Кыргыз Республикасынын Шайлоо жана референдум өткөрүү боюнча борбордук комиссиясы 2020-жылдын 19-ноябрындагы өз жыйналышында жергиликтүү кеңештеринин кээ бир депутаттарынын ыйгарым укуктарын мөөнөтүнөн мурда токтотуу жана бош калган депутаттык мандаттарды жергиликтүү кеңештердин депутаттыгына талапкерлерге өткөрүп берүү жөнүндөгү Түп, Токмок, Кадамжай, Араван жана Кара-Суу аймактык шайлоо комиссияларынын чечимдерин бекитүү тууралуу токтом кылды.

Түп району, Ысык-Көл облусу:

• Арал айылдык кеңеши – Аштыкбаев Нурбек Бейшенович өз арызы боюнча ыйгарым укуктарын токтотту. Бош мандат врач-педиатр Исаев Сапарбек Уркасымовичке өткөрүп берилди.

Токмок шаары, Чүй облусу:

• Токмок шаардык кеңеши – Исманов Самат Жекшеналиевич (№37),  “Республика – Ата Журт” деп. фракциясы, өз арызы боюнча ыйгарым укуктарын токтотту.

Кадамжай району, Баткен облусу:

• Марказ айылдык кеңеши – Абдырашитов Жаркыналы Аскарович өз арызы боюнча ыйгарым укуктарын токтотту. Бош мандат кароолчу Шерматов Акматали Маматысаковичке өткөрүп берилди.

Араван району, Ош облусу:

С. Юсупов айылдык кеңеши:

• Моминова Кандалатхон Жоробаевна – каза болгонуна байланыштуу ыйгарым укуктарын токтотулду. Бош мандат “Обид Файз” ЖЧК директору Маннанов Бобир Абдукахаровичке өткөрүп берилди.
• Хомидов Кобилжон Юлчиевич – каза болгонуна байланыштуу ыйгарым укуктарын токтотулду. Бош мандат “Президент” дыйкан чарбсынын мүчөсү Козибаев Хотамжон Абдумаликовичке өткөрүп берилди.

Кара-Суу району, Ош облусу:

Отуз-Адыр айылдык кеңеши:

• Аликулов Таалайбек Абдырзакович – өз арызы боюнча ыйгарым укуктарын токтотту. Бош мандат убактылуу иштебеген Кожомбердиев Таалайбек Усеналиевичке өткөрүп берилди.

Жоош айылдык кеңеши:

• Джантороев Бакытбек Ахмедович – каза болгонуна байланыштуу ыйгарым укуктарын токтотулду. Бош мандат “Асфальт-Бетон Групп” ЖЧК директору Сулайманов Данияр Каныбековичке өткөрүп берилди.
• Жакыпов Памирбек – каза болгонуна байланыштуу ыйгарым укуктарын токтотулду. Бош мандат “Кыргыз Телекомдун” Ош облустук филиалынын инженери Мамасалиев Тологон Абдималиковичке өткөрүп берилди.

Түп, Токмок, Кадамжай, Араван жана Кара-Суу аймактык шайлоо комиссиялары жергиликтүү кеңештердин кээ бир депутаттарынын ыйгарым укуктарын мөөнөтүнөн мурда токтотуу жана бош калган депутаттык мандаттарды шайланган депутаттардан кийинки талапкерлерге өткөрүп берүү жөнүндө чечимдерди “Кыргыз Республикасынын шайлоо жана референдум өткөрүү боюнча шайлоо комиссиялары жөнүндө” Кыргыз Республикасынын Мыйзамынын 20-беренесине, “Жергиликтүү кеңештердин депутаттарынын статусу жөнүндө” Кыргыз Республикасынын Мыйзамынын 3-беренесине жана “Жергиликтүү кеңештердин депутаттарын шайлоо жөнүндө” Кыргыз Республикасынын Мыйзамынын 52-беренесине ылайык кабыл алышкан.

БШК “Кыргыз Республикасынын шайлоо жана референдум өткөрүү боюнча шайлоо комиссиялары жөнүндө” Кыргыз Республикасынын Мыйзамынын 6, 7, 18-беренелерине, “Жергиликтүү кеңештердин депутаттарын шайлоо жөнүндө” Кыргыз Республикасынын Мыйзамынын 52-беренесине жана “Жергиликтүү кеңештердин депутаттарынын статусу жөнүндө” Кыргыз Республикасынын Мыйзамынын 3-беренесине ылайык токтом чыгарды.

БШК маалымат бөлүмү