Бүгүн, 2020-жылдын 2-октябрында, Кыргыз Республикасынын Шайлоо жана референдум өткөрүү боюнча борбордук комиссиясынын төрагасы Н. Шайлдабекова Ерман Мухтар Тилдабекулы жетектеген КМШ ПААнын Миссиясынын эл аралык байкоочулар тобу менен жолугушту.

Н. Шайлдабекованын айтымында, бул парламенттик шайлоонун өзгөчөлүгү - оор эпидемиологиялык кырдаалда өтүп жаткандыгы.

«Башка өлкөлөрдүн тажрыйбаларын эске алуу менен, биз шайлоонун милдеттүүлүгү жана мезгилдүүлүгү өлкөнүн туруктуу өнүгүшү үчүн өтө маанилүү фактор деп эсептедик. Ошондуктан, Кыргыз Республикасынын Президенти шайлоону конституциялык Мыйзамда белгиленген мөөнөттө санитардык-эпидемиологиялык коопсуздукту жана жарандардын ден соолугун коргоо боюнча иш-чараларды белгилөө жөнүндө чечим кабыл алды», - деди БШК төрагасы.

Н. Шайлдабекова КМШ Парламенттер аралык ассамблеясы менен кызматташуунун маанилүүлүгүн белгиледи.

"Кыргыз Республикасынын БШКсы республиканын шайлоо тутумуна системалуу түрдө киргизип жаткан өркүндөтүүлөр КМШ мамлекеттериндеги демократиялык шайлоонун стандарттары, шайлоо укуктары жана эркиндиктери жөнүндө Конвенциянын алкагында жүргүзүлүп жатат. 2015-жылдагы парламенттик шайлоодон кийин Кыргыз Республикасынын конституциялык Мыйзамы бир топ өркүндөтүлүп, атайын чаралар киргизилген чет өлкөлөрдө жашаган айрым жарандардын категориялары, ден соолугунун мүмкүнчүлүктөрү чектелген адамдар үчүн, аялдарга жана жаштарга түшүндүрүү иш-чаралары жүргүзүлдү. Шайлоо өнөктүгү учурунда административдик ресурстарды кыянаттык менен пайдалангандыгы жана шайлоочулардын добушун сатып алууга санкциялар дагы күчөтүлдү. Учурда шайлоо алдындагы этап аяктап, эртең жайдан тышкары жерде добуш берүү күнү болот. Шайлоону уюштуруу үчүн каралган бардык комплекс ишке ашырылды, шайлоочулардын акыркы тизмеси түзүлүп, ал 24-сентябрдан бери биздин сайтка жайгаштырылды. Биометрикалык каттоо жана добуштарды автоматтык эсептөө системасы бурмалоону жокко чыгарат”- деди ал.

Миссиянын башчысы Кыргыз Республикасынын Борбордук шайлоо комиссиясына Жогорку Кеңештин депутаттарын шайлоого чакыргандыгы үчүн ыраазычылык билдирип, шайлоодо ийгиликтерди каалады.

КР БШК маалымат бөлүмү