Кыргыз Республикасынын Шайлоо жана референдум өткөрүү боюнча борбордук комиссиясы бүгүн – 21-августтагы өз жыйналышында Нарын облусунун Ат-Башы районунун Ат-Башы айыл аймагынын, Нарын шаарынын, Жалал-Абад облусунун Сузак районунун Ленин айыл аймагынын кээ бир шайлоо участокторунун даректерин өзгөртүү жөнүндө чечим кабыл алды.
Ат-Башы, Нарын шаардык жана Сузак аймактык шайлоо комиссияларынын кайрылуусунун негизинде, “Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө” Кыргыз Республикасынын конституциялык Мыйзамынын 13-беренесинин 4-бөлүгүнүн, “Кыргыз Республикасынын шайлоо жана референдум өткөрүү боюнча шайлоо комиссиялары жөнүндө” Кыргыз Республикасынын Мыйзамынын 7-беренесинин 1-бөлүгүнүн 2, 4-пункттарына ылайык төмөнкүдөй өзгөртүүлөр киргизилди:
- Нарын облусунун Ат-Башы районунун №4004 шайлоо участогунун дареги М. Өмүракунов көчөсү, 188 боюнча ҮМБ имаратынан – М. Өмүракунов көчөсү, 162/3 боюнча “Чатыр-Көл” кинотеатрынын имаратына;
- Нарын шаарынын №4063 шайлоо участогунун дареги Турдубаев көчөсү, 28 боюнча санитардык-эпидемиологиялык станциянын (СЭС) имаратынан – Нарын шаарынын Турдубаев көчөсү, 39 боюнча Маданият үйүнүн имаратына;
- Нарын шаарынын №4064 шайлоо участогунун дареги Качкынов көчөсү, 5 боюнча Нарын облустук оорукананын имаратынан – Тоголок Молдо көчөсү, 39 боюнча Маданият үйүнүн имаратына;
- Нарын шаарынын №4071 шайлоо участогунун дареги Мырзабеков көчөсү, 5 боюнча ЖПБ (ДЭУ) имаратынан – Нарын шаарынын Ленин көчөсү, 112 боюнча китепканасынын имаратына;
- №2424 шайлоо участогунун дареги Сузак айылындагы санитардык-эпидемиологиялык станциянын (СЭС) имаратынан – Сузак айылынын Дакан-Палван көчөсү, 75 боюнча С. Акбаров атындагы орто мектептин имаратына;
- №2124 шайлоо участогунун дареги С. Атабеков айылындагы ҮМБ имаратынан – Бек-Абад айылынын Ураимжан-Ата көчөсү, 3-А боюнча “Ынтымак” бала-бакчасынын имаратына;
- №2393 шайлоо участогунун дареги Ырыс айылындагы жеке менчиктеги имараттан – Кумуш-Азиз айылындагы Тиллабай-Ажы көчөсү, 23 боюнча спорт комплексинин имаратына;
- №2059 шайлоо участогунун дареги Ленин айылындагы Ю.А. Гагарин атындагы орто мектептин имараттан –Поращай көчөсү, 12 боюнча Ч. Айтматов атындагы Маданият үйүнүн имаратына.
КР БШК маалымат бөлүмү
