Кыргыз Республикасынын Шайлоо жана референдум ѳткѳрүү боюнча борбордук комиссиясы Кыргыз Республикасынын Шайлоо жана референдум ѳткѳрүү боюнча борбордук комиссиясынын 2020-жылдын 15-октябрындагы № 253 токтому менен 2020-жылдын 4-ноябрына дайындалган Талас облусунун  Бакай-Ата  районунун Ак-Дөбө айыл өкмөтүнүн башчысын шайлоого добуш берүүнүн жыйынтыгын жана натыйжаларын бекитүү боюнча токтом кабыл алды.

Ак-Дөбө айыл өкмөтүнүн башчысынын кызмат ордуна 1 талапкер – жергиликтүү кеңештин депутаттарынан сунушталган, Айдаралиев Нургазы Сартбаевич катталган.

Добуш берүүгѳ Ак-Дөбө айылдык кеңешиндеги 21 депутаттын 17 депутаты катышып, Н. С. Айдаралиев 11 добуш алгандыгы белгиленген, «бардык талапкерлерге каршы» позициясына – 6 добуш.

Бакай-Ата  аймактык шайлоо комиссиясынын шайлоонун натыйжасы жөнүндөгү 2020-жылдын 4-ноябрындагы протоколу менен Айдаралиев Нургазы Сартбаевич Ак-Дөбө айыл өкмөтүнүн башчысы болуп шайлангандыгы аныкталган.

Талас облусунун Бакай-Ата районунун Ак-Дөбө айыл өкмөтүнүн башчысын шайлоодогу добуш берүүнүн жыйынтыгына жана шайлоонун натыйжасына арыз, даттануулар түшкөн жок.

КР БШКнын маалымат бѳлүмү