Кыргыз Республикасынын Шайлоо жана референдум өткөрүү боюнча борбордук комиссиясы 2020-жылдын 19-сентябрында жарандардын шайлоочулардын тизмесинде өзүлөрүн тактоо же шайлоо участкасынын дарегин өзгөртүү боюнча арыздарын берүү мөөнөтү аяктай тургандыгын билдирет.
Бүгүн, 19-сентябрда жарандардын конституциялык укуктарынын аткарылышын камсыз кылуу үчүн участкалык шайлоо комиссияларынын иш убактысы узартылды.
Кыргыз Республикасынын аймагында иштеп жаткан участкалык шайлоо комиссиялары жарандарды саат 20:00го чейин кабыл алышат.
Өлкөдөн тышкары жерлерде иштеген участкалык шайлоо комиссиялары саат 21:00го чейин кабыл алышат.
БШК "Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө" Кыргыз Республикасынын конституциялык Мыйзамынын 15-беренесинде «Ар бир шайлоочу шайлоочулардын тизмеси менен таанышкан учурдан тартып, бирок добуш берүү күнүнө чейин 15 календардык күндөн кечиктирбестен, белгиленген үлгүдөгү арызды, ага Кыргыз Республикасынын жаранынын паспортунун көчүрмөсүн (ал эми Кыргыз Республикасынын чегинен тышкары жашаган же жүргөн адамдар үчүн - Кыргыз Республикасынын жаранынын паспортунун көчүрмөсүн, ал жок учурда Кыргыз Республикасынын жаранынын жалпы жарандык паспортунун, кызматтык же дипломатиялык паспортунун көчүрмөсүн) тиркеп, тиешелүү участкалык шайлоо комиссиясына берүү жолу менен шайлоо дареги боюнча добуш берүүгө ниеттенгендиги жөнүндө билдирүүгө укуктуу, мындай учурда шайлоочу биометрикалык идентификациялоодон өтөт».
КР БШК маалымат бөлүмү
