2020-жылдын 23-ноябрынан тарта Кыргыз Республикасынын Шайлоо жана референдум өткөрүү боюнча борбордук комиссиясы “Жарандык платформа” коомдук фонду менен биргеликте, ЕККУнун Бишкектеги программалык офисинин колдоосу менен, “Шайлоо мыйзамдарынын ченемдери бузулганда аракет жасоо жана иш-чараларды иштеп чыгуудагы укук коргоо органдарынын ролу” деп аталган тренингдердин сериясын өткөрөт.
Окута турган иш-чаралардын бул цикли 2021-жылдын 10-январына дайындалган КР Президентин мөөнөтүнөн мурда шайлоодо шайлоочулардын добушун сатып алууга жана административдик ресурстун колдонулушуна каршы багытталган.
Укук коргоо органдарынын кызматкерлери менен административдик ресурсту кыянаттык менен пайдалануунун жана шайлоочулардын добушун сатып алуудагы жоопкерчилик тууралуу талкуулар жүргүзүлөт, ошондой эле шайлоо мыйзамдарынын бузулушун камтыган башка бир катар кейстер да сунуш кылынып жана юридикалык жоопкерчиликтин ченемдерин колдонуу тартиби да талкууга салынат.
Окутуу программасында шайлоо мыйзамын бузгандыгы үчүн конституциялык-укуктук жоопкерчилик; бузуулар жөнүндөгү иштерди кароодо комиссиялар жана шайлоо комиссияларынын даттанууларды (арыздарды) кароолорунун тартиби; шайлоо комиссиялары менен укук коргоо органдарынын өз ара иштешүүсүнүн тартиби; шайлоону даярдоо жана өткөрүү мезгилинде добуштарды сатып алууга каршы жана шайлоо процессине тиешелүү бир катар башка маселелер да бар.
Укук коргоо органдары үчүн тренингдердин графиги
|
23 – 24 ноябрь 2020 |
Жалал-Абад шаары |
|
25 – 27 ноябрь 2020 |
Ош шаары |
|
28 ноябрь 2020 |
Баткен шаары |
|
3 - 4 декабрь 2020 |
Талас шаары |
|
7 – 8 декабрь 2020 |
Нарын шаары |
|
9 – 10 декабрь 2020 |
Каракол шаары |
|
11 – 12 декабрь 2020 |
Чүй облусу |
Окутуучу тренингдердин жүрүшүндө аймактык шайлоо комиссияларынын мүчөлөрү укук коргоо органдарынын кызматкерлери менен биргеликте өз ара иштешүүнүн формаларын, тигил же бул мыйзам бузууларга реакция жасоонун түрлөрүн талкуулап, добуш сатып алууларга жана административдик ресурсту колдонууларга жана башка мыйзам бузууларга каршы биргелешип аракет кылуунун алгоритмин иштеп чыгышат.
КР БШК Маалыматтык бөлүмү
