Кыргыз Республикасынын Шайлоо жана референдум өткөрүү боюнча борбордук комиссиясы 12-МАБ башчысынын үгүт жүргүзгөнү тууралу“Реформа” саясий партиясынын кайрылуусун карады.

“Реформа” саясий партиясы колунда болгон видеоматериалдарга таянып, үй жана квартал комитеттери үчүн үгүт жүргүзгөн Биринчи Май району боюнча 12-муниципалдык аймактык башкармасынын башчысы Т.И. Касымов тарабынан “Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө” конституциялык Мыйзамдын 21-1-беренеси бузулгандыгын көрсөткөн.

Кыргыз Республикасында шайлоо жана референдум өткөрүүдө шайлоочулардын жана шайлоо процессинин башка субъектилеринин арыздарын жана даттанууларын кароо боюнча жумушчу топ тараптардын катышуусунда берилген материалдарды карап чыкты.

Бишкек шаардык кеңешинин 2011-жылдын 17-майындагы №232 токтому менен бекитилген Бишкек шаарынын мэриясынын муниципалдык аймактык башкармасы жөнүндө Типтүү жобонун 4-пунктунда МАБ Бишкек шаарынын мэриясынын аймактык бөлүмчөсү болуп саналат деп көрсөтүлгөн. МАБ кызматкерлери муниципалдык кызматчылар статусуна ээ.

Кыргыз Республикасынын Президентинин 2017-жылдын 31-январындагы ПЖ №17 Жарлыгы менен бекитилген Кыргыз Республикасынын Мамлекеттик жана муниципалдык кызмат орундарынын реестринин 6-главасына ылайык МАБ начальнигинин кызмат орду административдик муниципалдык кызмат ордуна кирет.

“Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө” КР конституциялык Мыйзамынын 21-1-беренесинин 3-бөлүгүнө ылайык “Талапкер болуп эсептелбеген жана мамлекеттик жана муниципалдык кызмат орундарын, ошондой эле мамлекеттик, муниципалдык ишканалардын, мекемелердин, мамлекеттик (муниципалдык) катышуунун үлүшү 30 пайыздан ашкан ишканалардын жана алардын түзүмдөрүнүн жетекчилеринин кызмат орундарын ээлеген адамдар талапкерди көрсөтүү же шайлоо максатында кызматтык же кызмат ордунун абалынын артыкчылыгын жана административдик ресурстун башка түрлөрүн пайдаланууга укуксуз.”

“Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө” КР конституциялык Мыйзамынын 43-беренесинин 4-бөлүгүнүн 3,4-абзацтарында минтип белгиленген: “Прокуратура органдары аткаруу бийлигинин органдары, жергиликтүү өз алдынча башкаруу органдары, алардын кызмат адамдары тарабынан шайлоо мыйзамдарынын сакталышын көзөмөлдөйт, ошондой эле Кыргыз Республикасынын мыйзамдарына ылайык жоопкерчилик каралган алардын иш-аракеттерине карата арыздарды (даттанууларды) карайт.

Ушул бөлүктүн үчүнчү абзацында көрсөтүлгөн адамдарды копшогондо, шайлоо комиссиялары Кыргыз Республикасынын мыйзамдарында белгиленген ыйгарым укуктарынын чектеринде жоопкерчилиги каралган, шайлоо процессинин субъекттеринин иш-аракеттерине карата арыздарды мыйзамдарда белгиленген ыйгарым укуктарынын чектеринде карайт.”

Ушул негизде Жумушчу топ бул факт боюнча укуктук баа берүү үчүн материалдарды прокуратура органдарына жөнөтүүнү БШКга сунуш кылды.

Борбордук шайлоо комиссиясынын жыйналышында кароонун жүрүшүндө БШК чечими КР БШКнын бир катар мүчөлөрүнүн сунушу боюнча толукталды. Боршайком мамлекеттик жана муниципалдык кызматчылардын шайлоого катышуучу тигил же бул саясий күчтөрдүн пайдасына карата аракеттерине жол берилбейт деп чечти жана Биринчи Май району боюнча 12-муниципалдык аймактык башкармасынын башчысы Т.И. Касымовго эскертүү берди.

12-МАБ начальниги Т.И. Касымовдун аракеттерине укуктук баа берүү жана аны мыйзамдарга ылайык укуктук жоопкерчиликке тартуу үчүн материалдарды прокуратурага жөнөтүүнү чечти.

Дискуссиянын жүрүшүндө МАБ башчысына байланыштуу эскерилген “Биримдик” партиясына эскертүү берүү жөнүндө дагы сунуш айтылды. Бирок берилген материалдар 12-МАБ башчысы Т.И. Касымовдун  аракеттеринде “Биримдик” партиясы менен өз ара байланышы бар-жогу тууралу маселени изилдөөнү талап кылат.

БШК мүчөлөрүнүн пикири боюнча партия-талапкерлердин жоопкерчилиги тууралу сөз болгондо маселени кылдат териштирүү зарыл, себеби ар кандай күчтөр партияга билгизбей туруп партиянын атынан иш-аракет жасаган провокацияларга жол бербөө үчүн байланыштар материалдар менен бышыкталышы керек. Ушуга байланыштуу ал пунктту киргизүү тууралу сунуш колдоого алынган жок.

БШК Төрагасы Н. Шайлдабекова каттоо аяктагандан кийин партияларга сунушталуучу Өз ара урматтоо жөнүндө меморандумга шайлоо процессинде администрациялык ресурсту пайдалануудан баш тартуу жөнүндө пунктту киргизүүнү сунуштады. БШК мүчөлөрү бул сунушту колдоду.

видеого шилтеме

КР БШК маалымат бөлүмү