021	Молдакунов Жыргалбек Жолоевич	12-июнь 2021 саат 9:00дөн 12:00гө чейин
4	Барскоон айыл кеңеши	21	20.05.2021	Чекиров Насырбек Токтосунович	12-июнь 2021 саат 15:00дөн 18:00гө чейин
5	Тамга айыл кеңеши	21	20.05.2021	Букаров Азамат Асанкадырович	13-июнь 2021 саат 9:00дөн 12:00гө чейин
Ысык-Көл району
1	Семеновка айыл кеңеши	21	17.05.2021	Бараканова Айбукен Сатындиевна	11-июнь 2021 саат 9:00дөн 12:00гө чейин
2	Ананьев айыл кеңеши	21	17.05.2021	Мамагулов Саламат Кубанычбекович	11-июнь 2021 саат 15:00дөн 18:00гө чейин
3	Абдрахманов айыл кеңеши	11	18.05.2021	Жээналиев Максатбек Нургазыевич	12-июнь 2021 саат 9:00дөн 12:00гө чейин
4	Өрүктү айыл кеңеши	11	18.05.2021	Дюшебаев Талгат Жумагулович	12-июнь 2021 саат 15:00дөн 18:00гө чейин
5	Кумбел айыл кеңеши	11	19.05.2021	Карамолдоев Болот Жекшеналиевич	13-июнь 2021 саат 9:00дөн 12:00гө чейин
6	Садыр-Аке айыл кеңеши	21	17.05.2021	Бозгунбаев Айбек Бактыбекович	13-июнь 2021 саат 15:00дөн 18:00гө чейин
Ак-Суу району
1	Октябрь айыл кеңеши	21	15.05.2021	Иманалиев Тологон Талантбекович	10-июнь 2021 с 9-00 до 12-00 ч
2	Кара-Жал айыл кеңеши	11	15.05.2021	Жумашов Райымбек Орозалиевич	10-июнь 2021 с 15-00 до 18-00
3	Челпек айыл кеңеши	21	15.05.2021	Омуркулов Бактыбек Конокбекович	11-июнь 2021 саат 9:00дөн 12:00гө чейин
4	Бөрү-Баш айыл кеңеши	11	15.05.2021	Тынаев Кубанычбек Джапарович	11-июнь 2021 саат 15:00дөн 18:00гө чейин
5	Теплоключенка айыл кеңеши	21	18.05.2021	Алмабеков Айбек Исабекович	12-июнь 2021 саат 9:00дөн 12:00гө чейин
6	Энилчек айыл кеңеши	11	17.05.2021	Ибраев Нурлан Токонбаевич	13-июнь 2021 саат 9:00дөн 12:00гө чейин

Чечимдер “Шайлоо жана референдум өткөрүү боюнча шайлоо комиссиялары жөнүндө” Кыргыз Республикасынын Мыйзамынын 6,7,14,18-беренелерине, “Жергиликтүү өз алдынча башкаруу жөнүндө” Кыргыз Республикасынын Мыйзамынын 49-беренесине, Кыргыз Республикасынын Шайлоо жана референдум өткөрүү боюнча борбордук комиссиясынын 2017-жылдын 6-январындагы №3 токтому менен бекитилген “Айыл өкмөт башчысын шайлоо тартиби жөнүндө” Жобосуна ылайык кабыл алынды.

Аймактык шайлоо комиссияларына жергиликтүү өз алдынча башкаруунун аткаруу органдарына шайлоону Кыргыз Республикасынын мыйзамдарына ылайык, ошондой эле Кыргыз Республикасынын Өкмөтүнүн 2020-жылдын 11-майындагы № 244 токтому менен бекитилген санитардык-эпидемиологиялык эрежелерди сактоо менен өткөрүүнү уюштуруу тапшырылды.

КР БШК аппаратынын маалыматтык бөлүмү

Башка жаңылыктар

Бардык жаңылыктар

22-Окт, 2026

КР БШКнын өкүлдөрү Жалал-Абад облусунда шайлоого даярдык көрүү маселелерин талкуулашты

2026-жылдын 21–22-октябрында Кыргыз Республикасынын Шайлоо жана референдум өткөрүү боюнча борбордук комиссиясынын төрагасынын орун басары Русланбек Жакышов жана БШК мүчөсү Бөдөш Мамырова Жалал-Абад облусунун Манас шаарында, Ноокен, Базар-Коргон, Аксы жана Ала-Бука райондорунда жергиликтүү өз алдынча башкаруу органдарынын жетекчилери, укук коргоо органдарынын өкүлдөрү жана шайлоо комиссияларынын мүчөлөрү менен жумушчу жолугушууларды өткөрүштү.Жолугушуулардын жүрүшүндө 2027-жылдын 27-январына белгиленген Кыргыз Республикасынын Президентин шайлоого даярдык көрүү, шайлоо процессин мыйзам талаптарына ылайык уюштуруу жана тиешелүү мамлекеттик жана муниципалдык органдардын өз ара аракеттенүүсүн камсыз кылуу маселелери каралды.БШК төрагасынын орун басары Русланбек Жакышов Кыргыз Республикасынын Президентин шайлоодогу жаңы талаптар, шайлоо мыйзамдарына киргизилген өзгөртүүлөр, жаңыланган шайлоо технологиялары жана талапкерлерди колдоо тартибинин өзгөчөлүктөрү тууралуу кеңири баяндама жасады. Мындан тышкары, шайлоону даярдоо жана өткөрүүдө мамлекеттик бийлик органдарынын жана жергиликтүү өз алдынча башкаруу органдарынын милдеттерине жана жоопкерчилигине токтолду. Ал эми укук коргоо органдарынын өкүлдөрү менен болгон талкууда шайлоо мыйзамдарынын бузулушуна жол бербөө, шайлоочуларга жана шайлоо процессинин башка катышуучуларына мыйзамсыз кысым көрсөтүү аракеттерин алдын алуу, шайлоо процессине мыйзамсыз кийлигишүүгө бөгөт коюу жана коопсуздукту камсыз кылуу маселелери белгиленди.Жарандардын шайлоо укуктарын толук ишке ашыруусуна шарт түзүү, шайлоо процессинин бардык этаптарында мыйзам талаптарын так сактоо, шайлоочулардын укуктары менен эркиндиктерин коргоо - маанилүү багыттардын бири.

Кененирээк билүү >>

21-Окт, 2026

КР БШКсы шайлоо алдындагы үгүт иштерин мыйзамда белгиленген мөөнөттөн мурда жүргүзүүгө жол берилбестигин дагы бир жолу эскертет

Бүгүн, 21-октябрда Кыргыз Республикасынын Шайлоо жана референдум өткөрүү боюнча борбордук комиссиясынын мүчөсү Тимур Оторбаевдин жетекчилиги астында Шайлоочуларды жана шайлоо процессинин башка субъекттерин маалымдоо маселелери жана үгүт жүргүзүү эрежелери боюнча Жумушчу топтун жыйыны өттү.Жыйындын жүрүшүндө социалдык тармактарга жүргүзүлгөн мониторингдин алкагында “Кыргыз Республикасынын Президентин жана Жогорку Кеңештин депутаттарын шайлоо жөнүндө” конституциялык Мыйзамынын шайлоо алдындагы үгүт жүргүзүүнүн белгиленген мөөнөттөрүн жана шарттарын сактоо талаптарына каршы келүү белгилери бар материалдар аныкталып, каралды.Шайлоо мыйзамдарынын талаптарына ылайык келбеген материалдарды жарыялаган социалдык тармактардын активдүү колдонуучулары Санжарбек Тилеков, Айбек Теңизбай жана Туратбек Мусакеевдерге эскертүү берилип, билдирүүлөрүн өчүрүү милдеттендирилди. Аталган жарандар мындан ары мыйзамдардын талаптарын сактоого жана ушул сыяктуу бузууларга жол бербөөгө даяр экендиктерин билдиришти.Кыргыз Республикасынын Шайлоо жана референдум өткөрүү боюнча борбордук комиссиясы шайлоо алдындагы үгүт иштерин мыйзамда белгиленген мөөнөт башталганга чейин жүргүзүүгө тыюу салынарын дагы бир жолу эскертет. Бул талап шайлоо алдындагы үгүттүн мыйзамдарда каралган бардык формаларына жана ыкмаларына, анын ичинде социалдык тармактарда жана башка интернет-ресурстарда тиешелүү материалдарды жайгаштырууга жана таратууга да тиешелүү.БШК жарандарды, талапкерлерди, алардын өкүлдөрүн, саясий партияларды жана шайлоо процессинин башка катышуучуларын шайлоо мыйзамдарынын талаптарын так сактоого, мыйзамда белгиленген мөөнөт башталганга чейин шайлоо алдындагы үгүт катары бааланышы мүмкүн болгон аракеттерден оолак болууга, ошондой эле социалдык тармактарда маалыматтарды жайгаштырууда жана таратууда жоопкерчиликтүү мамиле кылууга чакырат.Жумушчу топ өз ыйгарым укуктарынын чегинде социалдык тармактарга мониторинг жүргүзүүнү жана шайлоо мыйзамдарынын мүмкүн болгон бузуулары тууралуу материалдарды кароону улантат.Шайлоо алдындагы үгүт жүргүзүүнүн мыйзамда белгиленген мөөнөттөрүн жана эрежелерин сактоо шайлоо процессинин катышуучулары үчүн бирдей мүмкүнчүлүктөрдү камсыз кылуунун, мыйзамдуулукту жана шайлоонун ачык-айкындуулугун сактоонун маанилүү шарты болуп саналат.

Кененирээк билүү >>

19-Окт, 2026

Баткен, Ош жана Жалал-Абад облустарында жарандардын айрым категорияларынын шайлоо укуктарын камсыздоо боюнча тренингдер өткөрүлдү

2026-жылдын 15, 16 жана 19-октябрында Кыргыз Республикасынын Шайлоо жана референдум өткөрүү боюнча борбордук комиссиясынын жарандардын айрым категорияларынын шайлоо укуктарын камсыздоо боюнча жумушчу тобунун мүчөлөрү Баткен, Ош жана Жалал-Абад облустарындагы мамлекеттик уюмдардын жана мекемелердин өкүлдөрү үчүн тренингдерди өткөрүштү. Тренингдердин негизги максаты – жарандардын айрым категорияларынын шайлоого катышуусун уюштуруу маселелери боюнча маалымдуулукту жогорулатуу жана тиешелүү адистердин компетенцияларын өнүктүрүү. Окутуу программасы жалпы шайлоо укугунун негизги принциптеринен тартып, жарандардын айрым категорияларынын шайлоого катышуусун уюштуруунун практикалык маселелерине чейинки темаларды камтыды. Тренингдерге жалпысынан 225 адам катышты. Алардын арасында Кыргыз Республикасынын Эмгек, социалдык камсыздоо жана миграция министрлигинин, Ички иштер министрлигинин, Коргоо министрлигинин, Министрлер Кабинетине караштуу Мамлекеттик чек ара кызматынын, Министрлер Кабинетине караштуу Жазаларды аткаруу мамлекеттик кызматынын, ошондой эле Баткен, Ош жана Манас шаарларынын мэрияларынын өкүлдөрү болушту. Теориялык жана практикалык сабактардын жүрүшүндө катышуучулар төмөнкү негизги маселелерди кеңири талкуулашты:- жалпы шайлоо укугу жана шайлоо укугун чектөөгө байланышкан маселелер, анын ичинде жарандардын айрым категорияларына тиешелүү жагдайлар;- жарандардын айрым категорияларынын шайлоо укуктарын камсыздоодо шайлоо комиссиялары менен мамлекеттик органдардын өз ара аракеттенүүсү;- шайлоо комиссияларынын электрондук порталдары жана шайлоо процесстерин санариптик форматта уюштуруу;- жарандардын айрым категорияларын маалымдоо жана шайлоо алдындагы үгүт иштерин жүргүзүү тартиби;- шайлоо участогунан тышкары жерде добуш берүүнү уюштуруу тартиби жана добуш берүүнүн купуялуулугун камсыздоо.Талкуулардын жүрүшүндө катышуучулар жарандардын айрым категорияларынын шайлоо укуктарын ишке ашырууда алардын укуктарын коргоо механизмдерине, шайлоо процессине тоскоолдуксуз катышуусу үчүн зарыл шарттарды түзүү маселелерине өзгөчө көңүл бурушту. Өткөрүлгөн тренингдер мамлекеттик органдардын жана мекемелердин өкүлдөрүнүн шайлоо укуктарын камсыздоо жаатындагы билимдерин тереңдетүүгө, ведомстволор аралык кызматташтыкты өнүктүрүүгө жана жарандардын айрым категорияларынын шайлоо процессине толук кандуу катышуусуна өбөлгө түзүүгө багытталды

Кененирээк билүү >>

19-Окт, 2026

КР БШКсы шайлоо алдындагы үгүт жүргүзүү тартибин бузган бир катар жарандарга эскертүү берди

Бүгүн, 19-октябрда Кыргыз Республикасынын Шайлоо жана референдум өткөрүү боюнча борбордук комиссиясынын Шайлоочуларды жана шайлоо процессинин башка субъекттерин маалымдоо маселелери жана үгүт жүргүзүү эрежелери боюнча Жумушчу топтун жыйыны өттү. Жыйында мыйзамда белгиленген үгүт жүргүзүү мөөнөтү башталганга чейин талапкерлерди колдоого же аларга каршы үгүттөөгө байланышкан мыйзам бузуулар боюнча тиешелүү чаралар көрүлдү. Атап айтканда, социалдык тармактар аркылуу белгилүү бир талапкерге добуш берүүгө же бербөөгө чакыруу, талапкерлерди шайлоого же шайлабоого багытталган материалдарды таратуу, ошондой эле шайлоочулардын тандоосуна таасир этүү максатында сурамжылоолорду уюштуруу жана алардын жыйынтыктарын пайдалануу фактылары каралды.Аныкталган мыйзам бузуулар боюнча Кыргыз Республикасынын Укук бузуулар жөнүндө кодексинин тиешелүү беренелерине ылайык, социалдык тармактардын активдүү колдонуучулары Залкарбек Кудайбердиев, Бахтияр Кыдыралиев, Малик Исмаилбек уулуна жана Жыргалбек Ибраимовдорго эскертүү берилди. Жогорудагы жарандар Жумушчу топ тарабынан айтылган сын-пикирлерди, сунуштарды эске алып, социалдык тармактардагы жарыялаган билдирүүлөрүн өчүрүүгө жана башка мындай аракеттерге барбай тургандыктарын билдиришти. Борбордук шайлоо комиссиясы бардык жарандарды, жалпыга маалымдоо каражаттарын жана социалдык тармактардын колдонуучуларын шайлоо мыйзамдарынын талаптарын так сактоого чакырат.

Кененирээк билүү >>